Gujarati News

Gujarati News

News of Monday, 22nd October 2018

આવતા વર્ષે શરૂ થશે અક્ષયની હોરર કોમેડીનું શુટીંગ

હોરર કોમેડી ફિલ્મ 'સ્ત્રી'ની સફળતાનો શ્રેય  રાજકુમાર રાવ અને શ્રધ્ધા કપૂરના અભિનય ઉપરાંત જોરદાર વિષયને પણ મળ્યો છે. બોલીવૂડમાં ખુબ ઓછી હોરર કોમેડી ફિલ્મો બને છે. જેમાં અજય દેવગણ અને રોહિત શેટ્ટીની ગોલમાલ અગેઇનનો પણ સમાવેશ થાય છે. અક્ષય કુમારની ભુલભુલૈયા પણ આવી જ એક ફિલ્મ હતી અને સુપરહિટ રહી હતી. અક્ષય કુમાર એકશન અને કોમેડીમાં ખુબ નામના મેળવી ચુકયો છે. હવે તે વધુ એક વખત હોરર કોમેડી ફિલ્મ કરવાનો છે. તમિલ બ્લોકબસ્ટર ફિલ્મ કંચનાઃ મુનિ-૨ની હિન્દી રિમેક બનવાની છે. આ ફિલ્મ માટે પહેલા અજય દેવગણ અને સલમાન ખાનના નામ ચર્ચાયા હતાં. પણ હવે નિર્માતા શબીના ખાને અક્ષય કુમારની પસંદગી કરી છે. તમિલ નિર્દેશક રાઘવ લોરેન્સ આ રિમેકનું નિર્દેશન કરશે. રાઘવે કંચનામાં નિર્દેશક ઉપરાંત રાઇટર, પ્રોડ્યુસર અને એકટરની ભૂમિકા પણ નિભાવી હતી. શુટીંગ આવતા વર્ષે શરૂ થશે.

(9:20 am IST)
  • ભાવનગરના નગરસેવીકાના પુત્ર પર જીવલેણ હુમલો:કોંગ્રેસના કરચલિયા પરા વોર્ડના ગવુબેન ચૌહાણના પુત્ર પર હુમલો: નગરસેવીકાનો પુત્ર બિપિન ચૌહાણના સાસરે કોળિયાક ગામે બન્યો બનાવ:માતાજીના નિવેદમાં ગયેલા બિપિન પર ત્રણ શખ્સનો હુમલો:પડખામાં અજણયા ત્રણ શખ્સોએ મારી છરી:બીપીનને ગંભીર હાલતે ભાવનગરમાં ઓપરેશન કરાયું access_time 9:47 pm IST

  • ભરૂચ :સ્ટેચ્યુ ઓફ યુનિટી આદિવાસીઓનો વિનાશ નોતરશે : સરકારે પટેલોના મત મેળવવા સરદાર પટેલનું સ્ટેચ્યુ બનાવ્યું' :ઝઘડિયાના ધારાસભ્ય છોટુ વસાવાનું નિવેદન:31મી ઓક્ટોબરે 14 જિલ્લાના આદિવાસીઓ કાર્યક્રમનો બહિષ્કાર કરી વિરોધ નોંધવાશે access_time 4:21 pm IST

  • અમદાવાદ:5.20 કરોડ રૂપિયાની છેતરપીંડી આંચરવાનો મામલો:આરોપીએ એક જ રહેઠાણના બોગસ દસ્તાવેજથી લૉન લીધી હતી:આરોપીએ કરી હતી સેસન્સ કોર્ટમાં આગોતરા જામીન અરજી :ગત દિવસોમાં હાથ ધરાઈ હતી સુનવણી:23મી ઓક્ટોબરે સેસન્સ કોર્ટ ચુકાદો જાહેર કરે તેવી શકયતા access_time 1:06 am IST