Gujarati News

(કાર્તિક બાવીશી દ્વારા  )વલસાડ જિલ્લાના ધરમપુર તાલુકાના રાનપાડા પ્રા.શાળા ખાતે સ્‍વ.મોતીભાઇ પટેલે કરેલી ભૂમિદાન ઉપર નિર્માણ થયેલી શાળા કેમ્‍પસમાં તેમના પુત્ર સ્‍વ.શંકરભાઇ પટેલની પુણ્‍યતિથી નિમિત્તે ગં.સ્‍વ.રૂશનબેન એસ.પટેલ તથા ધારાસભ્‍ય અરવિંદભાઇ પટેલના સહયોગથી બનાવાયેલા સંપૂર્ણ સુવિધાયુક્‍ત પ્રાર્થનાખંડનું લોકાર્પણ કરાયું હતું. આ અવસરે વિશ્વ યોગ દિવસ નિમિત્તે યોગાનું નિદર્શન કરાયું હતું.  શહીદો માટે બે મીનીટ મૌન રાખી તેમને ભાવપૂર્ણ શ્રદ્ધાંજલિ અર્પવામાં આવી હતી. ઉપસ્‍થિતો માટે માસ્‍ક અને સેનેટાઇઝરની વ્‍યવસ્‍થા પણ રાખવામાં આવી હતી.

  આ અવસરે ધારાસભ્‍ય અરવિંદભાઇ પટેલે ભૂમિદાન અને આધુનિક પ્રાર્થના હોલના નિર્માણમાં અનુદાન આપનારા દાતાને બિરદાવી શાળાના વિદ્યાર્થીઓ ઉચ્‍ચ શિક્ષણ પ્રાપ્‍ત કરી ગામનું નામ રોશન કરે તેવા આશીર્વચન પાઠવ્‍યા હતા.

આ કાર્યક્રમને સફળ બનાવવા નિવૃત્ત મુખ્‍ય શિક્ષણ બળવંતસિંહ  રાઠોડ અને શાળા પરિવારે જહેમત ઉઠાવી હતી. કાર્યક્રમમાં નગરપાલિકા પ્રમુખ જયદિપસિંહ સોલંકી, પૂર્વ ધારાસભ્‍ય જીતુભાઇ ચૌધરી, એ.પી.એમ.સી.ના. જીવાભાઇ આહિર, અગ્રણી વિજયભાઇ સહિત ગ્રામજનો હાજર રહયા હતા.