Gujarati News

Gujarati News

News of Monday, 21st September 2020

વડોદરામાં ભાજપે કોરોનાકાળામાં નિયમો નેવે મુક્‍યાઃ પાદરા તાલુકા ભાજપ મહામંત્રી શૈલેષ સ્‍વામી કોરોના સંક્રમિત હોવા છતાં જ્‍યુપિટર કોવિડ હોસ્‍પિટલમાં કાર્યક્રમ યોજાયો

વડોદરા: ગુજરાતમાં કોરોનાનું સંક્રમણ દિવસેને દિવસે વધી રહ્યું છે. જો કે લોકોમાં હવે કોરોનાનો પહેલા જેટલો ડર રહ્યો નથી. લોકો બિંદાસ રીતે બહાર નિકળી રહ્યા છે અને કાંઇ જ ન હોય તેવી રીતે વર્તે છે અને અનેક નિયમો પણ તોડે છે. ભાજપના પ્રદેશ પ્રમુખ મોટી મોટી સભાઓ અને રેલીઓ કર્યા બાદ હવે વડોદરાના પાદરા તાલુકા ભાજપના મહામંત્રી શૈલેષ સ્વામી ફરી એકવાર વિવાદમાં આવ્યા છે. પોતે કોરોના સંક્રમિત હોવા છતા પણ નિયમોને નેવે મુકીને હોસ્પિટલ હોસ્પિટલમાં કાર્યક્રમ આયોજીત કર્યો હતો. વડોદરાની જ્યુપિટર કોવીડ હોસ્પિટલમાં તેમણે કાર્યક્રમ યોજ્યો હતો.

આશ્ચર્યજનક બાબત તો એ છે કે, આકોટા ભાજપના ધારાસભ્ય સીમા મોહિલે પણ આ કાર્યક્રમમાં હાજર રહ્યા હતા. કોરોના વોરિયર્સ તબીબોને એવોર્ડ આપવા માટે આ કાર્યક્રમનું આયોજન કરવામાં આવ્યું હતું. અકોટા ભાજપ ધારાસભ્ય સીમા મોહિલે પણ અનેક તબીબો સાથે ચર્ચા કરી હતી. હોસ્પિટલે કાર્યક્રમ કરવા માટે કોણે મંજુરી આપી તે સવાલ ઉઠી રહ્યો છે. આ ઉપરાંત કોરોનાનું સંક્રમણ ફેલાય તેના માટે કોણ જવાબદાર? હાલ તો આ કાર્યક્રમનો વીડિયો બહાર આવતા ભારે વિવાદ થાય તેવી શક્યતા છે. ભાજપના વધારે એક નેતાએ સાબિત કર્યું છે કે, કોરોના તો નામ માત્ર છે. કોરોનાથી ડરવાની જરૂર નથી. મોજ કરો અને જે કમરતોડ દંડ વસુલવામાં આવે છે તે સામાન્ય માણસ માટે જ છે નેતાઓ માટે આ નિયમો જ નથી.

(4:39 pm IST)
  • રાત્રે 11 વાગ્યે ભારે પવન સાથે અનરાધાર વરસાદ તૂટી પડ્યો : વીજળીના કડાકા ભડાકા :રસ્તાઓમાં પાણી ફરી વળ્યાં : રાત્રે અચાનક વાતાવરણમા પલટો access_time 11:16 pm IST

  • દેશમાં કોરોનાના કહેર વચ્ચે સતત ચોથા દિવસે નવા કેસ કરતા રિકવર થનારની સંખ્યા વધી : રાત્રે 12 વાગ્યા સુધીમાં નવા 73,368 પોઝીટીવ કેસ સામે 99,924 દર્દીઓ સ્વસ્થ થયા : એક્ટિવ કેસ 10 લાખની નીચે સરક્યા:દેશમાં કોરોનાના કુલ કેસનો આંક 55,58 980 થયો: એક્ટીવ કેસ,9,76,654 થયા : 44,92,,574 લોકોએ કોરોનાને મ્હાત આપી :વધુ 1046 લોકોના મોત સાથે મૃત્યુઆંક 88,955 થયો access_time 1:05 am IST

  • નકસલ આતંક : દેશમાં સારા એવા પ્રમાણમાં ઘટી રહયો છે અને હવે દેશના માત્ર ૪૬ જીલ્લા પૂરતો સિમિત હોવાનું આજે સંસદમાં ગૃહ મંત્રાલયે જાહેર કરેલ. access_time 4:00 pm IST