Gujarati News

Gujarati News

News of Saturday, 9th June 2018

મહામંડલેશ્વર પૂ. ભારતીબાપુના નામ ઉપરથી જ

સરખેજ-ઉજાલા ચોકડી હવેથી શ્રી ભારતીબાપુ સર્કલના નામે ઓળખાશે

રાજકોટ : અમદાવાદના નવા પશ્ચિમ ઝોનના છેવાડે આવેલા સરખેજ વોર્ડમાં વર્ષોથી ઉજાલા હોટેલ સર્કલ તરીકે જાણીતા બનેલા સર્કલનું નામ બદલીને પૂ. શ્રી ભારતીબાપુ સર્કલ નામાભિધાન કરવાનો અમદાવાદ મ્યુનિ. કોર્પોરેશને નિર્ણય કર્યો છે.

મ્યુનિ. ટાઉન પ્લાન કમીટીએ આ અંગેની દરખાસ્તને આખરી મંજૂરી પણ આપી દીધી છે. કમિટીના ચેરમેને જણાવ્યું કે, કોઇ હોટેલના નામે સર્કલનું નામ નામાભિધાન કરવું એ યોગ્ય નથી.સરખેજમાં આવેલો શ્રી ભારતીબાપુનો આશ્રમ એ સમગ્ર હિંદુ સમાજની આસ્થાનું કેન્દ્ર છે અને આશ્રમના સ્થાપક પૂ. ભારતીબાપુ સૌના પ્રિય એવા સંતથ મહંત અને મહામંડલેશ્વર છે. તેથી કમીટીએ ઉજાલા હોટેલ સર્કલને નવું નામ 'શ્રી ભારતીબાપુ સર્કલ' આપ્યું છે અને તે સર્વદા ઉચિત પણ છે. (પ-૧૧)

(11:45 am IST)
  • વડાપ્રધાન નરેન્દ્ર મોદીએ શનિવારે ચીનના કિંગદાઓ શહેરમાં રાષ્ટ્રપતિ શી જિનપિંગ સાથે મુલાકાત કરી. બંન્ને નેતાઓએ દ્વિપક્ષીય સહયોગના તમામ મુદ્દાઓ પર ચર્ચા કરી. મીટિંગથી પહેલા બંન્ને નેતાઓ ગર્મજોશીથી મળ્યા. પોતાના સંબોધનમાં પીએમ મોદીએ કહ્યું કે, ભારત અને ચીન વચ્ચે મજબૂત અને સ્થિર સંબંધથી વિશ્વને સ્થિરતા અને શાંતિની પ્રેરણા મળી શકે છે. તેમણે વુહાનમાં શીની સાથેની અનૌપચારિક મુલાકાતને પણ યાદ કરી હતી. શી જિનપિંગ સાથેની મુલાકાત બાદ વડાપ્રધાન નરેન્દ્ર મોદીએ ટ્વીટ કરીને ચીનના રાષ્ટ્રપતિ સાથેની તસ્વીર પણ પોતાના ટ્વીટર પર શેર કરી હતી. access_time 7:17 pm IST

  • શનિવારે પેટ્રોલમાં લીટરે 40 પૈસા અને ડીઝલમાં 40થી 45 પૈસાનો મોટો ઘટાડો થવાની શકયતા:સતત 11માં દિવસે પેટ્રોલ ડીઝલમાં ભાવ ઘટશે:અત્યાર સુધીમાં સૌથી મોટો ઘટાડો થશે :ઘટયા ભાવ સવારે છ વાગ્યાથી લાગુ થશે :નવા ભાવ મુજબ પેટ્રોલ લિટરે 76,33 રૂપિયા અને ડીઝલનો ભાવ લિટરે 73,42 રૂપિયા થશે :રાજ્ય પ્રમાણે કરવેરા અલગ થશે:છેલ્લા સાત દિવસથી પેટ્રોલ ડીઝલના ભાવમાં ઘટાડો થઇ રહ્યો છે access_time 11:25 pm IST

  • શિવસેનાએ ભાજપનુ નાક દબાવ્યું: વિધાનસભાની ર૮૮ બેઠકોમાંથી ૧પર બેઠકો માંગીઃ ભાજપને ૧૩૬ બેઠકોની ઓફરઃ સીએમ પણ ઉધ્ધવ પોતાના પક્ષના ઇચ્છે છે જો કે ભાજપ ૧૩૦ થી વધુ બેઠક આપવાના મુડમાં નથી. access_time 3:49 pm IST