Gujarati News

Gujarati News

News of Friday, 8th June 2018

બનાસકાંઠાના દાંતીવાડામાં એસીબીને લાખોની રકમના કવર મળતા તપાસ હાથ ધરી

મહેસાણા: બનાસકાંઠાની દાંતીવાડા વન કચેરીમાંથી એસીબીને લાખોની રકમના કવર મળ્યા બાદ તપાસની દિશામાં વળાંક આવ્યો છે. કટકીની રકમ ભ્રષ્ટાચારથી મેળવી હોઈ જંગલ વિસ્તારમાં ચેકડેમ સહિતના રૃ.૮૪ લાખના કામો તપાસવા એસીબીની ટીમ જંગલ ખુંદી રહી છે. આ માટે એસીબીને સર્વેયર અને એન્જિનિયરો પણ ફાળવવામાં આવ્યા છે. દાંતીવાડા આરએફઓની લાંચ રૃશ્વત અંગેની ટ્રેપ દરમિયાન રૃ.૧૩ લાખની રકમના કચરો મળી આવ્યા બાદ એસીબી ઊંડાણમાં પહોંચી ગઈ છે. કવરોમાં મુકેલી રોકડ રકમ વન વિભાગ હેઠળની વિવિધ કામગીરીમાંથી ભ્રષ્ટાચાર કરી મેળવી હોવાનું ધ્યાને લઈ ક્રોસ ચેકીંગ શરૃ કરવામાં આવ્યું છે. દાંતીવાડામાં થયેલા વનીકરણ, પાળા, વાડ, ચેકડેમ, વનતળાવ સહિતના કામો શંકાસ્પદ હોવાનું પ્રાથમિક તબક્કે માની તપાસ કરવામાં આવી રહી છે.
 

(6:08 pm IST)
  • રૂપાણી સરકારનું વિસ્તરણ નહિં થાય : લોકસભાની ચૂંટણીની તૈયારીમાં લાગી જવા આહવાન : લોકસભા ચૂંટણી પર જરૂર જણાશે તો થશે વિસ્તરણ : હાલ નહિં થાય રૂપાણી મંત્રીમંડળનું વિસ્તરણ : કર્ણાટક ચૂંટણી બાદ હતી વિસ્તરણની આશા : હાલ વિસ્તરણ ન કરવાનો ભાજપનો નિર્ણય : લોકસભાની તૈયારીઓમાં લાગી જવા આહવાન access_time 4:01 pm IST

  • શનિવારે પેટ્રોલમાં લીટરે 40 પૈસા અને ડીઝલમાં 40થી 45 પૈસાનો મોટો ઘટાડો થવાની શકયતા:સતત 11માં દિવસે પેટ્રોલ ડીઝલમાં ભાવ ઘટશે:અત્યાર સુધીમાં સૌથી મોટો ઘટાડો થશે :ઘટયા ભાવ સવારે છ વાગ્યાથી લાગુ થશે :નવા ભાવ મુજબ પેટ્રોલ લિટરે 76,33 રૂપિયા અને ડીઝલનો ભાવ લિટરે 73,42 રૂપિયા થશે :રાજ્ય પ્રમાણે કરવેરા અલગ થશે:છેલ્લા સાત દિવસથી પેટ્રોલ ડીઝલના ભાવમાં ઘટાડો થઇ રહ્યો છે access_time 11:25 pm IST

  • ડોનાલ્ડ ટ્રમ્પએ કહ્યું કિમ જોંગ ઉન સાથેની બેઠક માત્ર તસવીરો ખેંચાવવા માટે નથી પરંતુ તેનાથી વિશેષ છે :આ ઐતિહાસિક બેઠક માટે પર્યટક રિસોર્ટ દ્વીપ સેન્ટોસાને સ્થળ તરીકે પસંદગી કરાઈ છે ;એવું મનાય છે કે આ બેઠકના કવરેજ માટે વિશ્વભરના 2500 પત્રકારો આવશે access_time 1:17 am IST