Gujarati News

Gujarati News

News of Wednesday, 24th April 2019

અમદાવાદ સહિત રાજ્યમાં હિટવેવ માટે ચેતવણી જારી

અમરેલીમાં મહત્તમ તાપમાન વધીને ૪૩.૨ થયું : અમદાવાદમાં પણ તીવ્ર ગરમી વચ્ચે હિટવેવની ચેતવણી

અમદાવાદ, તા.૨૪ : ગુજરાતમાં કાળઝાળ ગરમીનું મોજુ ફરી એકવાર ફરી વળ્યું છે. આજે સૌરાષ્ટ્રના કેટલાક ભાગોમાં પારો ૪૩થી ઉપર પહોંચી ગયો હતો. અમરેલીમાં મહત્તમ તાપમાન ૪૩.૨ ડિગ્રી નોંધાયું હતું જ્યારે અમદાવાદમાં પારો ૪૧.૯ રહ્યો હતો. આગામી બે દિવસ દરમિયાન મહત્તમ તાપમાનમાં કોઇ ફેરફાર થશે નહીં પરંતુ ત્યારબાદ મહત્તમ તાપમાનમાં બેથી ત્રણ ડિગ્રીનો વધારો થવાના સંકેત દેખાઈ રહ્યા છે. હિટવેવની ચેતવણી પણ જારી કરવામાં આવી છે જેમાં અમદાવાદનો પણ સમાવેશ થાયછે.

અમદાવાદ, ગાંધીનગર, બનાસકાંઠા, સાબરકાંઠા, વડોદરામાં હિટવેવની ચેતવણી રહેશે. ઉપરાંત સૌરાષ્ટ્ર-કચ્છના રાજકોટ, સુરેન્દ્રનગર અને અમરેલીમાં પણ હિટવેવની ચેતવણી જારી કરાઈ છે.

ક્યાં કેટલું તાપમાન.....

અમદાવાદ, તા.૨૪ : ગુજરાતના જુદા જુદા ભાગોમાં મત્તમ તાપમાન નીચે મુજબ રહ્યું હતું.

સ્થળ........................................... મહત્તમ તાપમાન

અમદાવાદ................................................... ૪૧.૯

ડિસા............................................................ ૪૦.૮

ગાંધીનગર................................................... ૪૧.૮

સુરત........................................................... ૩૯.૯

વલસાડ....................................................... ૩૬.૪

અમરેલી...................................................... ૪૩.૨

રાજકોટ....................................................... ૪૧.૩

સુરેન્દ્રનગર...................................................... ૪૨

વેરાવળ....................................................... ૩૧.૩

દિવ............................................................ ૩૬.૬

ભાવનગર....................................................... ૪૦

કંડલા એરપોર્ટ............................................. ૩૮.૬

કંડલા પોર્ટ................................................... ૩૬.૫

(9:46 pm IST)
  • વડાપ્રધાન મોદી સાથે આવતીકાલે સવારે ૯ વાગ્યે અક્ષયકુમાર કરશે કઈક નોખી અનોખી મુલાકાત : અત્યારે ચુંટણીના માહોલમાં જ્યારે આખો દેશ રાજનીતિની વાતો કરી રહ્યો છે ત્યારે અક્ષયકુમાર આ મુલાકાત દરમ્યાન પ્રધાનમંત્રી મોદી સાથે સંપૂર્ણપણે બિન રાજકીય અને કઈક જુદીજ અંતરંગ વાતો કરશે : આ સમગ્ર મુલાકાતનું ટેલીકાસ્ટ ANI સમાચાર સંસ્થાના સોશ્યલ મીડિયા હેન્ડલ્સ પર પ્રદર્શિત કરવામાં આવશે access_time 10:34 pm IST

  • આલેલે!!! : ટ્રમ્પના ફોલોઅર ઘટી ગયા!! : શ્રી નરેન્દ્રભાઈ મોદીનો ફોલોઅર સોશ્યલ મીડિયાના દરેક પ્લેટફોર્મ ઉપર રોકેટ ગતિએ વધી રહ્યા છે ત્યારે શ્રી ડોનાલ્ડ ટ્રમ્પના ટ્વીટર ઉપર ફોલોઅર ઘટી જતા ચિંતિત બનેલા ટ્રમ્પે ટ્વીટરના સીઈઓ જેક ડોરસેની મુલાકાત લઈ ચર્ચા કરી હતી access_time 3:59 pm IST

  • શ્રીલંકાને ધણધણાવવા ૯ સુસાઈડ બોમ્બરોનો ઉપયોગ થયેલ..: શ્રીલંકામાં અનેક વિસ્ફોટોની હારમાળા સર્જી સેંકડોના જીવ હરી લેવાના કાળમુખા બનાવમાં ૯ સુસાઈડ બોમ્બરોનો ઉપયોગ થયો હતો : જેમાંથી ૮ને ઓળખી લેવાયાનું અને ૬૦ની ધરપકડ થયાનુ જાહેર થયુ છે : આ તમામ લોકો શ્રીલંકન નાગરીકો છે access_time 4:00 pm IST