News of Thursday, 5th July 2018

જમ્‍મુ-કાશ્મીરની શેર એ કાશ્મીર યુનિવર્સિટીમાં દીક્ષાંત સમારોહમાં રાષ્‍ટ્રગીતનું અપમાનઃ કેટલાક વિદ્યાર્થી અને વિદ્યાર્થીનીઓ રાષ્‍ટ્રગીતના ગાયન સમયે ઉભા જ ન થયા

નવી દિલ્હીઃ જમ્‍મુ કાશ્‍મીરની શેર એ કાશ્મીર યુનિવર્સિટીના દીક્ષાંત સમારોહમાં રાષ્‍ટ્રગીતનું અપમાન થતા ઘેરા પડઘા પડ્યા છે.

આ સમારોહમાં કેટલાક વિદ્યાર્થીઓ દ્વારા રાષ્ટ્રગીતના અપમાનનો એક વીડિયો સામે આવ્યો છે. સમારોહમાં જ્યારે રાષ્ટ્રગીત વાગી રહ્યું હતું ત્યારે કેટલાક વિદ્યાર્થી-વિદ્યાર્થીનીઓએ તેના સન્માનમાં ઊભા થવાની પરંપરાનું પાલન કર્યું નહીં. તેઓ પોતાની સીટ ઉપર જ બેસી રહ્યાં. દીક્ષાંત સમારોહમાં સેંકડો વિદ્યાર્થીઓ અને વિદ્યાર્થીનીઓ હાજર હતાં. જ્યારે રાષ્ટ્રગીત વાગી રહ્યું હતું ત્યારે અનેક વિદ્યાર્થીઓ અને વિદ્યાર્થીનીઓ તેના સન્માનમાં આપોઆપ ઉભા થઈ ગયા હતાં. એજન્સીએ તેનો એક વીડિયો પણ જારી કર્યો છે. 

અત્રે જણાવવાનું કે વડાપ્રધાન નરેન્દ્રભાઇ મોદીએ મે મહિનામાં જ શેર એ કાશ્મીર યુનિવર્સિટી ઓફ એગ્રીકલ્ચર સાયન્સિઝ એન્ડ ટેક્નોલોજીના દીક્ષાંત સમારોહમાં મુખ્ય અતિથિ તરીકે ભાગ લીધો હતો. તેમણે કહ્યું હતું કે હું ખુશ છું કે આજે 400થી વધુ છાત્રોને મેડલ અને પદવીઓ પ્રદાન કરવામાં આવી. આ દરમિયાન પીએમ મોદીએ લેહમાં એશિયાની સૌથી મોટી સુરંગ 'જોજિલા'ની આધારશીલા રાખી હતી અને ત્યારબાદ સીધા કાશ્મીર પહોંચ્યા હતાં. 

જમ્મુ અને કાશ્મીર સરકારે 2016માં રાષ્ટ્ર વિરોધી ગતિવિધિઓમા કથિત રીતે સંડોવણી બદલ 12 જેટલા અધિકારીઓને સસ્પેન્ડ કરી નાખ્યા હતાં. આ અગાઉ તેમના વિરુદ્ધ ડોઝિયર તૈયાર કરાયું હતું. જે 12 ઓફિસરોને સસ્પેન્ડ કરાયા તેમના વિરુદ્ધ પોલીસ તપાસ પણ શરૂ કરાઈ હતી. પોલીસે આ ઓફિસરોને લઈને એક મહત્વનો તપાસ રિપોર્ટ તૈયાર કર્યો હતો. આ ઓફિસરોને પોલીસ રિપોર્ટ આવ્યાં બાદ રાજ્યના મુખ્ય સચિવના આદેશ પર સસ્પેન્ડ કરાયા હતાં. 

(6:02 pm IST)
  • અમદાવાદમાં કથિત લઠ્ઠાકાંડ બાદ રાજકોટ પોલીસ દ્વારા દારૂના ઠેર ઠેર દરોડા :કુલ 15 કેસ નોંધાયા : દેશી દારૂના 71 અને વિદેશી દારૂની 36 બોટલ ઝડપાઇ :15 આરોપીને દબોચી લીધા :દારૂ વેંચતા 17 લોકોનું ચેકીંગ access_time 11:46 pm IST

  • ચોમાસુધરી હિમાલયની તળેટીમાંથી દક્ષિણ તરફ આગળ વધીઃ દેશમાં ચોમાસુ ફરી સક્રિય બનશેઃ ખેડૂતોને થોડી રાહત મળે તેવા સમાચાર છે. હિમાલયની તળેટીમાં સરકી ગયેલી ચોમાસુધરી ફરી સક્રિય બની છે. દક્ષિણ દિશા તરફ ધીમી ગતિએ આગળ વધી રહી છે. જેથી ચોમાસુ હવે ફરી સક્રિય બનશે. દરમિયાન બંગાળની ખાડીમાં એક સાયકલોનીક સરકયુલેશન ઉદ્દભવ્યુ છે. જે હવાનું હળવુ દબાણ બને તેવી શકયતા છે. આ સિસ્ટમ્સની અસરથી ચોમાસુ વેગ પકડશે. હાલ તો છૂટાછવાયા ઝાપટા વરસશે. ભારે વરસાદની સંભાવના ઓછી છે access_time 11:28 am IST

  • ઇન્ડોનેશિયામાં નૌકા ડૂબી જતા 34 લોકોના મોત :155ને બચાવી લેવાયા :સુલાવેસી દ્વીપ નજીક દુર્ઘટના: શ્રમતા કરતા વધારે યાત્રીઓ હતા સવાર :190 મુસાફરોને લઇ જતી આ નૌકમાં 48 વાહનો પણ રાખ્યા હતા :સુલાવેસી દ્વીપ નજીક સેલેર કિનારાથી 300 મિત્ર દૂર નૌકા પલ્ટી ખાઈ ગઈ access_time 1:05 am IST