Gujarati News

Gujarati News

News of Wednesday, 7th February 2018

ભીલાડ નજીક જવેલર્સની દુકાનમાંથી ધોળા દિવસે 30 તોલા દાગીનાની લૂંટથી ચકચાર

વાપી:ભિલાડ નજીકના સરીગામ મુખ્ય બજારમાં આવેલી જવેલર્સની દુકાનમાં ધોળે દિવસે ત્રણ હથિયારધારી લૂંટારૃઓએ  દુકાન માલિક સહિત ત્રણ વ્યક્તિ પર છરા વડે હુમલો કર્યો હતો. લૂંટારૃઓ દુકાનમાંથી અંદાજીત ૩૦૦ ગ્રામ સોનાના દાગીનાની દિલધડક લૂંટ ચલાવી કારમાં ભાગી છૂટયા હતા. સીસી ટીવીમાં આખી ઘટના કેદ થતાં પોલીસે ફુટેજના આધારે તપાસ આદરી છે. પોલીસ અને પ્રાપ્ત માહિતી અનુસાર ભિલાડ નજીકના સરીગામ મુખ્ય બજારમાં નારાયણ પૂજારામ કુંભારની પૂજા જવેલર્સ નામે દુકાન  છે. આજે સાંજે ત્રણ હથિયારધારી લૂંટારૃઓ દુકાનમાં ઘુસી ગયા હતા. બાદમાં દુકાનદારને ધાકધમકી  આપી છરા વડે હુમલો કર્યો હતો. જો કે સંજય કનોજીયા અને શશીકાંત નામના શખ્સ બચાવવા દોડી જતાં બંને પર પણ હુમલો કર્યો હતો. બાદમાં લૂંટારૃઓ શોકેસમાં રહેલા અંદાજીત ૩૦૦ ગ્રામ (૩૦ તોલા) સોનાના ઘરેણાંની દિલધડક લૂંટ ચલાવી કારમાં ભાગી ગયા હતા. ઘટનાને પગલે આસપાસના લોકો દોડી જઈ ત્રણ ઘાયલોને હોસ્પિટલમાં ખસેડયા હતા. ઘટનાની જાણ થતાં ભિલાડ પોલીસ મથકના પીએસઆઈ સહિત પોલીસ કાફલો ઘટના સ્થળે પહોંચી ગયો હતો. લૂંટારૃઓને ઝબ્બે કરવા ચોમેરે નાકાબંધી ગોઠવી દીધી હતી. જો કે હજુ સુધી લૂંટારૃઓની ભાળ મળી ન હતી. દુકાનમાં લગાવવામાં આવેલા સીસી ટીવીમાં આખી ઘટના કેદ થતાં પોલીસે ફુટેજના આધારે તપાસ આદરી છે. સરીગામમાં ભરચક ગણાતા મુખ્ય બજારમાં ધોળે દહાડે લૂંટની ઘટનાને પગલે વેપારી સહિત લોકોમાં ફફડાટ ફેલાઈ ગયો છે.

 

 

(6:10 pm IST)
  • RBIના દરોમાં કોઈ પરિવર્તન નહીં, લોનની EMI ઘટશે નહીં : મુંબઈમાં ચાલી રહેલી રિઝર્વ બેન્કની નાણાંકીય સમિતિની બેઠક બાદ લેવાયો નિર્ણય : રિટેલ મોંઘવારી નવેમ્બર 2017માં 4.88 ટકા તથા ડિસેમ્બર 2015માં 3.41 ટકા પર હતી access_time 3:36 pm IST

  • ચુંટણી પંચનો સ્પે. ઓર્ડર..એક માસનો વધારાનો પગાર મળશેઃ ર૦૧૭ ની વિધાનસભા ચુંટણીમાં ખાસ રોકાયેલ અને ઓર્ડર જેનો ચુંટણી માટે થયો હતો તેવા તમામ નાયબ મામલતદાર-મામલતદાર-ડે.કલેકટર-કલેકટરને ડીસેમ્બર માસનો એક વધારાનો ખાસ પગાર-મોંઘવારી ભથ્થું મળશેઃ પરીપત્ર આવી ગયો access_time 11:38 am IST

  • સંજય દત્ત અને માન્યતા દત્તે તેમના લગ્નજીવનના 10 વર્ષ પુરા કર્યા છે અને આ ખુશીમાં તેમણે પોતાના પરિવાર અને અંગત મિત્રો સાથે પાર્ટી સેલીબ્રેટ કરી હતી. પાર્ટીની આ તસ્વીરને સંજયની પત્ની માન્યતા દ્વારા તેના સોશિયલ મીડિયા પ્લેટફોર્મ ઇન્સ્ટાગ્રામ પર શેર કરવામાં આવી છે, જેમાં તેઓ પરિવાર અને મિત્રો સાથે નજરે પડે છે. access_time 11:34 pm IST