Gujarati News

Gujarati News

News of Monday, 11th January 2021

'જુમાંજી ૪' માટે ડ્વેન જોન્સને રૂ. ૫૫૫ કરોડ માગ્યા

'જુમાંજી'ની ત્રીજી ફિલ્મે બોકસ પર ૮૦ કરોડ ડોલર જેટલી કમાણી કરી હતી

લોસ એન્જેલીસ,તા. ૧૧: 'જુમાંજી' સિરીઝ હોલીવુડની સૌથી વધુ કમાણી કરનાર ફ્રેન્ચાઇઝીઓમાંની એક તરીકે ગણાય છે. 'જુમાંજી' ફિલ્મ ૧૯૯૫માં (રોબિન વિલિયમ્સ) રિલીઝ થઇ હતી. ત્યારબાદ ડ્વેન જોન્સન અભિનીત 'જુમાંજી - વેલકમ ટૂ ધ જંગલ' (૨૦૧૭) અને 'જુમાંજીઃ ધ નેકસ્ટ લેવલ' (૨૦૧૯) ફિલ્મોએ બોકસ ઓફિસ પર જ્વલંત સફળતા હાંસલ કરી હતી. 'ધ નેકસ્ટ લેવલ' ફિલ્મે દુનિયાભરમાં ૭૯ કરોડ ૭૦ લાખ ડોલરની કમાણી કરી હતી. હવે દર્શકો-ચાહકો 'જુમાંજી'ની ચોથી આવૃતિની આતુરતાપૂર્વક રાહ જોઇ રહ્યા છે. નિર્માતાઓ પણ 'જુમાંજી ૪' બનાવવાની તૈયારીમાં લાગી પડ્યા છે. કહેવાય છે કે 'જુમાંજી ૪'માં ડો. સ્મોલડર બ્રેવસ્ટોનનું પાત્ર ભજવવા માટે જોન્સને મોટી રકમની ફી માંગી છે.

'એવેન્જર્સ : એન્ડગેમ' માં કામ કરવા માટે રોબર્ડ ડાઉની જુનિયરે મેળવેલી ૭ કરોડ ૫૦ લાખ ડોલર (રૂ.૫૫૦ કરોડ)ની ફી કરતાંય વધારે રકમ 'જુમાંજી ૪'નાં મુખ્ય પાત્ર માટે ડ્વેન જોન્સન માંગી રહ્યા છે. એ ૫૫૫ કરોડ રૂપિયા ફી માંગે છે. એમણે 'જુમાંજી'ના પાછલા બંને ભાગમાં કામ કરીને કુલ બે કરોડ ૩૫ લાખ ડોલરની ફી લીધી હતી. હવે ત્રીજી વાર અને ચોથી આવૃતિમાં કામ કરવા માટે ત્રણ ગણાથી પણ વધારે પૈસા માંગે છે. 'જુમાંજી'ની ત્રીજી ફિલ્મે બોકસ પર ૮૦ કરોડ ડોલર જેટલી કમાણી કરી હતી.

(10:08 am IST)
  • ત્રણ નવા કૃષિ કાનૂનના વિરોધમાં વધુ એક ખેડૂતે આત્મહત્યા કરી દિલ્હીની સરહદે દેખાવો કરી રહેલા કિસાનોને સમર્થન દેતા ચેન્નઈના પેરુમલ નામના ખેડૂતે આત્મહત્યા કરી છે. access_time 9:01 pm IST

  • દેશમાં કોરોના થાક્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 12,447 કેસ નોંધાયા :કુલ કેસની સંખ્યા 1,04,79,879 થઇ :એક્ટિવ કેસ 2,13,546 થયા: વધુ 18,502 દર્દીઓ સ્વસ્થ થતા કુલ 1,01 ,10,634 થયા :વધુ 166 લોકોના મોત સાથે કુલ મૃત્યુઆંક 1,51,364 થયો access_time 1:00 am IST

  • વિરાટ કોહલી પિતા બન્યાઃ પત્ની અનુષ્કા શર્માએ પુત્રીને જન્મ આપ્યો : ભારતીય ક્રિકેટ ટીમના કેપ્ટન વિરાટ કોહલી પિતા બન્યા છે. તેમના પત્ની અને ફિલ્મ અભિનેત્રી અનુષ્કા શર્માએ પુત્રીને જન્મ આપ્યો છે. લક્ષ્મીજીના આગમનથી પરિવારમાં ઉત્સાહ છવાયો છે. access_time 4:44 pm IST