Gujarati News

Gujarati News

News of Saturday, 12th January 2019

આજથી સળંગ ચાર દિવસ રજાનો માહોલ

રાજ્યભરમાં સ્કૂલથી માંડી સચિવાલય સુધી

અમદાવાદ તા. ૧૨ : ઉત્તરાયણના પર્વ વચ્ચે ગણતરીના દિવસો રહ્યા છે ત્યારે અત્યારથી જ લોકોમાં ઉત્તરાયણનો ઉત્સાહ જોવા મળી રહ્યો છે. લોકો ખરીદી કરવા માટે બજારમાં નીકળી પડ્યા છે. નાના બાળકોથી લઇને મોટેરાઓમાં ઉત્તરાયણને લઇને ભારે ઉત્સાહ છે. જોકે, તેમના આ ઉત્સાહમાં આ વખતે વધારો થશે કારણ કે રાજયભરમાં શનિવારથી સતત ચાર દિવસ સુધી રજાનો માહોલ રહેશે.

૧૪મી જાન્યુઆરી અને સોમવારના રોજ ઉત્ત્।રાયણના પર્વને લઇ આ વખતે વિદ્યાર્થીઓને રજાઓની મોજ પડી જવાની છે. આજે શનિવારથી જ સ્કૂલોથી લઇને સચિવાલયમાં સળંગ ચાર દિવસ સુધ રજાનો માહોલ જોવા મળશે.

મળતી માહિતી પ્રમાણે આજે મહિનાનો બીજો શનિવાર હોવાથી સરકારી કચેરીઓમાં રજા છે. જયારે ત્યાર પછીના બે દિવસ એટલે કે રવિવાર અને સોમવારે જાહેર રજા હશે. બાદમાં ચોથા દિવસે મંગળવારે વાસી ઉત્તરાયણની પણ મોટાભાગની સ્કૂલોમાં રજા આપવામાં આવતી હોય છે. આમ આ વખતે ઉત્તરાયણના પર્વમાં રજાઓની ભરમાર જોવા મળશે.

ઉત્તરાયણના પર્વના દિવસે ગામ, શહેર અને રાજયના તમામ લોકો એકસાથે પોતાના મકાનની છત ઉપર આવી જતાં હોય છે. લપેટ કાપ્યોના શોરથી ગગન આખું ગૂંજી ઉઠતું હોય છે. વિદ્યાર્થીઓ બે દિવસ અગાઉથી સ્કૂલોમાં ગુલ્લી મારવા લાગે છે. ત્યારે આ વખતે ગુલ્લી મારતા વિદ્યાર્થીઓને સામેથી રજાઓ મળી શકે છે.

(9:55 am IST)
  • રવિવારે ફરીવાર ઇંધણના ભાવમાં મોટો વધારો :પેટ્રોલના ભાવમાં લિટરે 47 પૈસા અને ડીઝલના ભાવમાં લિટરે 61 પૈસાનો વધારો ઝીક્યો ;છેલ્લા ત્રણ દિવસથી એકધારો ભાવ વધારાથી વાહન ચાલકોને વધતો બોજો :વૈશ્વિક બજારમાં ક્રૂડના વધતા ભાવને પગલે ઘર આંગણે પણ પેટ્રોલ -ડીઝલના ભાવમાં ઝીકાતો વધારો :ડિસેમ્બરમાં રાહત બાદ જાન્યુઆરીમાં ઇંધણના ભાવમાં ઘટાડો અટક્યો access_time 12:45 am IST

  • દિલ્હી: નેશનલ ગ્રીન ટ્રિબ્યુનલે પ્રદૂષણ મામલે વાપી CETPને રૂ.૧૦ કરોડનો દંડ ફટકાર્યો : દંડની સાથે CETPએ બે કમિટી બનાવવાનો પણ આદેશ એનજીટીને કર્યો access_time 10:39 pm IST

  • 'અંગુઠા છાપ ''નિવેદન પર પોતાના ઘરમાં જ ઘેરાયા રામવિલાસ પાસવાન ;પુત્રીએ કહ્યું માફી માંગો નહીંતર ધરણા કરીશ ;પાસવાનની પુત્રી આશાએ ચેતવણી આપી છે કે જો તેના પિતા આના માટે માફી નહિ માંગે તો પટના સ્થિત લોજપાના પ્રદેશ મુખ્યાલય સામે ધરણા પર બેસશે access_time 12:54 am IST