Gujarati News

Gujarati News

News of Friday, 5th March 2021

મોંઘાદાટ પેટ્રોલની ચોરીનો ભય : રાજપીપળા દરબાર ગાયત્રી મંદિર પાસે પેટ્રોલ ચોર ગેંગ સક્રિય જણાતા સ્થાનિકે પોલીસને જાણ કરી

બાઇકોમાંથી મોંઘું દાટ પેટ્રોલ ચોરી થશે તેવી દહેશતે લોકો રાત્રે યોગ્ય ઊંઘ પણ માણી શકતા ન હોય આ ગેંગને વહેલી તકે ઝડપી પડાઇ તેવી માંગ :અગાઉ પણ બાઈકો લઈ રખડવા માટે કેટલાક લુખ્ખા તત્વો પેટ્રોલ ચોરી કરતા હોવાની બુમ સંભળાઈ હતી

(ભરત શાહ દ્વારા) રાજપીપળા : રાજપીપળા શહેરના કેટલાક વિસ્તારોમાં સાંકડી ગલીઓમાં ઘર આંગણે પાર્ક કરેલી બાઇકો માંથી પેટ્રોલ ચોરી કરતા લુખ્ખા તત્વોનો અગાઉ પણ ત્રાસ હતો ત્યારે હાલ આવા તત્વો ફરી સક્રિય થયા હોવાનું જણાઈ રહ્યું છે.
ગત રાત્રે દરબાર રોડ પાસેના ગાયત્રી મંદિર પાસેની સાંકડી ગલીમાં ત્રણ જેટલા શંકાસ્પદ યુવકો હાથમાં બોટલ લઈ એક મો.સા.માંથી પેટ્રોલ ચોરી કરવાના ઇરાદે રાત્રે લગભગ 11 વાગે આવ્યા હતા અને આ મો.સા.ને હલાવી પેટ્રોલ કેટલું હશે તેવો અંદાજ લગાવતા હતા ત્યારેજ સ્થાનિક એક મહિલા ઘરની બહાર આવતા તેમણે આ યુવાનોને શું કરો છો..?કોણ છો..? જેવા સવાલ પૂછતાજ તે બોટલ લઈ નાસી છૂટ્યા હતા ત્યારબાદ આ બાબતની જાણ ફળિયામાં થતા એક જાગૃત નાગરિકે આ બાબતે તરત રાજપીપળા પો.સ્ટે.માં જાણ કરી પીસીઆર વાન આ તરફ મોકલવા જણાવ્યું હતું. અગાઉ ના વર્ષો ની જેમ પુનઃ પેટ્રોલ ચોરી કરતા તત્વો સક્રિય થયા હોવાનું જણાતા હવે રાજપીપળામાં પોલીસનું રાત્રી પેટ્રોલિંગ કડક બને તે જરૂરી છે.

(11:03 pm IST)
  • દેશમાં કોરોનાના નવા કેસમાં ઝડપી વધારો : નવા કેસ કરતા રિકવર થનારની ઘટતી સંખ્યા : એક્ટિવ કેસમાં પણ વધારો :રાત્રે 12 વાગ્યા સુધીમાં કોરોનાના નવા 18,292 કેસ નોંધાયા :કુલ કેસની સંખ્યા 1,11,91,864 થઇ :એક્ટિવ કેસ 1,77,389 થયા વધુ 14,162 દર્દીઓ સ્વસ્થ થતા કુલ 1,08,52,174 થયા :વધુ 109 લોકોના મોત સાથે કુલ મૃત્યુઆંક 1,57,693 થયા: દેશમાં સૌથી વધુ મહારાષ્ટ્રમાં નવા 10,216 નવા કેસ નોંધાયા access_time 1:04 am IST

  • નરેન્દ્રભાઇની હાજરીમાં મિથુનદા ભાજપમાં જોડાશે : બોલીવુડના સુપ્રસિધ્ધ અભિનેતા મિથુન ચક્રવર્તી ભાજપમાં જોડાઇ રહયા છે. તેઓ કોલકતા ખાતે વડાપ્રધાન નરેન્દ્રભાઇ મોદીની હાજરીમાં કેસરીયો ખેસ ધારણ કરશે. access_time 4:39 pm IST

  • આંતરરાષ્ટીય મહિલા દિવસ પર રિલીઝ થશે ડોક્યુમેન્ટરી ફિલ્મ ' વુમેન ઓફ ઓનર " : નેશનલ જિયોગ્રાફિક ચેનલ પર રાત્રે 9 વાગ્યે 'વિમેન ઓફ ઓનર - ડેસ્ટિનેશન આર્મી' ડોક્યુમેન્ટરી ફિલ્મનું પ્રસારણ કરાશે : ફિલ્મ હોટસ્ટાર અને ડિઝની પર પણ જોવા મળશે :આ ફિલ્મ દિલ્હી કેન્ટના એનસીસી ઓડિટોરિયમમાં પ્રેસ અને સેનાના અધિકારીઓની સામે રજૂ કરાઈ હતી જેને ખુબ પસંદ કરવામાં આવી હતી access_time 12:20 am IST