Gujarati News

Gujarati News

News of Saturday, 3rd February 2018

અગમ્ય કારણોસર ડભાણમાં પરિણીત યુવકે ક્રેઈન પર લટકી ફાસો ખાધો

નડિયાદના: ડભાણ ગામે રહેતા એક પરીણિત યુવકે કોઈ અગમ્ય કારણોસર ક્રેઈન ઉપર લોખંડની સાંકળ બાંધી ગળાફાંસો ખાઈ જીવન ટૂંકાવ્યું છે. આપઘાત કરવાનું કારણ અકબંધ રહેવા પામ્યું છે.આ બનાવ અંગે નડિયાદ રૃરલ પોલીસ અપમૃત્યુની નોંધ કરી આગળની કાર્યવાહી હાથધરી છે.
તાલુકાના ડભાણ ગામે નેશનલ હાઈવે નં.૮ ઉપર દિપકભાઈ કૈલાશભાઈ શર્મા (ઉં.વ.૩૨) રહેતા હતા. તેઓ પોતે ડ્રમ અને લોખંડના રોલ બનાવવાની ફેક્ટરી પોતાના ઘર આંગણે ચલાવે છે. ગત્ ૩૧મી જાન્યુઆરીના રોજ રાત્રિના સમયે દિપકભાઈએ પોતાના ઘરે એકલા હતા.
 આ દરમ્યાન પોતાના ઘર પાસે પાર્ક કરેલ ક્રેઈન ઉપર લોખંડની સાંકળ લગાવી પોતે પોતાની જાતે ગળે ફાંસો ખાઈ  લીધો હતો. દિપકે પોતે ક્રેઈનને રીમોર્ટ વડે ઉંચી કરી જાતે આપઘાત કર્યો હતો. આ બનાવ બાદ તેના પરિવારજનોએ તુરંત દિપકને ક્રેઈન ઉપરથી ઉતારી નડિયાદ સિવિલ હોસ્પિટલમાં લઈ ગયા હતા. જ્યાં ફરજ પરના ર્ડાક્ટરે દિપકને મૃત જાહેર કર્યો હતો. ર્ડાક્ટરની ફરિયાદના આધારે નડિયાદ રૃરલ પોલીસે અપમૃત્યુની નોંધ કરી આગળની કાર્યવાહી હાથધરી છે. પોલીસસૂત્રોના જણાવ્યા પ્રમાણે મરનાર દિપક પોતે પરીણિત છે. અને તેને સંતાનમાં એક દિકરો અને દિકરી છે. વધુમા આ યુવકના પિતાએ તાજેતરમાં ડભાણ ગામમાં બ્રહ્મભોજન કરાયુ હતું.

(5:19 pm IST)
  • જાફરાબાદ કોંગ્રેસમાં ભૂકંપ : ચંદુભાઈ બારૈયાએ ભગવો ધારણ કર્યો : અમરેલીના જાફરાબાદ શહેર કોંગ્રેસ પ્રમુખ ચંદુભાઈ બારૈયા ભાજપમાં જોડાઈ જતાં ખળભળાટ access_time 5:55 pm IST

  • ઉત્તર-પશ્ચિમ પાકિસ્તાનના સ્વાત જિલ્લામાં લશ્કરી ચેકપૉઇન્ટમાં એક ભયંકર આત્મઘાતી હુમલામાં ઓછામાં ઓછા 11 પાકિસ્તાની સૈનિકો માર્યા ગયા છે અને 13 લોકો ઘાયલ થયા છે : આ હુમલાની જવાબદારી તેહરિક-એ-તાલીબાન આતંકી સંગઠને લીધી છે. access_time 1:19 am IST

  • ગયા વર્ષે યોજાયેલી ગોવામાં વિધાનસભા ચૂંટણીઓ દરમિયાન દિલ્હી મુખ્યમંત્રી અરવિંદ કેજરીવાલની લાંચ સંબંધીત ટિપ્પણીના આક્ષેપો અંગેના કેસમાં તેમના વિરુદ્ધ નોંધાયેલ મામલામાં નોટિસ ફટકારાઇ છે. 8 ફેબ્રુઆરીના રોજ આ બાબત પરની આગામી સુનાવણી થશે. કેજરીવાલે જાહેરમાં મતદારોને ગોવા ચૂંટણીઓ દરમિયાન વિપક્ષી દળો દ્વારા મતદાનના બદલામાં આપવામાં આવતી કથીત લાંચ લઈ લેવાની અપીલ કરી હતી. access_time 12:59 am IST