Gujarati News

Gujarati News

News of Wednesday, 24th April 2019

સાઉથની ફિલ્મમાં શાહરુખ ખાનને મળ્યો વિલનનો રોલ

મુંબઇ: બોલિવૂડના બેતાજ બાદશાહના હુલામણા નામથી જાણીતો મોખરાનો અભિનેતા ફિલ્મ સર્જક શાહરુખ ખાન સાઉથની એક આગામી ફિલ્મમાં વિલનનો રોલ કરે એવી શક્યતા હોવાની માહિતી મળી હતી.સાઉથના સુપર સ્ટાર મનાતા અભિનેતા વિજયની થલપતિ 63 નામની ફિલ્મમાં શાહરુખ ખાન વિલનનો રોલ કરશે એવો દાવો વિજયના પ્રવક્તાએ કર્યો હતો. આ પ્રવક્તાએ એક પોર્ટલને આપેલી માહિતી મુજબ આ રોલ કેમિયો નથી પણ સારો એવો લાંબો રોલ છે. શાહરુખ વિજય સાથે ફાઇટ કરતો હોય એવો લગભગ પંદર મિનિટનો રોલ છે. ફિલ્મ સર્જકોએ બોલિવૂડના કેટલાક કલાકારોનાં નામ વિચાર્યાં હતાં. પરંતુ આખરે તેમણે શાહરુખ ખાન પર પસંદગી ઊતારી હતી. તેમણે શાહરુખનો સંપર્ક સાધતાં કિંગ ખાને આ રોલ માટે હા પાડી હતી.આ રોલ માટે શાહરુખ પાંચેક દિવસનું શૂટિંગ કરશે. એનું શૂટિંગ મંબઇમાં કરવું કે ચેન્નાઇમાં એનો નિર્ણય હજુ લેવાયો નથી. એમ તો ઔર એક માહિતી મુજબ શાહરુખ ખાન પોતાના દોસ્ત સલમાન ખાનની દબંગ થ્રીમાં એક કેમિયો કરે એવી શક્યતા હોવાનું પણ જાણવા મળ્યુંહતું. આ બંને રોલ અંગે હજુ સત્તાવાર રીતે કોઇ જાહેરાત કરવામાં આવી નથી.

(5:20 pm IST)
  • મોદી બાયોપીકમાં વિપક્ષોને ખુબ નબળા ચિતરવામાં આવ્યા: ચુંટણીપંચે ૧૯મે સુધી આ ફિલ્મ ઉપર પ્રતિબંધની માંગણી કરી :ચુંટણીપંચે સુપ્રિમકોર્ટમાં રીપોર્ટ આવ્યો છે કે છેલ્લા તબકકાના મતદાન એટલે કે ૧૯ મેં સુધી મોદી બાયોપીક ઉપર પ્રતિબંધ ઇચ્છે છે, આ ફિલ્મ એક નેતાની જીવન કથની છેઃ આ ફિલ્મમાં રાજકીય પ્રતિનિધિઓનો પ્રશસ્તિ કરવામાં આવી છે. ચુંટણી પંચના રીપોર્ટમાં જણાવાયું છે કે બાયોપીકમાં વિરોધ પક્ષોને ખુબ જ નબળા ચિતરવામાં આવ્યા છે અને તેમની સામેના વ્યકિત ઉપર વધુ ઢળતા દેખા ડાયા છે access_time 3:59 pm IST

  • આલેલે!!! : ટ્રમ્પના ફોલોઅર ઘટી ગયા!! : શ્રી નરેન્દ્રભાઈ મોદીનો ફોલોઅર સોશ્યલ મીડિયાના દરેક પ્લેટફોર્મ ઉપર રોકેટ ગતિએ વધી રહ્યા છે ત્યારે શ્રી ડોનાલ્ડ ટ્રમ્પના ટ્વીટર ઉપર ફોલોઅર ઘટી જતા ચિંતિત બનેલા ટ્રમ્પે ટ્વીટરના સીઈઓ જેક ડોરસેની મુલાકાત લઈ ચર્ચા કરી હતી access_time 3:59 pm IST

  • વડાપ્રધાનને મારા પરિવારના નામનો ઉન્માદ થયો છેઃ પ્રિયંકા : તેઓ માત્ર મારા પરિવાર વિશે બોલે છેઃ કોંગ્રેસ મહામંત્રીના ચાબખા access_time 3:58 pm IST