Gujarati News

Gujarati News

News of Wednesday, 30th May 2018

સુરતના પાંડેસરામાં કોલેજના ગેટ પાસેથી યુવકની શંકાસ્પદ હાલતમાં લાશ મળી આવતા અરેરાટી

સુરતઃ પાંડેસરા વિસ્તારમાં આવેલી મહાવીર કોલેજના ગેટ પાસેથી એક યુવકની શંકાસ્પદ હાલતમાં લાશ મળી આવી હતી. રોડ સાઈડમાં પડેલી લાશ અંગે સ્થાનિક લોકોએ પાંડેસાર પોલીસમાં જાણકારી આપતાં પોલીસ કાફલો ઘટના સ્થળે દોડી આવ્યો હતો અને વધુ તપાસ હાથ ધરી હતી.

પાંડેસરા વિસ્તારમાં આવેલા પ્રમુખ પાર્ક પાસે અને મહાવીર કોલેજના ગેટ પાસે શ્રમિક જેવા દેખાતા અજાણ્યા યુવકની લાશ મળી આવી હતી. રોડ સાઈડમાંથી મળી આવેલા યુવકની મૃતદેહમાં નીચેના ભાગે કાળું પેન્ટ અને ઉપર બ્લૂ સફેદ પટાવાળું ટી શર્ટ છે. સાથે વિચિત્ર કહી શકાય તે રીતે યુવકની લાશ નજીકથી એક મહિલાનું અને એક પુરૂષના પગનું ચપ્પલ પડ્યું છે. પોલીસે ઘટના સ્થળે પહોંચી પંચનામું શરૂ કર્યું છે. અને પીએમ માટેની તજવીજ હાથ ધરી છે. યુવકનું મોત હત્યા કે આત્મહત્યા તે અંગે વધુ તપાસ હાથ ધરવામાં આવી છે. મહત્વપૂર્ણ છે કે પોલીસ હજુ એક લાશનો ભેદ ઉકેલે ત્યાં બીજી એમ રોજે રોજ લાશ મળી આવતાં પોલીસ કામગીરી પર પણ લોકો સવાલો ઉઠાવી રહ્યાં છે.

(6:18 pm IST)
  • દિલ્હીના માલવીયાનગર રહેણાક વિસ્તારમાં છેલ્લા ૧૨ કલાકથી, એક ગોડાઉનમાં લાગેલી વિકરાળ આગ હજુ બેકાબૂ : હજુ સુધી આગ પર કાબુ મેળવી શકાયો નથી : ફાયરબ્રિગેડ તંત્રએ આગ બુઝાવવા માટે હેલીકોપ્ટરની મદદની માંગણી કરી : ગોડાઉનની આસપાસના ઘરોમાં રહેતા લોકોમાં નચી ગઈ અફરાતફરી access_time 9:05 am IST

  • રાજકોટમાં ગરમીમાં આંશિક ઘટાડો પણ બફારો વધ્‍યો : ૪૦.૪ ડિગ્રી : ભેજનું પ્રમાણ ૩૩ ટકા, ૨૪ કિ.મી.ની ઝડપે ગરમ પવન ફૂંકાઈ રહ્યા છે access_time 4:34 pm IST

  • સાઉદી અરબના રિયાદમાં એક હોટલમાં એરઇન્ડિયાના પાયલોટનો મૃતદેહ મળ્યો :ચાલકદળનાં સૂત્રો મુજબ રીત્વિક તિવારી (ઉ,વ,27)નું હોટલના જીમમાં કથિત હૃદયરોગના હાર્ટએટેકના કારણે મૃત્યુ થયું છે access_time 1:37 am IST