Gujarati News

અંકલેશ્વર ઝગડીયા રોડ પર આવેલી અમરાવતી નદીમાં દઢાલ નજીક રાસાયણિક પાણીને લઇને અસંખ્ય માછલાં મૃત હાલતમાં મળી આવતા ચકચાર મચી જવા પામી છે અમરાવતી નદીમાં લાલ રંગના પ્રદુષિત પાણીને લઇ નદી લાલ નદીમાં પરિવર્તી થયેલી જોવા મળી હતી. આ અંગે સ્થાનિક ગ્રામજનો દ્વારા જીપીસીબીને જાણ કરવામાં આવતા જીપીસીબીની ટીમ ઘટના સ્થળે દોડી આવી હતી.

જીપીસીબીની ટીમે તપાસ કરતાં વરસાદી પાણી સાથે છોડવામાં આવેલા રાસાયણિક કંટામિનોટેટ પાણી નજરે પડ્યું હતું. તંત્ર દ્વારા ત્વરિત અસરથી પાણીના સેમ્પલ લીધા હતા. તેમજ મૃત માછલીઓને પણ સેમ્પલ સ્વરૂપે લઇ તેને એફ.એસ.એલ તેમજ મત્સ્ય વિભાગમાં તપાસ અર્થે મોકલી આપી હતી