Gujarati News

Gujarati News

News of Thursday, 26th March 2020

સુરતમાં શાકભાજીવાળાને માસ્ક પહેરીને કામ કરવાનું કહેતા તેને યુવકને ચપ્પુ માર્યુ

ઇજાગ્રસ્ત થયેલો યુવક કોરોના વાયરસને લઈને લોકોમાં જાગૃતિ ફેલાવવાનું કામ કરી રહ્યો હતો

સુરતના પાંડેસરા વિસ્તારમાં એક શાકભાજીવાળાને એક યુવકે માસ્ક પહેરીને કામ કરવાનું કહેતા શાકભાજીવાળો ઉશ્કેરાઈ ગયો હતો અને યુવક પર ચપ્પુ વડે હુમલો કર્યો હતો.

 અહેવાલ મુજબ પાંડેસરા વિસ્તારમાં આવેલી છત્રપતિ શિવાજી શાકભાજી માર્કેટમાં સ્થાનિક અતુલ મકવાણા નામનો યુવક શાકભાજી લેવા માટે ગયો હતો અને તે સમયે શાકભાજીવાળા એ માસ્ક ન પહેર્યું હોવાના કારણે અતુલે તેને માસ્ક પહેરીને કામ કરવાની સલાહ આપી હતી હતી. માસ્ક પહેરવાનું કહેતા જ શાકભાજીવાળો ઉશ્કેરાઈ ગયો હતો અને તેને પોતાની પાસે રહેલા ચપ્પુ વડે અતુલ પર હુમલો કર્યો હતો.

 હુમલામાં ઇજાગ્રસ્ત થયેલા અતુલને નજીકમાં ફરજ બજાવી રહેલા ટ્રાફિક PI અને TRB જવાનોએ ટ્રાફિક PIની જીપમાં સારવાર માટે સુરતની સિવિલ હોસ્પિટલમાં ખસેડવામાં આવ્યો હતો. યુવકને પેટની ડાબી બાજુ પર ચપ્પુનો ઘા લાગતાં તે લોહીલુહાણ થઇ ગયો હતો. ઇજાગ્રસ્ત થયેલો યુવક કોરોના વાયરસને લઈને લોકોમાં જાગૃતિ ફેલાવવાનું કામ કરી રહ્યો છે.

(12:49 pm IST)
  • હું ઘરે પત્નીની વાતો સાંભળુ છુઃ તમે ગૃહમંત્રીનું સાંભળોઃ ઉધ્ધવ ઠાકરે : મહારાષ્ટ્રના મુખ્યમંત્રી ઉધ્ધવજીએ લોકોને ભરોસો આપતા જણાવેલ કે હું ઘરમાં પત્નીની વાત સાંભળી રહ્યો છુ, તમે ગૃહમંત્રીની વાત સાંભળો અને ઘરે જ રહોઃ બધી જરૂરી ચીજવસ્તુઓ પહોંચાડાશે access_time 3:34 pm IST

  • આજે સવારથી બપોર સુધીમાં આજે ટોચ ઉપર ઈરાન : નવા ૨૨૦૬ કેસ : મૃત્યુ ૧૪૩ access_time 4:09 pm IST

  • લોકડાઉનમાં ઘરે જ મંગાવો પૈસા : આઈસીઆઈસીઆઈએ સુવિધા શરૂ કરી : આઈસીઆઈસીઆઈ બેંકની વેબસાઈટ મુજબ, ઘર રોકડ ડિલીવરી માટે બેંકની વેબસાઈટ પર Bank@homeservice લોગ ઈન કરી કે કસ્ટમર કેરમાં ફોન કરી સુવિધાથી જોડાઈ શકો છો. રોકડ મંગાવવા સવારે ૯ વાગ્યાથી બપોરે ૨ વાગ્યાની વચ્ચે અનુરોધ કરી શકે છે. બે કલાકની અંદર આપના જરૂરીયાતના રૂપિયા મળી જાય છે. તેના દ્વારા બે હજારથી લઈને બે લાખ રૂપિયા સુધી મંગાવી શકાય છે. એસબીઆઈ, આઈસીઆઈસીઆઈ, એકિસસ, કોટક જેવી અનેક બેંક ગ્રાહકો માટે આ સુવિધા આપે છે. access_time 3:19 pm IST