Gujarati News

Gujarati News

News of Thursday, 31st May 2018

હોલિવૂડની ફિલ્મ ટ્રિપલ એક્સ-4માં ડાન્સ કરશે દીપિકા પાદુકોણ

મુંબઈ:બોલિવૂડની ટોચની અભિનેત્રી દીપિકા પાદુકોણ હોલિવૂડની ફિલ્મ ટ્રિપલ એક્સની ચોથી કડીના ક્લાયમેક્સના દ્રશ્યોમાં બોલિવૂડનો એક ડાન્સ કરશે એવી જાહેરાત કરવામાં આવી હતી. ટ્રિપલ એક્સના ડાયરેક્ટર ડી જે ક્રૂઝોએ ટ્વીટર પર જાહેરાત કરતાં લખ્યું હતું કે ટ્રિપલ એક્સ થ્રીની હીરોઇન અને બોલિવૂડની ટોચની અભિનેત્રી દીપિકા પાદુકોણ ટ્રિપલ એક્સની ચોથી કડીમાં બોલિવૂડનો લૂંગી ડાન્સ કરશે... છે ને નોવેલ્ટી ?...  ફિલ્મની ત્રીજી કડીમાં દીપિકાએ હોલિવૂડના ટોચના એક્શન સ્ટાર વીન ડિઝલ સાથે કામ કર્યું હતું. જો કે ભારતમાં ફિલ્મને ધાર્યો પ્રતિસાદ બોક્સ ઑફિસ પર મળ્યો નહોતો. દીપિકાની હોલિવૂડની પહેલી ફિલ્મ હતી અને એના પ્રમોશન માટે વીન ડિઝલ ભારતની મુલાકાતે પણ આવ્યો હતો. વીન ડિઝલે પણ પ્રમોશન દરમિયાન લૂંગી ડાન્સ કર્યો હતો. ટ્રિપલ એક્સની ચોથી કડી દીપિકાની હોલિવૂડની બીજી ફિલ્મ હશે. અત્યારે માત્ર ક્લાયમેક્સના લૂંગી ડાન્સની વાત થઇ છે. સિવાય દીપિકા ફિલ્મમાં કશું કરવાની છે કે કેમ વિશે હજુ કોઇ જાહેરાત થઇ નથી.

(4:46 pm IST)
  • હિલ સ્ટેશન સિમલામાં અભૂતપૂર્વ પાણીની સમસ્યા :છેલ્લા કેટલાય દિવસોથી આંદોલન કરતા લોકો ફરી રસ્તામાં ઉતર્યા :પાણીની તંગીને કારણે 30 રેસ્ટોરન્ટ બંધ :નપા અને સરકાર વિરુદ્ધ વિરોધ પ્રદર્શન ; રાજ્યપાલને આવેદનપત્ર પાઠવ્યું :નળને બદલે ટેંકરોથી પાણીનું વિતરણ :કાળાબજારી અને તંત્રની બેદરકારી સામે લોક રોષ access_time 1:38 am IST

  • કરણી સેનાની અયોધ્યામાં ભવ્ય રાજમહેલ બનાવવાની માગણી : પદ્માવતના મુદ્દે આંદોલન કરનારા સંગઠને ફરી મોરચો માંડયો access_time 12:16 pm IST

  • વાવાઝોડાને કારણે આટકોટમાં પૌરાણિક અંબાજી મંદિર નજીક ડઝનેક વૃક્ષો ધરાસાયી : સાંજે ભારે પવનને કારણે જબરો વંટોળ સર્જાતા આટકોટના પૌરાણિક અંબાજી મંદિરના એકાદ ડઝનથી વધુ વૃક્ષો પડી ગયા છે access_time 8:58 pm IST