Gujarati News

Gujarati News

News of Wednesday, 20th January 2021

રાજપીપળાના સ્ટેશન રોડ સહિતના કેટલાક વિસ્તારોમાં રાત્રે સ્ટ્રીટ લાઈટો બંધ રહેતા ચોરીના ભયથી ફફડતા સ્થાનિકો

પાલિકાનું વીજ બિલ બાકી હોય કનેકશન કપાયું હોવાની ચર્ચાએ જોર પકડ્યું હતું,જોકે હજુ વીજ કંપનીની કનેકશન કાપ્યું નથી પણ લાખો રૂપિયા બાકી હોય કપાઈ પણ શકે છે

(ભરત શાહ દ્વારા)  રાજપીપળા : નર્મદા જિલ્લાની એક માત્ર રાજપીપળા નગરપાલિકાના ખાડે ગયેલા વહીવટથી ગ્રામજનો તોબા પોકારી ઉઠ્યા છે ત્યારે ગત રાત્રે અચાનક સ્ટ્રીટ લાઈટો બંધ થઈ જતા લોકો ચોરીના ભયથી થથરી રહ્યા હતા.
સોમવારે રાત્રે લગભગ 8.30 કલાકે રાજપીપળા સ્ટેશન રોડ,દોલત બજાર સહિતના કેટલાક વિસ્તારોમાં સ્ટ્રીટ લાઈટો બંધ થઈ જતા અંધારપટ છવાઈ ગયું હોવાથી સ્થાનિકોને શિયાળાની ઋતુ હોવાથી ચોરીનો ભય સતાવી રહ્યો હતો સાથે સાથે પાલિકાનું લાઈટ બિલ બાકી હશે માટે કનેકશન કપાઈ ગયાની પણ ચર્ચા સાંભળવા મળી હતી જોકે વીજ કનેકશન કપાયું નથી છતાં વીજ બીલની મોટી રકમ બાકી હોય કપાઈ પણ શકે છે તેમ પણ સૂત્રો દ્વારા જાણવા મળ્યું હતું. આમ પણ શહેરના ઘણા વિસ્તારોમાં રસ્તા,પાણી,સફાઈ સહિતની પાયાની સુવિધાઓ બાબતે પાલિકા તંત્ર નિષ્ફળ જતું જણાઈ રહ્યું છે તેમાં સ્ટ્રીટ લાઈટની વધુ એક તકલીફ સામે આવતા લોકોમાં રોષ જોવા મળી રહ્યો છે.

(10:28 pm IST)
  • દેશમાં કોરોના હાંફી ગયો :નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 13,566 કેસ નોંધાયા :કુલ કેસની સંખ્યા 1,05,96,228 થઇ :એક્ટિવ કેસ 1,94,247 થયા: વધુ 16,976 દર્દીઓ સ્વસ્થ થતા કુલ 1,02,44,839 થયા :વધુ 154 લોકોના મોત સાથે કુલ મૃત્યુઆંક 1,52,747 થયા access_time 1:03 am IST

  • ૩૦ જાન્યુઆરીએ દેશ આખો ૨ મિનિટ માટે થંભી જશે : ગાંધીજીને શ્રદ્ધાંજલી અપાશે : ૩૦ જાન્યુઆરીએ મહાત્મા ગાંધીજીનુ નિધન થયુ હતુ અને દર વર્ષે આ દિવસની શહીદ દિવસ તરીકે ઉજવણી કરવામાં આવે છે. આ વખતે કેન્દ્ર સરકારે તમામ રાજ્યોને આદેશ આપ્યો છે કે, દેશની આઝાદીમાં બલિદાન આપનારાઓની યાદમાં આ દિવસે બે મિનિટનુ મૌન રાખવામાં આવે અને સાથે- સાથે કામકાજ અને અવર- જવર પણ બંધ રાખવામાં આવે. ગૃહ મંત્રાલયના આદેશ પ્રમાણે ૩૦ જાન્યુઆરીએ સવારે ૧૧ વાગ્યે બે મિનિટનુ મૌન પાળવામાં આવશે અને સાથે સાથે કોઈ કામકાજ નહીં થાય તેમજ અવર જવર પણ નહીં કરવામાં આવે. જે જગ્યાઓ પર સાયરનની વ્યવસ્થા છે ત્યાં મૌન પાળવા માટે યાદ દેવડાવવા માટે સાયરન વગાડવામાં આવશે. કેટલીક જગ્યાએ આર્મીની તોપના ફાયરથી તેની યાદ દેવડાવવામાં આવશે. આ જ દિવસે ૧૯૪૮માં ગાંધીજીની નાથુરામ ગોડસેએ હત્યા કરી હતી. access_time 4:14 pm IST

  • પશ્ચિમ બંગાળના શાંતીપૂર્ણ ધારાસભ્ય અરીન્દમ ભટ્ટાચાર્ય ભાજપમાં દાખલ થઈ ગયા : તેમણે કહ્નાં કે પશ્ચિમ બંગાળના યુવાનોનુ અત્યારે કોઈ ભવિષ્ય નથી અને અત્યારે તેમની પાસે કોઈ કામ નથી access_time 5:42 pm IST