Gujarati News

Gujarati News

News of Monday, 15th April 2019

તારાપુર-વટામણ હાઇવે પર ટ્રક-કાર વચ્ચે ગોજારો અકસ્માત: પિતા-પુત્રને ગંભીર ઇજા

તારાપુર:તારાપુર-વટામણ રોડ ઉપર આવેલા વરસડા પાટીયા પાસે આજે વહેલી સવારના ત્રણેક વાગ્યાના સુમારે પુરપાટ ઝડપે જતી ટ્રકની સામે કાર ભટકાતા સર્જાયેલા અકસ્માતમાં બેને ઈજાઓ થવા પામી હતી. આ અંગે તારાપુર પોલીસે ગુનો દાખલ કરીને તપાસ હાથ ધરી છે. 

અકસ્માતની મળતી વિગતો અનુસાર મુળ યુપીનો પરંતુ હાલમાં અમદાવાદના હાથજ ખાતે રહેતો ટ્રક ચાલક સંતોષ ઉપાધ્યાય દિવાકર ઉપાધ્યાય પોતાની ટ્રકમાં રાજકોટથી મરઘીનો ખાવાનો ખોરાક ભરીને છત્તીસગઢના રાયપુર નજીક આવેલા રાજનંદ ગામે જવા નીકળ્યો હતો. વહેલી સવારના ત્રણેક વાગ્યાના સુમારે તારાપુર-વટામણ રોડ ઉપર આવેલા વરસડા પાટીયા પાસેથી પસાર થતો હતો ત્યારે સામેથી એક સ્વીફ્ટ કાર નંબર જીજે-૧૦, એપી-૮૪૨અથડાઈ હતી જેમાં કારમાં સવાર નારણભાઈ દેવુભાઈ રોઝીયા (ઉ. વ. ૪૬)તેમજ ભોજાભાઈ નારણભાઈ રોઝીયા (ઉ. વ ૨૭, રે. બન્ને જામખંભાળીયા)ને વત્તા ઓછા પ્રમાણમાં ઈજાઓ થતાં તેમને તુરંત જ ૧૦૮ મોબાઈલવાન દ્વારા સારવાર માટે તારાપુરની હોસ્પિટલમાં લઈ જવામાં આવ્યા હતા. 

(5:31 pm IST)
  • વડાપ્રધાન મોદી 23 એપ્રિલના રોજ પોતાનો મત, રાણીપ - અમદાવાદ ખાતે નિશાન વિદ્યાલયના પોલિંગ બુથ પર સવારે 7-30 વાગ્યે આપશે જશે તેમ જાણવા મળે છે. access_time 10:57 pm IST

  • કાલાવડ રોડ-મહિલા કોલેજ અંડરબ્રીજ પાસે સામાન્‍ય વરસાદમાં અનેક વાહન ચાલકો સ્‍લીપ થયાઃ એકને ઈજા : શહેરના કાલાવડ રોડ મહિલા કોલેજ બ્રીજ પાસે સામાન્‍ય વરસાદમાં રોડ ભીના થતા રોડ ઉપર અનેક વાહનચાલકો સ્‍લીપ થયા હતા. એક સ્‍કૂટર ચાલકને ઈજાગ્રસ્‍ત હાલતમાં ૧૦૮ એમ્‍બ્‍યુલન્‍સ મારફત હોસ્‍પીટલે પણ ખસેડવામાં આવેલ છે. access_time 4:34 pm IST

  • સળગતા બાઇક પર સવાર દંપતિનો ચાર કિમિ પીછો કરીને પોલીસે જીવ બચાવ્યો ::વિડિઓ વાયરલ : ઇટાવાની નજીક એક્સપ્રેસ-વે પર ઉત્તર પ્રદેશ પોલીસની ડાયલ 100 ટીમની પ્રશંસનીય કામગીરી : બાઇક સવાર પર નજર પડી. જેમાં બાઇકમાં આગ લાગેલી હતી:. બાઇકમાં લાગેલી આગ જોઇને પોલીસે બાઇક સવાર દંપતિને જાણ પીછો કર્યો ;બાઈક રોકાવી આગને કાબુમાં લઇને દંપતીનો જીવ બચાવ્યો : આગને કારણે બાઈક બ્લાસ્ટ થવાની હતી ભીતિ access_time 1:17 am IST