Gujarati News

Gujarati News

News of Wednesday, 30th May 2018

8મી જૂને અંકલેશ્વર નગરપાલિકા પ્રમુખ-ઉપપ્રમુખની ચૂંટણી : પ્રમુખ બનવા મહિલાઓમાં જામશે રસાકસી

અનુસૂચિત જાતિ, અનુસૂચિત જનજાતિ અને મહિલા માટે અમાનત બેઠક

અંકલેશ્વર નગરપાલિકા પ્રમુખ-ઉપ પ્રમુખની ચૂંટણી આગામી 8 મી જૂનના રોજ યોજાશે.ચૂંટણી અધિકારી દ્વારા જાહેરનામુ પ્રસિદ્ધ કરવામાં આવ્યું છે. પાલિકાના સભાખંડમાં બોર્ડનાં વિજેતા 36 સભ્યો દ્વારા મતદાન કરી નવા પ્રમુખની વરણી કરવામાં આવશે.આ વખતે અનુસૂચિત જાતિ, અનુસૂચિત જનજાતિ અને મહિલા માટે અમાનત બેઠક છે. પ્રમુખ બનવાની હોડમાં મહિલા સભ્યો વચ્ચે કટ્ટર હરીફાઈ શરૂ થઈ છે.

  અંકલેશ્વર નગરપાલિકાના પ્રમુખ ઉપ પ્રમુખની અઢી વર્ષની મુદ્દત પુર્ણ થતાં આગામી અઢી વર્ષ માટે નવા પ્રમુખની ચૂંટણી સંદર્ભે આખરે ચૂંટણી અધિકારી આર.કે.ભગોરાએ જાહેરનામું પ્રસિદ્ધ કર્યું છે. ચૂંટણીમાં મહિલાની સામાન્ય બેઠક હોવાથી તેમાં અનુસૂચિત જાતિ, અનુસૂચિત જનજાતિ અને મહિલા સભ્યો ઉમેદવારી કરી શકશે

  પાલિકાના સત્તાપક્ષે ચૂંટાયેલ મહિલા સભ્યોમાં પ્રમુખની દાવેદારીને લઇને ભારે રસાકસી જોવા મળી રહી છે. જેમાં વર્તમાન પ્રમુખ મીનાબેન પટેલ, દક્ષાબેન શાહ, દક્ષાબેન સુરતી, કલ્પનાબેન મેરાઈ, શિલ્પાબેન સુરતી, દક્ષાબેન વસાવા, ડાહીબેન રાણા તેમજ પૂર્વ પ્રમુખ ચંપાબેન વસાવા, પ્રમુખ માટેની દાવેદારી કરી શકે તેમ છે.

(8:50 am IST)
  • હિલ સ્ટેશન સિમલામાં અભૂતપૂર્વ પાણીની સમસ્યા :છેલ્લા કેટલાય દિવસોથી આંદોલન કરતા લોકો ફરી રસ્તામાં ઉતર્યા :પાણીની તંગીને કારણે 30 રેસ્ટોરન્ટ બંધ :નપા અને સરકાર વિરુદ્ધ વિરોધ પ્રદર્શન ; રાજ્યપાલને આવેદનપત્ર પાઠવ્યું :નળને બદલે ટેંકરોથી પાણીનું વિતરણ :કાળાબજારી અને તંત્રની બેદરકારી સામે લોક રોષ access_time 1:38 am IST

  • આજે કર્ણાટક ચૂંટણીના ૧૬ દિવસ બાદ પહેલી વખત પેટ્રોલ અને ડીઝલની કિંમતોમાં ઘટાડો આવ્યો : દેશભરમાં આશરે પેટ્રોલમાં ૬૦ પૈસા અને ડીઝલમાં 56 પૈસા પ્રતિ લીટર નો ભાવ ઘટાડો થયો છે. access_time 9:06 am IST

  • ઉત્તર પ્રદેશની કૈરાનાના 73 અને ભંડારા-ગોંદિયાના 49 મતદાન કેન્દ્રો પર આજે ફરીથી થઈ રહ્યું છે મતદાન : સવારે 7 વાગ્યાથી મતદાન શરૂ થઈ ગયું, જે સાંજે 6 વાગ્યા સુધી ચાલશે : પેટાચૂંટણીમાં વીવીપેટ મશીનોમાં ખરાબી આવી હતી, જેના કારણે આ બેઠકો પર આજે ફરીથી મતદાન થઈ રહ્યું છે. access_time 2:38 pm IST