Gujarati News

Gujarati News

News of Tuesday, 8th October 2019

અમદાવાદ આવી પહોંચી તેજસ ટ્રેન:ભારતીય રેલવેના 166 વર્ષના ઇતિહાસમાં પહેલીવાર ખાનગી ટ્રેન દોડશે

અમદાવાદથી સવારે 6.40 વાગ્યે ઉપડી બપોરે 1.10 વાગ્યે મુંબઈ પહોંચશે. : વડોદરા અને સુરતમાં સ્ટોપ મળશે

અમદાવાદ : તેજસ ટ્રેન અમદાવાદ પહોંચી છે. ભારતીય રેલવેના 166 વર્ષના ઇતિહાસમાં મોટું પરિવર્તન ખાનગી ટ્રેનો દોડાવવાનું કરાયું છે  જે અંતર્ગત પ્રથમ ખાનગી ટ્રેન તેજસ એક્સપ્રેસ નવેમ્બરમાં અમદાવાદ-મુંબઇ વચ્ચે દોડશે. કેન્દ્ર સરકારે ટ્રેન IRCTCને ભાડે આપી છે. ભારતમાં પીપીપી ધોરણે બે ટ્રેન દોડશે, એક અમદાવાદથી મુંબઇ વચ્ચે તેજસ ટ્રેન છે.

  તેજસ ટ્રેન 200 કિલોમીટર પ્રતિ કલાકની સ્પીડે દોડશે. અમદાવાદથી સવારે 6.40 વાગ્યે ઉપડી જે બપોરે 1.10 વાગ્યે મુંબઈ પહોંચશે. જ્યારે મુંબઈથી બપોરે 3.40 વાગ્યે ઉપડી અને રાત્રે 9.55 વાગ્યે અમદાવાદ પહોંચશે. એટલે કે તેજસ ટ્રેનથી અમદાવાદથી મુંબઈ 6.30 કલાકમાં પહોંચી જવાશે. ટ્રેન વડોદરા અને સુરત એમ બે જગ્યાએ ઊભી રહેશે

  . ટિકિટથી લઈ તમામ સુવિધા IRCTC આપશે. તેજસ ટ્રેન એક સપ્તાહમાં 5 દિવસ દોડશે. તેજસ ટ્રેનમાં ઓટોમેટિક દરવાજા, સીટ પર એલસીડી સ્ક્રીન, સીસીટીવી, દરેક કોચમાં ચા,ફોફી માટે વેન્ડિંગ મશીન અને મનપસંદ ભોજન પણ મળશે. ટ્રેનમાં ટિકિટ તપાસવા માટે આઈઆરસીટીસી સ્ટાફ રહેશે.

(11:11 pm IST)
  • મહારાષ્ટ્ર ચૂંટણી પ્રચારમાં ગરમાવો : કોંગ્રેસ અને NCPનો સંયુક્ત ચૂંટણી ઢંઢેરો જાહેર : અમે સત્તા ઉપર આવશું તો મહારાષ્ટ્રના ઉદ્યોગોમાં સ્થાનિક નાગરિકો માટે 80 ટકા અનામત : ખેડૂતોને દેવામાફી ,બેરોજગારોને 5 હજાર રૂપિયા બેકારી ભથ્થું : તમામ માટે વિનામૂલ્યે વીમો : ગ્રેજ્યુએટ સુધીનો અભ્યાસક્રમ મફત access_time 8:25 pm IST

  • ડ્રગ્સ કેસમાં પૂર્વ ધારાસભ્ય ભાવસિંહ રાઠોડના પુત્ર દોષિતઃ ૧૦ વર્ષની સજા : પાટણઃ જિલ્લાના સમી હારીજના પૂર્વ ધારાસભ્ય ભાવસિંહ રાઠોડના પુત્ર કિશોરસિંહ રાઠોડની કરોડો રૂપિયાના ડ્રગ્સ કેસમાં એટીએસએ ધરપકડ કરી હતીઃ ત્યારબાદ આ પ્રકરણમાં કોર્ટે કિશોરસિંહ રાઠોડને દોષિત જાહેર કર્યા છે અને ૧૦ વર્ષની સજા ફટકારી છે access_time 4:22 pm IST

  • લખનૌ-આગ્રા એક્સપ્રેસ -વે પર ઉભેલી ટ્રક પાછળ કાર ટકરાતા ભાજપના ધારાસભ્યના ભાઈ-બહેન અને બે ભાણેજના કરૂણમોત : એક ગંભીર: ઉન્નાવ જિલ્લાના હ્સનગંજ ક્ષેત્રમાં ગમખ્વાર અકસ્માત માં ગોઉંડા જિલ્લાના મેહનોં વિધાનસભા ક્ષેત્રના ભાજપના ધારાસભ્ય વિનય દ્વિવેદીના પિતરાઈ ભાઈ બહેન અને બે ભાણેજોના કરૂણમોત access_time 1:04 am IST