Gujarati News

Gujarati News

News of Saturday, 7th July 2018

સોૈથી મોટી બીમારી -એકલતા!

ઇંગ્લેન્ડમાં 'લોનલીનેસ' મંત્રાલય બન્યું, વિશેષ પ્રધાન નીમાયા : ૧૬ થી ૨૪ વર્ષની વયની પેઢી સોૈથી વધુ એકલતા અનુભવે છે, એકલતાના 'રોગ'નું સોૈેથી મોટું કારણ સોશ્યલ મીડિયાઃ અનેક દેશો પરેશાન

લંડન તા.૭: દુનિયામાં પહેલીવાર કોઇ દેશે એકલતાની સમસ્યાના નિવારણ માટે લોનલીનેસ મંત્રાલય બનાવ્યું છે. ૪૨ વર્ષની ટ્રેસી ક્રાઉચને તેની જવાબદારી સોંપાઇ છે. એકલતાથી રોજની ૧૫ સીગારેટ પીવા જેટલું નુકશાન થાય છે. આ અનોખા મંત્રાલયનો ચાર્જ લીધા પછી ટ્રેસીનું ઇ-મેલ એકાઉન્ટ સવાલોથી ભરાઇ જાય છે. તેણે કામકાજ સંભાળ્યા પછી અલગ-અલગ દેશોના પ્રધાનો અને પ્રતિનિધી આ ખાસ મંત્રાલયની કામગીરી સમજવા અને શીખવા બ્રીટન આવી રહયા છે, જેમા નોર્વે, ડેન્માર્ક, કેનેડા, યુએઇ, સ્વીડન, આઇસલેન્ડ, ન્યુઝીલેન્ડ, જાપાન અને જર્મની જેવા દેશોનો સમાવેશ થાય છે.

બ્રીટનના પ્રધાન ટ્રેસીના કહેવા પ્રમાણે યુકેમાં ૧૬ થી ૨૪ વર્ષની યુવા પેઢી સોૈથી વધુ એકલતા અનુભવે છે. એકલતાનું મોટું કારણ સોશ્યલ મીડિયા છે. ડીજીટલ માધ્યમો સાથે જોડાયેલી પેઢીમાં એકલતા વધી રહી છે.

મોડા લગ્ન પણ એકલતાનું કારણ છે. ટ્રેસીના કહેવા પ્રમાણે યુરોપમાં સોૈથી વધારે એકલા લોકો રહે છે. ઓછી આવક વાળા લોકોને એકલતાથી બચાવવા જુદી-જુદી જગ્યાએ સેન્ટરો ખોલાયા છે. રેડીયો કલબ અને સીનીયર સીટીઝનનો ફોન સંપર્ક ઘણો સફળ સાબિત થઇ રહયો છે. લોનલીનેસ મંત્રાલય આના માટે ૧૮૨ કરોડ રૂપિયા ખર્ચી ચુકયું છે.

એકલતા ગંભીર બીમારી

અમેરીકામાં થયેલ એક રીસર્ચ પ્રમાણે એકલતાથી રોજની ૧૫ સીગારેટ પીવા જેટલું નુકશાન થાય છે. અમેરીકન વિશેષજ્ઞો પ્રમાણે સોૈથી મોટી બિમારી હદરોગ કે ડાયાબીટીઝ નહીં પણ એકલતા છે. હેલ્થ ઇન્સ્યોરન્સ કંપની સિગનાના સર્વેમાં જાણવા મળ્યું કે અમેરીકામાં એકલતા મહામારીના લેવલે પહોંચી ગઇ છે. ૪૬% લોકો માને છે કે તેઓ કાયમ અથવા કયારેક કયારેક એકલતા અનુભવે છે. ૧૮ થી ૨૨ વર્ષના યુવાઓમાં આ સમસ્યા સોૈથી વધારે છે. આ તકલીફ જાપાનમાં પણ છે. ત્યાં એકલતાથી વૃધ્ધોના મોત થઇ રહયા છે. જેને કોડોકુશી કહેવામાં આવે છે.

(1:37 pm IST)
  • તેલંગાણાનો 24 વર્ષીય વિદ્યાર્થીનું અમેરિકાની એક રેસ્ટોરન્ટમાં થયેલા ગોળીબારમાં શુક્રવારે મોત નિપજ્યું હતું. વારંગલનો રહેવાસી વિદ્યાર્થી શરત કપ્પૂ અહીંની મિસૂરી યૂનિવર્સિટીમાં અભ્યાસ કરતો હતો. રિપોર્ટ અનુસાર કંસાસ પોલીસને શુક્રવારે સાંજે 7 વાગ્યે એક રેસ્ટોર્ટમાં ગોળીબારની માહિતી મળી હતી. ત્યાર બાદ પોલીસ ઘટના સ્થળે પહોંચી હતી. પોલીસને ઘટના સ્થળેથી લોહીમાં લથપથ શરદનો મૃતદેહ પુલમાંથી મળી આવ્યો હતો. access_time 1:19 am IST

  • નર્મદાના સાગબારા પંથકમાં ભારે વરસાદને કારણે ભોર આંબલી ગામ પાણીમાં ડૂબ્યું : નદીમાં પુર ને કારણે ગામમાં પાણી ફરી વળ્યા : ખેત મજૂરો સહિત અન્ય ગામમાં ગયેલ લોકો ફસાયા : નદીમાં સુરક્ષા દીવાલ ન હોવાને કારણે ઘરોમાં ઘુસી ગયા પાણી access_time 7:19 pm IST

  • ગુજરાતમાં નદી માર્ગે દારૂની રેલમછેલ : છોટાઉદેપુરના ખડલા ગામેથી ક્વાંટ પોલીસે ત્રણ બોટ સહિત મોટા પ્રમાણમાં વિદેશી દારૂ સાથે એક શખ્શને ઝડપી લીધો :ક્વાંટ તાલુકાના ખડલા ગામે નર્મદા નદીના માર્ગે બેથી ત્રણ બોટમાં વિદેશી દારૂ લાવવામાં આવ્યો હતો access_time 1:22 am IST