Gujarati News

Gujarati News

News of Tuesday, 21st May 2019

સુરતમાં ઉતરાણ બ્રિજ નજીક ચાલુ ટ્રેનમાંથી રહસ્યમય સંજોગોમાં યુવાને તાપી નદીમાં ઝંપલાવ્યું

સુરત:રામ રાખે તેને કોણ ચાખે, આ કહેવતને સાર્થક કરતી એક ઘટના પ્રકાશમાં આવી છે. ગઈકાલે રાત્રે ઉતરાણ બ્રિજ પાસે ચાલુ ટ્રેનમાંથી રહસ્યમય સંજોગોમાં યુવાન સીધો જ તાપી નદીમાં પડયો હતો. યુવક રાતથી સવાર સુધી તાપી નદીના પાણીમાં જ પડી રહ્યો હતો, જોકે તેનું આખું શરીર છીછરા કાદવવાળા પાણીમાં ડૂબેલું હતું જયારે ફક્ત માથું જ બહાર હોવાથી તેનો જીવ બચી ગયો છે.  હાલમાં તેને સારવાર માટે સ્મીમેર હોસ્પિટલમાં દાખલ કર્યા છે.

સ્મીમેર હોસ્પિટલ અને ફાયર સૂત્રો પાસેથી મળતી માહિતી આજે વહેલી સવારે ઉતરાણ રેલ્વે બ્રિજ નીચે તાપી નદીના પાણીમાંથી એક યુવાનનું પાણીમાં માત્ર માથું દેખાતું હતું.  અને ધડ કાદવ અને પાણીમાં ફસાયેલું હતું. કોઇ વ્યક્તિએ કોલ કરતા ફાયર ઓફિસર વિજયકાન્ત તિવારી અને લાશ્કરો ત્યાં પહોંચી ગયા હતા. અને યુવકને બહાર કાઢીને ૧૦૮ એમ્બ્યુલન્સમાં સારવાર માટે સ્મીમેરમાં ખસેડયો હતો.

(5:34 pm IST)
  • ક્રુડ ઓઈલનો ખજાનો શોધવા નીકળેલ પાકિસ્તાનને ફટકો :700 કરોડ ખર્ચા બાદ મળ્યો ‘ઠેંગો’: પાકિસ્તાનને હેવ અરબ સાગરમાંથી ક્રુડ ઓઇલ ના મળવાથી વધુ એક ફટકો પડ્યો: કરાચી કોસ્ટ પાસે અરબ સાગરમાં ગેસ ભંડાર મળવાની ધારણાએ મોટા પાયે ખોદકામ કર્યું :કુવા ખોદ્યા તેમાંથી કોઇ ખનિજ ઈધણ હાંસલ થયું નથી. access_time 12:42 am IST

  • કર્ણાટકના મુખ્યમંત્રી કુમારસ્વામીને મળવા પહોંચ્યા કોંગ્રેસના મહાસચિવ વેણુગોપાલ : જેડીએસના સંરક્ષક એચડી દેવગૌડા અને કુમારસ્વામી ઈવીએમ મુદ્દે વિપક્ષી નેતાઓની બેઠકમાં ઉપસ્થિત નહિ રહેતા તાબડતોડ વેણુગોપાલે કુમારસ્વામીસ સાથે મુલાકાત કરી :કર્ણાટક સરકાર સબંધી પણ વાતચીત કરી access_time 1:10 am IST

  • ઈન્ડિયા ટુડે ગ્રુપ સાથે એકિઝટ પોલ સરદાર એકિઝસ્ટ માય ઈન્ડિયાએ તેની વેબસાઈટ ઉપરથી બેઠકો વાઈઝ આપેલા તમામ ડેટા હટાવી લીધા છે : કોઈપણ પૂર્વ જાણ કર્યા વિના કોને કેટલા ટકા મત મળ્યા તે સહિતના ડેટા એક એકિઝટ માય ઈન્ડિયાએ દૂર કરતાં એવું માનવામાં આવે છે કે નવી અપડેઈટ કરેલી માહિતી ટૂંક સમયમાં તેઓ આપી રહ્યા છે access_time 4:56 pm IST