Gujarati News

Gujarati News

News of Saturday, 9th November 2019

૧૧મીથી જુદા જુદા મુદ્દા પર કોંગ્રેસ દેખાવ કરશે

તમામ ૩૩ જિલ્લાઓમાં વિરોધ થશે

અમદાવાદ, તા. ૮ : એનડીએ સરકારની નિષ્ફળ રહેલી આર્થિક નીતિઓના વિરોધમાં કોંગ્રેસ પાર્ટી રાષ્ટ્રવ્યાપી આંદોલન કરવાના મુડમાં દેખાઈ રહી છે. આના ભાગરુપે ગુજરાત કોંગ્રેસ દ્વારા પણ શ્રેણીબદ્ધ કાર્યક્રમોની જાહેરાત કરી દેવામાં આવી છે જેના ભાગરુપે ૧૧મી નવેમ્બરથી કાર્યક્રમોની શરૂઆત થશે. આઠ મ્યુનિસિપલ કોર્પોરેશનમાં આ આયોજન કરવામાં આવશે. તમામ ૩૩ જિલ્લાઓના હેડક્વાર્ટર અને આઠ મ્યુનિસિપલ કોર્પોરેશનના વિરોધ પ્રદર્શનની તૈયારી કરવામાં આવી ચુકી છે. ખેડૂતો, યુવાનો અને મહિલાઓને આમા આવરી લેવામાં આવશે.

                    વિધાનસભામાં વિપક્ષના નેતા પરેશ ધાનાણીએ કહ્યું છે કે, વિવિધ પગલા લેવામાં આવી રહ્યા છે. કેન્દ્ર સરકારની જુદી જુદી નીતિઓના કારણે ગરીબ અને મધ્યમ વર્ગના લોકો મુશ્કેલી અનુભવી રહ્યા છે. આર્થિક નીતિઓના કારણે અર્થશાસ્ત્રીઓની હાલત કફોડી બનેલી છે. આર્થિક મંદીના લીધે બેરોજગારીની સમસ્યા દિનપ્રતિદિન વધુને વધુ ગંભીર બની રહી છે.

(8:28 pm IST)
  • દાવો રદ થવાનો કોઇ અફસોસ નથીઃ નિર્મોહી અખાડા :આજે સુપ્રિમ કોર્ટે અયોધ્યા મામલે ચુકાદા દરમિયાન નિર્મોહી અખાડાનો વિવાદીત જગ્યા અંગેનો માલીકી હકક અંગેનો દાવો રદ કર્યો હતો. નિર્મોહી અખાડાના વરિષ્ઠ સંત મહંત ધર્મદાસજીએ જણાવેલ કે વિવાદીત સ્થળનો અમારો દાવો રદ થતા કોઇ અફસોસ નથી, કેમ કે તે પણ રામલલાનો પક્ષ લઇ રહયો હતો. સુપ્રિમકોર્ટે રામલલાના પક્ષને મજબુત માન્યો છે જેથી નિર્મોહી અખાડાનો હેતુ પુર્ણ થયો છે. access_time 3:25 pm IST

  • આજ નો દિવસ ભારતના ઇતિહાસમાં સુવર્ણ અક્ષરે લખવામાં આવશે : શિવ સેના ના સુપ્રીમો ઉદ્ધવ ઠાકરે કહ્યું હતું કે દરેક સુપ્રીમ કોર્ટનો ચુકાદો સ્વીકાર્ય છે. હું ૨૪ નવેમ્બરે અયોધ્યા ની મુલાકાતે જઈશ ઉદ્ભવ ઠાકરે a કહ્યું હતું કે હું એલ કે અડવાણી ને મળવા પણ જઈશ અને તેમને અભિનંદન આપીશ તેઓએ આ કાર્ય માટે રથયાત્રા કાઢી હતી હું ચોક્કસ તેમને મળી અને આશીર્વાદ લઈશ access_time 6:31 pm IST

  • સુપ્રીમકોર્ટે સર્વસંમતિથી ચુકાદો આપ્યો છે : ચીફ જસ્ટિઝ કહ્યું કે બાબરના સમયમાં મીર બાકીએ મસ્જિદ બનાવી હતી : ખોદકામ દરમિયાન મળેલ ઢાંચો બિન ઇસ્લામિક હતો : સુપ્રીમકોર્ટ :અયોધ્યા કેસમાં નિર્મોહી અખાડાનો દાવો રદ કરી નાખવામાં આવ્યો છે : મસ્જિદ કયારે બનાવામાં આવી તે ખબર પડતી નથી : સર્વસંમતિથી સુપ્રીમકોર્ટના જજોએ ચુકાદો આપ્યો છે : તમામ ધર્મોને સમાન નજરથી જોવાનું સરકારનું કામ નથી access_time 11:03 am IST