Gujarati News

Gujarati News

News of Tuesday, 22nd September 2020

ગુજરાતમાં છેલ્લા ૫ વર્ષમાં માર્ગ અકસ્માતમાં ૩૯,૦૦૦ લોકોના મોત

છેલ્લા પાંચ વર્ષમાં (૧ જાન્યુઆરી ૨૦૧૫થી ૩૧ ડિસેમ્બર, ૨૦૧૯ની વચ્ચે) એકિસડન્ટમાં સૌથી વધારે મૃત્યુ ૨૦૧૮માં ૮,૦૪૦ થયા હતાઃ જયારે સૌથી ઓછા મૃત્યુ ૨૦૧૯માં ૭,૪૦૯ થયા હતા

અમદાવાદ,તા.૨૨: રાજયમાં થોડા-થોડા દિવસે રોડ એકિસડન્ટના સમાચાર સામે આવતા રહે છે, પરંતુ આ રોડ એકિસડન્ટે છેલ્લા પાંચ વર્ષમાં કેટલા લોકોનો ભોગ લીધો તેનો ચોંકાવનારો આંકડો સામે આવ્યો છે. સોમવારે વિધાનસભામાં રાજય સરકારે આપેલી માહિતી પ્રમાણે, રાજયમાં છેલ્લા પાંચ વર્ષમાં રોડ એકિસડન્ટમાં ૩૦,૦૭૨ લોકોએ પોતાનો જીવ ગુમાવ્યો છે.

વિધાનસભામાં ચાલી રહેલા સત્રમાં તાલાલા વિધાનસભા મત વિસ્તારના ધારાસભ્ય ભગાભાઈ બારડે પૂછેલા સવાલના જવાબમાં રાજયના ગૃહમંત્રી દ્વારા લેખિતમાં આ આંકડા રજૂ કરવામાં આવ્યા હતા. બારડે વાહનોના અકસ્માતોના કારણે રાજયમાં થયેલા કુલ મોત અને રોડ એકિસડેન્ટને ઘટાડવા માટે સરકારે લીધેલા પગલાઓ અંગેની માહિતી માગી હતી.

ગૃહમંત્રીએ પોતાના જવાબમાં કહ્યું કે, શહેરો અને જિલ્લાઓમાં રોડ એકિસડન્ટમાં થતાં મૃત્યુને ઘટાડવા માટે ટાર્ગેટ સોંપવામાં આવ્યા છે અને આ અંગે નિયમિત ફોલો-એપ પણ લેવામાં આવી રહ્યું છે. તેમણે ઉમેર્યું કે, RTO, પોલીસ, R&B અને અન્ય એજન્સીઓની સંયુકત ટીમો અકસ્માત સ્થળની મુલાકાત લે છે અને ખામીયુકત રોડ એકિસડન્ટનું કારણ તો નથી ને તે ચકાસે છે.

તેમણે ઉમેર્યું હતું કે, માર્ગ સલામતી અંગે જાગૃતિ લાવવા માટે રાજયભરમાં નિયમિત ટ્રાફિક શિક્ષણ અને જાગરૂકતા ઝુંબેશ ચલાવવામાં આવે છે. મંત્રીએ તેમના જવાબમાં તેમ પણ કહ્યું હતું કે, પોલીસ કમિશનરો અને જિલ્લા કલેકટરો નિયમિતપણે સ્પીડ લિમિટ અંગેની સૂચનાઓ જાહેર કરે છે.

(11:54 am IST)
  • ૨૭૦ વ્હેલ માછલીઓ ઓસ્ટ્રેલિયાઇ દ્વીપ તસ્માનિયાના કિનારા પર ફસાયેલ મળી, રપની બચવાની સંભાવના નથીઃ તસ્વીરો સામે આવી : સમુદ્રી જીવવિજ્ઞાનીઓ આ વ્હેલોને બચાવવાની યોજના બનાવી રહ્યા છે. વૈજ્ઞાનિકોએ કહ્યું કે ઓછામાં ઓછી રપ વ્હેલ પહેલાજ મરી ચૂકી છે આ બધી પાયલટ વ્હેલ છે. access_time 11:47 am IST

  • દેશમાં કોરોનાના કહેર વચ્ચે સતત પાંચમા દિવસે નવા કેસ કરતા રિકવર થનારની સંખ્યા વધી : રાત્રે 12 વાગ્યા સુધીમાં નવા 80,376 પોઝીટીવ કેસ સામે 87,081 દર્દીઓ સ્વસ્થ થયા : કોરોનાના કુલ કેસનો આંક 56,40,496 થયો: એક્ટીવ કેસ,ઘટીને 9,67,848 થયા : કુલ 45,81,820 લોકોએ કોરોનાને મ્હાત આપી :વધુ 1056 લોકોના મોત સાથે મૃત્યુઆંક 90,081 થયો access_time 12:55 am IST

  • બરતરફ કરાયેલા રાજ્યસભાના 8 સાંસદો માફી માંગે તો બરતરફી રદ કરશું : રાજ્યસભામાં ગેરવર્તણૂક ચલાવી ન શકાય : કેન્દ્રીય મિનિસ્ટર રવિશંકર પ્રસાદ : કોંગ્રેસ સહિતના વિરોધ પક્ષોએ વોક આઉટ કરતાં સરકારનો સમાધાનનો પ્રયાસ access_time 2:00 pm IST