Gujarati News

Gujarati News

News of Wednesday, 13th June 2018

રિસામણે બેઠેલી પત્નીને તેડવા જવા છતાં પરત નહિ આવતા પતિનો ઝેરી દવા પી આપઘાત

પોશીના પોશીના દંત્રાલ(કાળીદેવી)માં પત્નીના વિયોગમાં પતિએ વખ ઘોળ્યું

રિસામણે બેઠેલી પત્નીને તેડવા જવા છતાં પરત નહિ આવતા પતિનો  ઝેરી દવા પી આપઘાત

પોશી તાલુકાના દંત્રાલ(કાળીદેવી)માં રીસામણે બેઠેલી પત્નિને તેડવા જવા છતાં પરત ન આવતાં પતિએ ઝેરી દવા પી આપઘાત કર્યો છે

 આ અંગેની વિગત મુજબ પોશી તાલુકાના દંત્રાલમાં શ્રવણભાઈ ડાભીના પત્નિ છેલ્લા કેટલાક સમયથી રીસાઈને પિયર ચાલ્યાં ગયાં હોવાથી પતિએ અનેકવાર તેમને તેડવા માટે ગયા હતા અને છતાં પત્નિ પતિના ઘરે પરત ન આવતાં વ્યથિત પતિને મનમાં લાગી આવ્યું હતું જેમાં તા.૧૧ ના રોજ રીસામણે બેઠેલી પત્નિને પરત લાવવાના પ્રયાસો કરવા છતાં તે પતિના ગૃહે પરત આવતી ન હોવાથી શ્રવણ ડાભીએ પોતાની જાતે જ ઝેરી દવા પી જઈ આત્મહત્યા કરી લીધી હતી

  બનાવ અંગે લેબાભાઈ માવાભાઈ ડાભીની ખબરના આધારે ખેરોજ પોલીસે એડી નોંધી ધોરણસરની કાર્યવાહી હાથ ધરી છે. પત્નિના વિયોગમાં પતિએ અકાળે આત્મહત્યાથી જીવન લીલા સંકેલી લેતાં પરિવારમાં શોક છવાયો છે

(8:45 pm IST)
  • ભાજપના સાંસદ શત્રુઘ્નસિંહા આરજેડીની ઈફ્તાર પાર્ટીમાં પહોંચ્યા ;તેજસ્વી યાદવે પહેરાવી ટોપી : ભાજપની સહયોગી જેડીયુ દ્વારા પણ ઈફ્તાર પાર્ટી રાખી હતી પરંતુ શોટગન શત્રુઘ્નસિંહા આજે તેજસ્વી યાદવની ઈફ્તાર પાર્ટીમાં સામેલ થતા રાજકીય અટકળ શરૂ access_time 1:02 am IST

  • ગૌરી લંકેશના શંકાસ્પદ હત્યારાઓના હિટલિસ્ટમાં બીજા અનેક લોકોના નામ હોવાનું ખુલ્યું : એસઆઇટીના સુત્રોએ કહ્યું કે,હિટલિસ્ટમાં ગિરીશ કર્નાડ ઉપરાંત જ્ઞાનપીઠ પુરસ્કાર વિજેતા નેતા, સાહિત્યાકર બીટી લલિતા નાઇક, નિદુમામિડી મઠના પ્રમુખ વીરભદ્ર ચન્નામલ્લા સ્વામી અને બુદ્ધિજીવી સીએસ દ્વારકાનાથનો સમાવેશ access_time 12:55 am IST

  • શ્રીનગરમાં વરિષ્ઠ પત્રકાર સુજાત બુખારીની ગોળી મારીને હત્યા : જમ્મુ અને કાશ્મીરની રાજધાની શ્રીનગરમાં વરિષ્ઠ પત્રકાર શુજાત બુખારીની ગોળી મારીને હત્યા કરી દેવામાં આવી છે. તેઓ 'રાઇઝિંગ કાશ્મીર' અખબારના સંપાદક હતા. : સત્તારૂઢ પીડીપી (પીપલ્સ ડેમોક્રેટિક પાર્ટી) ના નઇમ અખતરે જણાવ્યું,કે જ્યારે ઓફિસમાંથી બહાર નીકળી રહ્યા હતા, ત્યારે અજાણ્યા શખ્સોએ તેમને ગોળી મારી હતી. access_time 8:36 pm IST