Gujarati News

Gujarati News

News of Saturday, 3rd February 2018

આણંદના અડાસમાં જમીનનો કેસ પરત લેવા બાબતે ધારિયું મારી ઇજા પહોંચાડનાર ત્રણ વિરુદ્ધ ગુનો દાખલ

આણંદ:તાલુકાના અડાસ ગામે જમીનનો કોર્ટ કેસ પાછો ખેંચી લેવાનું કહી ગાળો બોલતા શખ્સને ગાળો બોલાવાની ના પાડનારને ધારીયું મારવા ઉપરાંતગાડી ઉપર પથ્થરો મારી જાનથી મારી નાખવાની ધમકીઓ ઉચ્ચારી હતી. આ અંગે વાસદ પોલીસે ત્રણ શખ્સો વિરુદ્ઘ ફરિયાદ આધારે ગુનો નોંધી વધુ તપાસ હાથ ધરી છે.
મળતી વિગતો મુજબ અડાસ ગામે રહેતા સંપતસિંહ રાયસિંહ રાજને ગઈકાલે સાંજના સુમારે અડાસ સીમની રાહજહાં તલાવડીએ આવેલા મનુભાઈ સાલમભાઈ રાજે કહ્યું હતું કે, જમીનના ભાગ માટે કોર્ટમાં જે કેસ ચાલે છે તે પાછો ખેંચી લે કહી ગાળો બોલી હતી. આ અંગે ગાળો બોલવાની ના પાડતા ઉશ્કેરાયેલા મનુભાઈ રાજે ધારીયું મારી દેતા ખભાના ભાગે ઈજાઓ પહોંચી હતી અને નીચે પડી જતાં હાથની કોણીના ભાગે છોલાઈ ગયું હતું.
આ દરમ્યાન સંપતસિંહ પોતાની ઈકો ગાડી લઈ જતા હતા ત્યારે રસ્તામાં અન્ય જસવંતસિંહ સાલમસિંહ રાજ અને દિગ્વિજયસિંહ આવી ચઢ્યા હતાં અને ત્રણેય જણાઓએ ભેગા મળી ગાડીનો કાચ તોડી નાંખીને જાનથી મારી નાખવાની ધમકીઓ આપી હતી. આ અંગે વાસદ પોલીસે ગુનો નોંધી વધુ તપાસ હાથ ધરી છે.

(5:17 pm IST)
  • ગયા વર્ષે યોજાયેલી ગોવામાં વિધાનસભા ચૂંટણીઓ દરમિયાન દિલ્હી મુખ્યમંત્રી અરવિંદ કેજરીવાલની લાંચ સંબંધીત ટિપ્પણીના આક્ષેપો અંગેના કેસમાં તેમના વિરુદ્ધ નોંધાયેલ મામલામાં નોટિસ ફટકારાઇ છે. 8 ફેબ્રુઆરીના રોજ આ બાબત પરની આગામી સુનાવણી થશે. કેજરીવાલે જાહેરમાં મતદારોને ગોવા ચૂંટણીઓ દરમિયાન વિપક્ષી દળો દ્વારા મતદાનના બદલામાં આપવામાં આવતી કથીત લાંચ લઈ લેવાની અપીલ કરી હતી. access_time 12:59 am IST

  • પદ્માવત ફિલ્મ ગુજરાતમાં રિલીઝ ન થતા લોકોમાં નારાજગી જોવા મળી રહી છે ત્યારે પોતાના મતવિસ્તારની મુલાકાતે આવેલા ભાજપ સાંસદ પરેશ રાવલે જણાવ્યુ હતું કે કોઇપણ ફિલ્મ પર પ્રતિબંધ ન મૂકાવો જોઇએ. કોઇ સમાજની લાગણી દુભાઇ હોય તો તે સમાજના અગ્રણીઓ અને ફિલ્મ નિર્માતાએ સાથે બેસીને ચર્ચા કરવી જોઇએ અને શાંતિથી કોઇપણ વિવાદનું નિરાકરણ કાઢવું જોઈએ. access_time 2:37 pm IST

  • કાલનો બૂથ ઉપરનો મતદાર યાદી કાર્યક્રમ કેન્સલ કરતું ચૂંટણી પંચ હવે ૧૧ મીના રવિવારે ખાસ ઝૂંબેશઃ આવતીકાલનો બૂથ ઉપર મતદાર યાદી સુધારણા કાર્યક્રમ-ગ્રામ પંચાયત ચૂંટણી સંદર્ભે કેન્સલઃ હવે ૧૧ મીએ રાજકોટ શહેર-જીલ્લાના ર૧પ૮ મતદાન મથકો ઉપર સવારે ૧૦ થી સાંજે ૬ સુધી બીએલઓ દ્વારા ફોર્મ અપાશેઃ સ્વીકારાશેઃ આજ સુધીમાં ૧ર હજાર જેટલા નવા ફોર્મ ભરાયા access_time 12:01 pm IST