Gujarati News

Gujarati News

News of Wednesday, 24th April 2019

જર્મનીના આ ગામમાં ઘરનું ભાડું છેલ્લાં પ૦૦ વર્ષથી વધ્યું નથી

ઓગસબર્ગ તા. ર૪ : દુનિયાના કોઇ પણ દેશ અને શહેરમાં રિયલ એસ્ટેટ પ્રોપર્ટીના ભાવમાં ધરખમ વધારો થયો છે ત્યારે જર્મનીના એક ગામમાં એક બિલ્ડિીંગમાં ઘરનું ભાડું છેલ્લાં પ૦૦ વર્ષથી બદલાયું જ નથી  ૧પ૧૪ ની સાલમાં જેકબ ફયુગર નામના બિઝનેસમેને ઓગસબર્ગ ટાઉનની ભાગોળે આવેલું ફયુગેરેઇ નામનું ગામ વસાવ્યું હતું. અહીં તેમણે હાઉસિંગ કોમ્પ્લેકસ બનાવ્યાં હતાં જે આર્થિક રીતે નબળા વર્ગના લોકોને રહેવા આપ્યા હતા. ફયુગર પરિવાર ૧૪મી સદીમાં આ ગામમાં રહેવા આવ્યો હતો. અને કાપડનો વેપાર કરીને બેપાંદડે થયો હતો. આ પરિવારે એ પછી બેેન્કિંગ સેકટરમાં પણ ઝંપલાવેલું. જે વિસ્તારમાં રહીને જેકબ ફયુગર અને તેનું કુટુંબ પૈસેટકે સુખી થયેલું એ વિસ્તારનાં કેટલાંક બિલ્ડિંગો તેમણે ખરીદી લીધાં અને એ ગરીબોને રહેવા માટે આપી દીધાં હતાં. લોકોને એ ફ્રીમાં આપવાને બદલે તેમણે વર્ષે એક ડોલરનું ભાડું લેવાનું રાખેલું. આ ઘરોમાં રહીને પરિવારો પૈસેટકે વધુ સમૃદ્ધ થઇને બીજે શિફટ થઇ જતા અને એની જગ્યાએ બીજા જરૂરિયાતમંદ પરિવારને વર્ષે એક ડોલરના ભાડામાં આ ઘર આપવામાં આવતાં. લગભગ પ૦૦ થી વધુ વર્ષ થઇ ગયાં હોવા છતાં આ શિરસ્તો હજી ચાલુ જ છે

(11:46 am IST)
  • કોંગ્રેસ સત્તામાં હોય છે ત્યારે આતંકવાદીઓ અને માઓવાદીઓનો આત્મવિશ્વાસ વધે છે :વડાપ્રધાન મોદીએ કોંગ્રેસ પર આકારા પ્રહાર કરતા લોહરદગામાં ચૂંટણી સભાને સંબોધતા કહ્યું કે કોંગ્રેસ પાર્ટી માત્ર એક પરિવાર માટે વિચારે છે અને તેના માટે જ સમર્પિત છે :અન્ય તેના માટે માત્ર વોટબેન્ક છે access_time 1:08 am IST

  • ચુંટણી જંગ માટે તૈયારઃ ગઇ કાલે નોર્થ-ઇસ્ટ દિલ્હી લોકસભા સીટ માટે ઉમેદવારી પત્ર ભરવા માટે આવેલાં દિલ્હીનાં ભૂતપૂર્વ મુખ્ય પ્રધાન શીલા દિક્ષીત access_time 11:22 am IST

  • મોદી બાયોપીકમાં વિપક્ષોને ખુબ નબળા ચિતરવામાં આવ્યા: ચુંટણીપંચે ૧૯મે સુધી આ ફિલ્મ ઉપર પ્રતિબંધની માંગણી કરી :ચુંટણીપંચે સુપ્રિમકોર્ટમાં રીપોર્ટ આવ્યો છે કે છેલ્લા તબકકાના મતદાન એટલે કે ૧૯ મેં સુધી મોદી બાયોપીક ઉપર પ્રતિબંધ ઇચ્છે છે, આ ફિલ્મ એક નેતાની જીવન કથની છેઃ આ ફિલ્મમાં રાજકીય પ્રતિનિધિઓનો પ્રશસ્તિ કરવામાં આવી છે. ચુંટણી પંચના રીપોર્ટમાં જણાવાયું છે કે બાયોપીકમાં વિરોધ પક્ષોને ખુબ જ નબળા ચિતરવામાં આવ્યા છે અને તેમની સામેના વ્યકિત ઉપર વધુ ઢળતા દેખા ડાયા છે access_time 3:59 pm IST