Gujarati News

Gujarati News

News of Saturday, 6th March 2021

વહેલામાં વહેલી તકે રાજ્યભરમાં સગવડયુકત પંચાયત મકાનો બનાવવા નવી નીતિ લાવવાનું અમારુ આયોજન છે : નાયબ મુખ્યમંત્રી નીતિનભાઇ પટેલ

અમદાવાદ :નાયબ મુખ્યમંત્રી નીતિનભાઇ પટેલે જણાવ્યુ કે રાજ્યભરમાં ગ્રામ્ય સચિવાલયના મકાનોને વહેલામાં વહેલી તકે અદ્યતન અને સુવિધાયુક્ત બનાવવા વિશેષ આયોજન કરી રહ્યા છીએ. ભૂતકાળમાં ગ્રામપંચાયતોના મકાનો નહોતા બનતા તે કરતા અનેકગણા મકાનો અત્યારે બન્યા છે. હજુ વધુને વધુ મકાનો બનાવવાનો અમારો લક્ષ્યાંક છે.
   ૧૪માં નાણાપંચમાં ભારત સરકાર દ્વારા ખૂબ મોટી રકમની ગ્રાન્ટ આપવામાં આવી રહી છે. ATVT, આયોજન, ધારાસભ્યશ્રી, સંસદસભ્યશ્રી સહિતની જે ગ્રાન્ટ મળે છે તે ગ્રાન્ટમાંથી સંયુક્ત રીતે ફાળો એકત્રિત કરીને રાજ્યની તમામ ગ્રામપંચાયતોમાં સુવિધાયુક્ત મકાનો બનાવવાની નવી નીતી લાવવાની અમારી વિચારણાછે. જેને ચાલુ બજેટસત્રમાં ફાળવવાની અમારી તૈયારી છે, જેના થકી દરેક જગ્યાએ ગ્રામપંચાયતનું  મકાન  વહેલામાં વહેલી તકે સગવડયુક્ત બનશે.

(7:30 pm IST)
  • સંભવત: અક્ષય કુમાર અને મિથુન દા બન્ને આવતીકાલે પીએમ મોદી સાથે બ્રિગેડ ગ્રાઉન્ડ, વેસ્ટબંગાળ ખાતે યોજાયેલ જંગી જાહેરસભામાં ભાગ લેશે તેમ સૂત્રોમાંથી જાણવા મળે છે. access_time 9:07 pm IST

  • અમદાવાદ : ભારતીય જનતા પક્ષના શહેર પ્રમુખો અને મોરચા સેલના હોદ્દેદારો સાથે પક્ષપ્રમુખ સી.આર. પાટીલ, પક્ષના મહામંત્રી ભીખુભાઈ દલસાણીયા સહિતના આગેવાનોની વર્ચ્યુઅલ મીટીંગમાં તમામ સ્તરેથી વડીલોને વેક્સીનેશન માટે પ્રેરીત કરવા અને જરૂર પડે ત્યા વેક્સીનેશન બુથ સુધી લઈ જવા આદેશ અપાયાનું જાણવા મળે છે access_time 3:27 pm IST

  • ગુરુવારે સીરમ ઇન્સ્ટિટ્યૂટ ઓફ ઈન્ડિયા (એસઆઈઆઈ)ના CEO પુનાવાલાએ વિશ્વ બેન્કની પેનલમાં ચર્ચા દરમ્યાન જણાવ્યું હતું કે કાચા માલના નિકાસ પર અસ્થાયી અમેરિકી પ્રતિબંધ થી સીરમ ઇન્સ્ટિટ્યૂટ ઓફ ઈન્ડિયા (એસઆઈઆઈ) જેવી કંપનીઓ દ્વારા કોરોનાવાયરસ રસીના ઉત્પાદનને મર્યાદિત કરી શકે છે જે ગંભીર બાબત છે. access_time 11:58 pm IST