Gujarati News

Gujarati News

News of Thursday, 14th June 2018

ગાંધીનગર શહેર નજીક રાયપુરમાં બે બાળકી સાથે નદીમાં ઝંપલાવનાર મહિલા વિરુદ્ધ ફરિયાદ

ગાંધીનગર: શહેર નજીક આવેલા રાયપુર નર્મદા કેનાલમાં બે દિવસ અગાઉ બે બાળકીઓ સાથે પડનાર મહિલાનો બચાવ થયો હતો જ્યારે તેની બે બાળકીઓના મોત નીપજયા હતા. આ મામલે હવે તેના પતિની ફરીયાદના આધારે ડભોડા પોલીસે મહિલા સામે હત્યાનો ગુનો નોંધ્યો છે. વતનમાં જતી વખતે પતિ સાથે ઝગડો કરી આ મહિલા રસ્તામાં જ ઉતરી ગઈ હતી અને બાળકીઓ સાથે કેનાલમાં ઝંપલાવ્યું હતું.   વતનમાં જતી વખતે પતિ સાથે ઝગડો કરી મહિલા ઉતરી ગઈ હતી અને બાદમાં કેનાલમાં પડી હતી ગાંધીનગર શહેર નજીક આવેલા રાયપુર ગામ પાસેથી પસાર થતી નર્મદા કેનાલમાં ગત રવિવારે બપોરના સમયે અમદાવાદના સૈજપુર ખાતે રહેતી મહિલા હંસાબેન તેની બે બાળકીઓ સાત વર્ષીય હર્ષિદા અને ચાર વર્ષીય ખુશી સાથે દુપટ્ટો બાંધીને કેનાલમાં પડી હતી. તેથી ત્યાં હાજર સિક્યોરીટીના જવાનો મહિલા હંસાબેનને બચાવી લીધી હતી જ્યારે બે બાળકીઓના ડુબી જવાના કારણે મોત નીપજયા હતા. 

(5:56 pm IST)
  • ઉત્તરાખંડમાં ભૂકંપના આંચકા : તીવ્રતા ૪.૦ રિક્ટર સ્કેલ નોંધાઈ : લોકો ઘરની દોડી ગયા : ભૂકંપનું એપી સેન્ટર ઉત્તર કાશીમાં : કોઈ જાનહાની નથી access_time 12:04 pm IST

  • શ્રીનગરમાં વરિષ્ઠ પત્રકાર સુજાત બુખારીની ગોળી મારીને હત્યા : જમ્મુ અને કાશ્મીરની રાજધાની શ્રીનગરમાં વરિષ્ઠ પત્રકાર શુજાત બુખારીની ગોળી મારીને હત્યા કરી દેવામાં આવી છે. તેઓ 'રાઇઝિંગ કાશ્મીર' અખબારના સંપાદક હતા. : સત્તારૂઢ પીડીપી (પીપલ્સ ડેમોક્રેટિક પાર્ટી) ના નઇમ અખતરે જણાવ્યું,કે જ્યારે ઓફિસમાંથી બહાર નીકળી રહ્યા હતા, ત્યારે અજાણ્યા શખ્સોએ તેમને ગોળી મારી હતી. access_time 8:36 pm IST

  • મુંબઈ હુમલાનો માસ્ટર માઈન્ડ હાફિઝ સઈદને જોરદાર ઝટકો :ચૂંટણી આયોગે હાફિઝના સંગઠન જમાત-ઉદ દવાની રાજકીય એકમ મિલ્લી મિસલીમ લીગને રાજકીય પાર્ટી તરીકે નોંધણી કરવાની અરજી ફગાવી :ઇસ્લામાબાદ ઉચ્ચ ન્યાયાલયે પાકિસ્તાન ચૂંટણી પંચે હાફીઝ્ની પાર્ટીને રાજકીય પાર્ટી તરીકે રજીસ્ટ્રેશન કરવાની અરજી નકારી કાઢવાના પોતાના નિર્ણ્યની સમીક્ષા કરે access_time 1:22 am IST