Gujarati News

Gujarati News

News of Friday, 21st June 2019

સરકારે પ્રત્યાર્પણ કાયદાની શરતો ન સ્વીકારતા હોંગકોંગમાં ફરી આંદોલન છેડાયું

 હોંગકોંગઃ ચીની સમર્થક હોંગકોંગ સરકારે ચીનને આરોપીના પ્રત્યાર્પણને લગતું બિલ પસાર કર્યું હતું. એ બિલના વિરોધમાં હોંગકોંગમાં લાખો લોકો રસ્તા ઉપર ઉતરી આવ્યા હતા એટલે બિલ પાછું ખેંચવાનું નક્કી થયું હતું, પરંતુ સરકારે બેધારી નીતિ રાખી હોવાથી ફરીથી હોંગકોંગમાં વિરોધ પ્રદર્શનો થશે.

 ચીન પ્રત્યાર્પણ કાનૂન અંતર્ગત ચીનને આરોપીની કસ્ટડી મળી શકે તેમ હતી અને તેની સામે ચીન પગલાં ભરી શકે તેમ હતું. ચીની સમર્થક નેતા કેરી લેમએ બિલ પસાર કર્યું તે પછી હોંગકોંગમાં ભારે વિરોધ ઉઠયો હતો.

 લાખો લોકો રસ્તા ઉપર વિરોધ પ્રદર્શનો માટે ઉતરી આવ્યા હતા એટલે કેરીએ તે બિલ માટે માફી માગી હતી અને પ્રદર્શનકારીઓની માગણી સ્વીકારી લેવાની જાહેરાત કરી હતી.પરંતુ હવે સરકારે પ્રદર્શનકારીઓની માગણીનો અમલ કર્યો નહીં.

 જાહેરમાં માફી માગ્યા પછી પણ બિલ બાબતે સરકારે મક્કતા બતાવી હોવાનો આરોપ થયો છે અને તેને ધ્યાનમાં રાખીને હોંગકોંગના પ્રદર્શનકારીઓએ ફરીથી આંદોલન કરવાની જાહેરાત કરી છે. વિદ્યાર્થી યુનિયન, કર્મચારી સંઘ સહિતના સંગઠનોએ શુક્રવારે રેલીનું અહ્વાહન કર્યું છે અને ફરીથી સરકાર સામે વિરોધ પ્રદર્શનો કરવાની હાકલ કરી છે.

 આંદોલનકારીઓએ જણાવ્યું હતું કે હવે આ આંદોલન નવેસરથી શરૂ થશે અને તે એક દિવસ માટે નહીં હોય. આગામી દિવસોમાં પણ સરકારની આ બેવડી નીતિ સામે ઉગ્ર દેખાવો કરીશું. હોંગકોંગના સરકારી બિલ્ડિંગ સામે એકઠા થઈને વિરોધ કરવા માટે લાખો લોકો ફરીથી એકઠાં થશે.

(3:39 pm IST)
  • શેરબજારમાં ૩પ૦થી વધુ પોઇન્ટનું ગાબડુ : નીફટી ૧૧૮૦૦ની અંદર : મુંબઇ : શેરબજારમાં ભારે વેચવાલી બપોરે ર-૩૦ કલાકે સેન્સેકસ ૩૭પ પોઇન્ટ ઘટીને ૩૯ર૩૦ અને નીફટી ૯૭ પોઇન્ટ ઘટીને ૧૧૭૩૪ ઉપર છે : ડોલર સામે રૂપિયો ૬૯.૬૧ ઉપર ટ્રેડ કરે છે : જેટ ૬૯.૪૦, લક્ષ્મી વિલાસ બેંક ૬૩, એનડીઆઇએલ ૧પ, જેપી ૩.૧૬, શોભા પરર, ઇમામી ર૮૬, ઓરી. સીમેન્ટ ૧૦૩ ઉપર છે access_time 3:35 pm IST

  • રાજકોટમાં હોટલ - હોસ્પિટલ - સોસાયટી - સ્કુલના સ્વચ્છતા રેન્કીગ માટે રર ટીમો દ્વારા સર્વે શરૂ :ગઇકાલે હોટેલોનો સર્વે પુર્ણ : આજે હોસ્પિટલનો સર્વે હાથ ધરાયો : આવતીકાલે સ્કૂલોમાં સ્વચ્છતાનો સર્વે થશેઃ સોમવારે સોસાયટીઓમાં સ્વચ્છતા અંગે ચકાસણી થશે : ર૭ અથવા ર૮મીએ રિઝલ્ટ જાહેર થશે : વિજેતાઓને મુખ્યમંત્રીના હસ્તે સર્ટીફીકેટ અપાશે : મ્યુ. કમિશ્નર બંછાનીધી પાનીની જાહેરાત access_time 4:10 pm IST

  • ગોધરા માં સસ્તા અનાજના દુકાનદાર પર હુમલો :સર્વર ધીમું ચાલતા કરાયો હુમલો: મલાને સસ્તા અનાજના દુકાનદાર એસો. વાખોડયો:જો સર્વરની સમસ્યા દૂર નહીં થાય અને દુકાનદારોની સુરક્ષા સુનિશ્ચિત નહીંથાય તો બાયોમેટ્રીક સિસ્ટમનું બહિષ્કાર કરવાની ચીમકી અપાઈ access_time 11:05 pm IST