Gujarati News

Gujarati News

News of Monday, 27th July 2020

ચીન સાથે મળીને પાકિસ્તાન જૈવિક હથિયાર બનાવતું હોવાની માહિતી

નવી દિલ્હી: પાકિસ્તાને ચીનની સાથે જૈવિક હથિયારોને વિકસિત કરવાને લઇને કરેલી ડીલથી જોડાયેલા સમાચારોને ફગાવી દીધા છે. પાકિસ્તાની વિદેશ વિભાગે કહ્યું કે, તેણે ચીનની સાથે એવી કોઈ ડીલ નથી કરી. એક ઑસ્ટ્રેલિયાઈ રિપોર્ટમાં દાવો કરવામાં આવ્યો હતો કે ચીન અને પાકિસ્તાન મળીને એન્થ્રેક્સ જેવા ઘાતક જૈવિક હથિયાર વિકસિત કરવામાં લાગ્યું છે. રવિવારનાં એક નિવેદનમાં પાકિસ્તાની વિદેશ વિભાગે દાવો કર્યો છે કે આ રિપોર્ટ રાજનીતિથી પ્રેરિત અને ખોટો છે. આમાં તથ્યોને તોડી-મરોડીને રજૂ કરવામાં આવ્યા છે, જ્યારે સંપૂર્ણ કહાની અજ્ઞાત સૂત્રો દ્વારા લખવામાં આવી છે.

        મંત્રાલયે દાવો કર્યો છે કે પાકિસ્તાનની બાયો સેફ્ટી લેવલ-3 લેબ વિશે કંઇપણ છુપુ નથી. 23 જુલાઈનાં પ્રકાશિત એક લેખમાં ઑસ્ટ્રેલિયાનાં ખોજી સમાચાર પત્ર ધ ક્લેક્સને કહ્યું હતુ કે પાકિસ્તાન અને ચીને જૈવિક હથિયારોની ક્ષમતાનો વિસ્તાર કરવા માટે ત્રણ વર્ષ માટે એક સીક્રેટ કરાર કર્યો છે. આ રિપોર્ટમાં એન્થની ક્લેને કહ્યું છે કે વુહાન લેબે પાકિસ્તાનની મિલિટ્રી ડિફેન્સ સાયન્સ એન્ડ ટેકનોલોજી ઑર્ગેનાઇઝેશનની સાથે ઉભરતી સંક્રામક બીમારીઓ પર રિસર્ચ અને સંક્રામક બીમારીઓનાં જૈવિક નિયંત્રણ માટે કરાર કર્યા છે.

(6:40 pm IST)
  • ફ્રાન્સમાં કોરોના ટેસ્ટ ફ્રીમાં થશેઃ ફ્રાન્સના સ્વાસ્થ્ય મંત્રીનું એલાન : ફ્રાન્સના સ્વાસ્થ્યમંત્રીએ કહ્યું કે જેને લક્ષણ નથી તેમના ટેસ્ટ પણ ફ્રીમાં થશે : ડોકટરના પ્રિસ્ક્રીપ્શનની જરૂર નહિં પડે : જે લોકોએ ટેસ્ટના પૈસા આપ્યા હશે તેને રીફન્ડ આપી દેવાશે access_time 2:41 pm IST

  • દેશમાં કોરોનાએ કાળોકેર વર્તાવ્યો : છેલ્લા 24 કલાકમાં નવા 48,931 કેસ નોંધાયા : રાત્રે 12 વાગ્યા સુધીમાં દેશમાં કોરોનાના કુલ 14,36,018 કેસ થયા :4.84,053 એક્ટિવ કેસ :કુલ 9,18,734 દર્દીઓ રિકવર :વધુ 702 લોકોના મોત :મૃત્યુઆંક 32,810 થયો : મહારાષ્ટ્રમાં સૌથી વધુ 9431 કેસ : તામિલનાડુમાં નવા 6986 કેસ :દિલ્હીમાં વધુ 1075 કેસ : આંધ્રપ્રદેશમાં નવા 7627 કેસ: કર્ણાટકમાં નવા 5197 કેસ :ઉત્તર પ્રદેશમાં 3246 કેસ અને પશ્ચિમ બંગાળમાં વધુ 2341 કેસ :બિહારમાં 2605 નવા કેસ, રાજસ્થાનમાં 1132 કેસ અને આસામમાં 1142 નવા કેસ અને ઓરિસ્સામાં 1376 કેસ નોંધાયા access_time 12:43 am IST

  • ચીન હસ્તકના તિબેટમાં આવેલ ચેંગડુ એલચી કચેરી ખાલી કરી જતા અમેરીકનોઃ ચીનાઓ એકત્ર થયા : ચીન હસ્તકના તિબેટમાં આવેલા ચેંગડુ ખાતેની અમેરીકન એલચી કચેરીના સ્ટાફે ૭૨ કલાકમાં અલ્ટીમેટમ પુરૂ થતાવેંત એલચી કચેરી છોડી દીધી છે. અમેરીકાના ટેકસાસના હયુસ્ટન ખાતે ચીની એલચી કચેરી બંધ કરાવ્યાના પગલે ચીને ચેંગડુની અમેરીકી એલચી કચેરી બંધ કરાવી છે. ચીનાઓએ એલચી કચેરી બહાર એકત્ર થઇ તસ્વીરો, વિડીયો લીધી હતી ૩૫ વર્ષથી આ એલચી કચેરી તિબેટ સહિત પશ્ચિમ ચીન જોડે સંપર્ક રાખી રહેલ હતી. access_time 2:41 pm IST