Gujarati News

Gujarati News

News of Wednesday, 3rd January 2018

મોબાઇલ ફોનમાં આવી રહ્યાં છે પેનિક બટન

નવી દિલ્હી તા.૩: મોબાઇલમાં બાળકો અને મહિલાઓ માટે પેનિક બટન આવી રહ્યાં છે અને એની ટ્રાયલ ૨૬ જાન્યુઆરીથી ઉત્તર પ્રદેશમાં શરૂ કરવામાં આવશે. જો ટ્રાયલ સફળ રહી તો પહેલાં આખા ઉત્તર પ્રદેશમાં અને પછી આખા દેશમાં લાગુ પાડવામાં આવશે. મુસીબતમાં ફસાયેલા બાળકો કે મહિલાઓ આ પેનિક બડન દબાવશે કે તરત જ તેમને મદદ ઉપલબ્ધ થશે.

આ પેનિક બટનને ઇમર્જન્સી રિસ્પોન્સ સાથે જોડવામાં આવશે અને એ માટે યુઝરે મોબાઇલમાં એક એપ ડાઉનલોડ કરવી પડશે. એમ કરવાથી પેનિક બટન એકિટવ થશે. ઓગસ્ટ-૨૦૧૭ બાદ બનેલા તમામ મોબાઇલ હેન્ડસેટના હાર્ડવેરમાં પેનિક બટનની વ્યવસ્થા કરવામાં આવી છે. પેનિક બટનની એપ ડાઉનલોડ કર્યા બાદ કોઇ ત્રણ વાર પાવર બટન દબાવશે તો પેનિક બટન એકિટવ થશે અને ૧૧૨ નંબર પર ફોન પોતાની મેળે લાગશે.

અમુક રાજ્યોમાં ૧૧૨ નંબર ચાલુ થઇ ગયો છે તો અમુક રાજ્યોમાં જયાં ૧૧૨ નંબર નથી ત્યાં આ ફોન ૧૦૦ નંબર પર લાગશે. પેનિક બટન દબાવતાંની સાથે નજીકના પોલીસ-અધિકારીને એક મેસેજ જશે. મોબાઇલમાં ફીડ પાંચ સ્વજન કે મિત્રોને પણ આ મેસેજ જશે.

ઇમર્જન્સી નંબર પર વોઇસ કોલ જશે. એ ઉપરાંત તમામ પાસે યુઝરનું લોકેશન જશે અને લોકેશનની આસપાસ હોય  એવા ૨૫ વોલન્ટિયર્સનું રજિસ્ટ્રેશન રજિસ્ટ્રેશન શરૂ કરશે.

ટ્રાયલ રન તબક્કાવાર કરવામાં આવશે. પહેલા તબક્કામાં પરિચિત યુઝરમાં અખતરો કરવામાં આવશે. બીજા તબક્કામાં સિલેકટેડ અને અજાણ્યા યુઝર્સનો ટ્રાયલમાં ઉપયોગ  કરવામાં આવશે. ટ્રાયલ માટે ઉપર પ્રદેશની એટલા માટે પસંદગી કરવામાં આવી છેકે  સરકાર એમ માને છે કે જો ત્યાં અખતરો સફળ રહ્યો તો દેશના કોઇ પણ ભાગમાં એ સફળ રહેશે.

(12:26 pm IST)
  • મહારાષ્ટ્રમાં તોફાનોની અસર શાંત થતા ડાંગ એસટી તંત્ર દ્વારા એસટી બસની સુવિધા પુર્વવતઃ સાપુતારાથી નાસીક-શિરડી જતી બસોને લીલીઝંડી access_time 5:29 pm IST

  • હાલની પરિસ્થિતિ જોતા ગુજરાત ભાજપના પ્રભારી શ્રી ભુપેન્દ્ર યાદવ બદલાય તેવી સેવાય રહેલી શક્યતા : ભાજપ હાઈકમાન્ડે પ્રભારી બદલવાનું મન બનાવી લીધું હોવાની થઇ રહેલી ચર્ચા : હાલ શ્રી યાદવને કર્ણાટકની ચૂંટણીની જવાબદારી સોંપાઈ છે. access_time 4:21 pm IST

  • મહારાષ્ટ્રની હિંસાનો પાટણમાં ગઈકાલે પડઘોઃ બામસેફના કાર્યકરોનું વિરોધ પ્રદર્શનઃ ચાણસ્મા-રાધનપુર હાઈવે પર ચક્કાજામ ,ટોળાએ ટાયર સળગાવી ચકકાજામ કયોઃ પોલીસે ટોળાને વિખેરી હાઇવે ખુલ્લો કર્યો access_time 11:24 am IST