Gujarati News

Gujarati News

News of Sunday, 15th September 2019

સુરતમાં રોકડ-મોબાઇલ ચોરીની શંકાથી યુવાનને માર માર્યાનો વિડીયો વાયરલ થતા બે વ્‍યકિત સામે ગુન્‍હો નોંધાયો

સુરત : સુરતમાં મોબાઇલ અને રૂપિયાની ચોરીની આશંકાએ એક યુવાનને તાલિબાની સજા આપવામાં આવતા તેના ઘેરા પ્રત્યાઘાત પડ્યા છે. સુરતમાં યુવકને માર મારતો આ વીડિયો સોશિયલ મીડિયા પર વાયરલ થયો છે. આ વીડિયોમાં યુવાનને નગ્ન કરી ક્રુરતાપૂર્વક માર મારવામાં આવી રહ્યો હોવાનું જણાય છે. મારનો ભોગ બનેલો યુવાન મદદ માટે આજીજી કરી રહ્યો છે. તેમ છતાં તેની મદદે કોઇ આવતું નથી.

આ વીડિયો સુરતના ભટારના અલથાણ વિસ્તારનો હોવાનું સામે આવ્યું છે. ભોગ બનનારનું નામ ધર્મેશ હોવાનું અને સમગ્ર ઘટના 2 દિવસ પહેલાની હોવાનું જાણવા મળ્યું છે. સોશિયલ મીડિયા પર વીડિયો વાયરલ થયા બાદ હરકતમાં આવેલી ખટોદરા પોલીસે આ મામલે 2 વ્યક્તિઓ સામે ગુનો દાખલ કર્યો છે. પોલીસે ધર્મેશની ફરિયાદના આધારે આરોપી ગોટ્ટીયા અને અરબા નામના શખ્શો વિરૂદ્ધ ગુનો નોંધ્યો છે. તેમજ વધુ તપાસ હાથ ધરી છે.

(3:24 pm IST)
  • થરા હાઈવે પર નશાખોર કાર ચાલક બન્યો બેફામ: રાહદારીઓને અડફેટે લેતા એક બાળક સહિત બે ના ઘટના સ્થળે જ મોત: 8 જેટલા લોકોને ગંભીર ઇજા: ઇજાગ્રસ્તોને સારવાર માટે થરા રેફરલ હોસ્પિટલમાં ખસેડાયા: ગાડી ચાલકને થરા પોલીસે પકડી કાર્યવાહી હાથ ધરી access_time 10:40 pm IST

  • ગોંડલ નાગરિક બેંકની ચૂંટણી પ્રતિષ્ઠાનો જંગ ખેલાયો : બેંકના 62905 સભાસદોમાંથી 9292 સભાસદોએ કર્યુ મતદાન: મતદાન પૂર્ણ થતાં મતગણતરીનો પ્રારંભ. access_time 6:52 pm IST

  • ભારે કરી : રેલવે પોલીસને હેલ્પલાઇન નંબર પર આવે છે પિઝ્ઝા -બર્ગર માટે ફોન : સ્ટાફ પિઝા અને બર્ગરની ડિલિવરી કરે છે કે કેમ ? તેવા પુછાય છે સવાલ : રાજધાની દિલ્હીમાં રેલવેને નવી મુશીબત :યાત્રીઓ પિઝા અને બર્ગરની ડિલિવરી માટે કરે છે માંગણી : હેલ્પલાઇન નંબરમાં 80 ટકાથી વધુ ફોન પીઝા અને બર્ગર માટે આવે છે : મોબાઈલ રિચાર્જ માટે પણ કરાઈ છે પૂછપરછ access_time 12:53 am IST