Gujarati News

યમનના સાઉથ પ્રાંતમાં એક લગ્ન સમારંભમાં હવાઇ હુમલાથી દુલ્હન સહિત 20 લોકોનાં મોત નિપજ્યા છે મૃતકોમાં સૌથી વધુ મહિલાઓ અને બાળકોનો સમાવેશ થાય છે. આ સિવાય વરરાજા સહિત 45 લોકો ઘાયલ થયા છે, જેઓને હોસ્પિટલમાં દાખલ કરાવવામાં આવ્યા છે.

   અહેવાલ મુજબ આ એરસ્ટ્રાઇકના નિશાના પર અલ-તાહિર જિલ્લાના ઘફિરાહ ગામમાં આયોજિત લગ્ન સમારંભ હતો. સાઉદી ગઠબંધનનો દાવો છે કે, તેઓએ ક્યારેય સામાન્ય નાગરિકોને નિશાન નથી બનાવ્યા. તેઓ માત્ર બળવાખોરોના ઠેકાણાંઓને જ ટાર્ગેટ કરે છે. આ હવાઇ હુમલામાં સાઉદી નેતૃત્વવાળા ગઠબંધનનો હાથ હોવાની આશંકા છે. જો કે, આ વાતની હજુ સુધી પુષ્ટી મળી નથી.
   સાઉદી નેતૃત્વવાળા ગઠબંધન દળોથી લડતા ઇરાન-સહયોગી શિયા હુથઇ વિદ્રોહીઓએ સાદામાં પોતાનો ગઢ બનાવીને રાખ્યો છે. આ સિવાય સોમવારે પણ યમનના જાબિદ જિલ્લામાં એક સ્કૂલની પાસે હવાઇ હુમલો થયો હતો. આ હુમલામાં 3 લોકોનાં મોત તયા હતા અને 4 લોકો ઘાયલ થયા હતા.