Gujarati News

Gujarati News

News of Thursday, 3rd December 2020

રાજપીપળા મિત ગ્રૂપના સભ્યએ એક બીમાર મહિલા દર્દીને લોહી આપી જીવતદાન આપ્યું

(ભરત શાહ દ્વારા) રાજપીપળા : રાજપીપળાના સેવા ભાવી ગ્રુપ મિતગ્રુપ દ્વારા લગભગ 6 વર્ષથી સેવા કાર્ય ચાલુ છે જેમાં વર્ષોથી ઇમરજન્સીમાં  બ્લડની સેવા ચાલુ છે.અત્યાર સુધી આ ગ્રુપે 3500 થી વધુ ઇમરજન્સીમાં બ્લડની સેવા આપી છે તથા 6 વાર બ્લડ કેમ્પ પણ કર્યા છે.જેમાં 3 વાર કોરોના સમયમાં જ બ્લડ કેમ્પ કર્યા છે.
આજે મિતગ્રુપના નાંદોદ તાલુકાના જુનારાજ ગામમાં રહેતા સભ્ય કલ્પેશભાઈ  ગોપાલભાઈ વસાવા એ બિમાર મહિલા દર્દી રમીલાબેન ગોવિંદભાઇ વાસવાને કટોકટી ના સમયે પોતાનું લોહી આપી જીવતદાન આપ્યું હતું.સાથે સાથે ગામમાં બ્લડ ડોનેશન પ્રત્યે જાગૃતતા લાવવા ગામમાં યુવાનોને બ્લડ ડોનેટ કરવા માટે પ્રેરણા આપી આમ જરૂરીયાતમંદ વ્યક્તિઓને મદદરુપ થવા કલ્પેશભાઈએ જણાવ્યું હતું. તથા અન્ય અંતરિયાળ ગામના યુવાનોને જાગૃત કરવા સંદેશ પણ આપ્યો હતો.

(12:01 am IST)
  • બિહારમાં ગયા જિલ્લાના અમાસ પોલીસ સ્ટેશન હેઠળ આવેલા મહાપુર ગામ નજીક જીટી રોડ ઉપર સ્કોર્પિયો વાહન અને કન્ટેનર ટ્રક વચ્ચે સામ-સામે જોરદાર અથડાતા આ ગંભીર અકસ્માતમાં 3 લોકોનાં મોત નીપજ્યાં છે અને 2 ઘાયલ થયા છે. access_time 12:05 am IST

  • ઉત્તર ભારત માં એક રોડ અકસ્માતમાં ભારતીય લશ્કરના ચાર જવાનોના મૃત્યુ થયાનું જાણવા મળે છે access_time 12:05 am IST

  • રાજસ્થાનની રાજધાની જયપુરમાં રામબાગ પેલેસના અધિપતિ અને દૌસાના પૂર્વ સાંસદ મહારાજ પૃથ્વીરાજનું બુધવારે મોડી સાંજે કોરોનાને કારણે અવસાન થતાં ઘેરા શોકની લાગણી પ્રસરી ગઇ છે. રાજસ્થાનમાં પર્યટનના વિકાસ માટે તેમનું મોટું યોગદાન હતું. access_time 12:23 am IST