Gujarati News

Gujarati News

News of Saturday, 9th June 2018

ફિલ્મ બ્રહ્માસ્ત્રના સેટ પર મામાને મળવા પહોંચી ભાણી

મુંબઇ : ફિલ્મ સર્જક કરણ જોહરની ફિલ્મ બ્રહ્માસ્ત્રના સેટ પર તાજેતરમાં એક ચુલબુલી બાલિકા પહોંચી જતાં હાજર રહેલા સૌને જબરું આશ્ચર્ય  આપ્યું હતું. ફિલ્મ ભારતીય સુપરહીરોની કરણે બનાવવા ધારેલી ટ્રિલોજીની પહેલી કડી છે જેમાં મેગાસ્ટાર અમિતાભ બચ્ચન, રણબીર કપૂર અને આલિયા ભટ્ટ ચમકી રહ્યાં છે. હાલ મુંબઇમાં એનું બીજું શિડયુલ ચાલી રહ્યું છે. પહેલું શિડયુલ બલ્ગેરિયામાં હતું. અયાન મુખર્જી ફિલ્મના ડાયરેક્ટર છે. યોગાનુયોગે હાલ રણબીરની બહેન રિદ્ધિમા મુંબઇમાં પોતાનાં માતાપિતાને મળવા આવી છે. એની સાથે એની પુત્રી સામરાએ એવો આગ્રહ સેવ્યો હતેા કે મારે મામાના બ્રહ્માસ્ત્રના શૂટિંગમાં જવું છે. ખરેખર સેટ પર રણબીરને મળવા પહોંચી ગઇ હતી અને સૌના આકર્ષણનું કેન્દ્ર બની રહી હતી. એણે કેમેરામેનને કહીને કેમેરાની આંખે પણ મામાનએ એમની હીરોઇન સાથે જોયાં હતાં અને ખુશ થઇ ગઇ હતી. બોલિવૂડના સૌથી સિનિયર કપૂર પરિવારની પાંચમી પેઢી છે. સામરાનું કુતૂહલ પણ સૌના આકર્ષણનું કેન્દ્ર બની રહ્યું હતું.

(4:52 pm IST)
  • તાજેતરમાં દક્ષિણ આફ્રિકામાં પીટર મેરિત્સબર્ગ રેલવે સ્ટેશ પર મુકવામાં આવેલા રાષ્ટ્રપિતા ગાંધીજીના બે ચહેરાવાળા પુતળાને લઈને ભારે વિવાદ થયો છે. આ પુતળું "મોહન થી મહાત્મા" ની સફરને ઉજાગર કરે છે. દક્ષિણ આફ્રિકામાં ભારતીય હાઇકમિશનરે પુતળાનેને અજાયબી ગણાવી છે, તો બીજી બાજુ ગાંધીજીના પ્રપૌત્ર તુષાર ગાંધીએ ટ્વિટ દ્વારા રોષ ઠાલવ્યો હતો કે "બે ચહેરાઓ, નોનસેન્સ! તોડી નાખવું જોઇએ." access_time 10:47 am IST

  • ઉત્તરપ્રદેશનાં 11 જિલ્લામાં તોફાનનાં કારણે 26 લોકોનાં મોત નિપજ્યા છે. જ્યારે 4 જાનવરોનાં પણ મોત નિપજ્યા છે. મુખ્યમંત્રી યોગીઆદિત્યનાથે સંબંધિત જિલ્લા મેજીસ્ટ્રેટોને પ્રભાવિત લોકોને રાહત આપવા માટેનાં નિર્દેશ આપ્યા છે. શનિવારે મુંબઇનાં કેટલાક હિસ્સાઓમાં ભારે વરસાદ થયો હતો જેનાં કારણે માયાનગરીની ગતિ અટકી ગઇ હતી. શહેરનાં કેટલાક હિસ્સાઓમાં પાણી ભરાઇ ગયું હતું. મુંબઇ નજીકના ઠાણેમાં વરસાદ સંબંધિત ઘટનાઓમાં 2 લોકોનાં મોત નિપજ્યા હોવાની માહિતી હતી. access_time 2:39 am IST

  • શનિવારે પેટ્રોલમાં લીટરે 40 પૈસા અને ડીઝલમાં 40થી 45 પૈસાનો મોટો ઘટાડો થવાની શકયતા:સતત 11માં દિવસે પેટ્રોલ ડીઝલમાં ભાવ ઘટશે:અત્યાર સુધીમાં સૌથી મોટો ઘટાડો થશે :ઘટયા ભાવ સવારે છ વાગ્યાથી લાગુ થશે :નવા ભાવ મુજબ પેટ્રોલ લિટરે 76,33 રૂપિયા અને ડીઝલનો ભાવ લિટરે 73,42 રૂપિયા થશે :રાજ્ય પ્રમાણે કરવેરા અલગ થશે:છેલ્લા સાત દિવસથી પેટ્રોલ ડીઝલના ભાવમાં ઘટાડો થઇ રહ્યો છે access_time 11:25 pm IST