Gujarati News

Gujarati News

News of Saturday, 3rd February 2018

રાજસ્થાન પેટાચૂંટણી : કારમી હાર બાદ ભાજપની ચિંતા વધી

ભાજપની મત ટકાવારી ૧૨થી ૨૧ ટકા ઘટી ગઇ : રાજસ્થાનમાં વિધાનસભાની ચૂંટણી પહેલા ભાજપ માટે ખતરાની ઘંટી : કોંગ્રેસ પાર્ટીને જીતથી સંજીવની મળી છે

જયપુર,તા. ૩ : રાજસ્થાનમાં બે લોકસા અને એક વિધાનસભા સીટની પેટાચૂંટણીમાં કારમી હાર થયા બાદ ાજપની ઉંઘ હરામ થઇ ગઇ છે. જો કે પાર્ટી માટે આનાથી પણ મોટી ચિંતાજનક બાબત એ રહી છે કે ભાજપની મત ટકાવારીમાં નોંધપાત્ર ઘટાડો થયો છે. મત ટકાવારીમાં ૧૨ ટકાથી લઇને ૨૧ ટકા સુધીનો ઘટાડો થયો છે. ત્રણેય સીટોમાં ભાજપની મત ટકાવારી ઘટી ગઇ છે. બાજપને વોટમાં સૌથી વધારે નુકસાન અલવર લોકસભા સીટમાં જોવા મળ્યુ છે. જ્યાં વર્ષ ૨૦૧૪ની લોકસભા ચૂંટણીમાં ભાજપને ૬૧ ટકા મત મળ્યા હતા. જ્યારે આ વખતે ૬૧ ટકા વોટની સરખામણીમાં માત્ર ૪૦ ટકા મત મળ્યા છે. જ્યારે અજમેર લોકસભા સીટમાં ભાજપની મત હિસ્સેદારી ૫૬ ટકાથી ઘટીને ૪૪ ટકા થઇ ગઇ છે. આવી જ રીતે માંડલગઢ વિધાનસભા સીટ પર ભાજપની મતહિસ્સેદારીમાં નોંધપાત્ર ઘટાડો થયો છે. અહીં વર્ષ ૨૦૧૩માં ૫૨ ટકા મત મળ્યા હતા. જેની સામે આ વખતે પેટાચૂંટણીમાં આંકડો ઘટીને ૩૨ ટકાનો થઇ ગયો છે. આ વર્ષે જ રાજસ્થાનમાં વિધાનસભાની ચૂંટણી યોજાનાર છે. આવી સ્થિતીમાં ભાજપ લીડરશીપની હાલત કફોડી નેલી છે.સત્તા જાળવી રાખવા માટેની બાબત તેમના માટે સરળ નથી. કારણ કે તેમની સામે શાસન વિરોધી પરિબળ જોવા મળે છે. રાજસ્થાનમાં દર પાંચ વર્ષમાં સરકાર બદલાઇ જાય છે. રાજસ્થાનના લોકો મોટા પાયે પાંચ  વર્ષ કોંગ્રેસને અને પાંચ વર્ષ ભાજપને શાસન કરવાની તક આપે છે. આવી સ્થિતીમાં આ વખતે ભાજપની હાર થઇ શકે છે . મુખ્યપ્રધાન વસુન્ધરા રાજે પર ભારે દબાણ પણ છે.

(12:43 pm IST)
  • રાજસ્થાન – મધ્યપ્રદેશ - ગુજરાતમાં પણ રિલિઝ થશે 'પદ્માવત': કરણી સેના તૈયારઃ મુંબઇઃ દુનિયાભરમાં બમ્પર કમાણી કરી રહેલી પદ્માવત હવે જયાં કરણી સેનાનો વિરોધ છે ત્યાં પણ રિલીઝ થશેઃ આ પ્રકારના સંકેતો સ્વયં શ્રી રાષ્ટ્રીય રાજપુત કરણી સેનાએ આપ્યો છેઃ એટલુ જ નહિ કરણી સેના તરફથી ભણસાલી પ્રોડકશનને ભરોસો અપાયો છે કે અમે રાજસ્થાન, મધ્યપ્રદેશ, ગુજરાતમાં વિરોધ નહી કરીએઃ આ બધુ કરણી સેનાએ એક પત્રના માધ્યમથી કહ્યુ છે access_time 11:57 am IST

  • ઈશરત જહાં એન્કાઉન્ટર કેસનો મામલો : સેન્ટ્રલ આઈબીના પૂર્વ ઉચ્ચ અધિકારીની અરજી પર સુનાવણી પૂર્ણ : સીબીઆઈ કોર્ટે ૧૬ ફેબ્રુઆરી સુધી ચુકાદો અનામત રાખ્યો access_time 3:33 pm IST

  • બાબા અમરનાથના ભક્તો માટે ખુશખબર : ૨૮ જૂનથી શરૂ થનારી વાર્ષિક અમરનાથ તીર્થ યાત્રા માટે એડ્વાન્સ રજિસ્ટ્રેશન ૧લી માર્ચથી શરૂ થશે : દેશભરમાં પંજાબ નેશનલ બેન્ક, જમ્મુ- કાશ્મીર બેન્ક, યશ બેન્કની ૪૩૦ શાખામાં અમરનાથ યાત્રાનું રજિસ્ટ્રેશન ૧લી માર્ચથી શરૂ થઈ જશે. access_time 3:04 pm IST