ફિલ્મ બ્રહ્માસ્ત્રના સેટ પર મામાને મળવા પહોંચી ભાણી

મુંબઇ : ફિલ્મ સર્જક કરણ જોહરની ફિલ્મ બ્રહ્માસ્ત્રના સેટ પર તાજેતરમાં એક ચુલબુલી બાલિકા પહોંચી જતાં હાજર રહેલા સૌને જબરું આશ્ચર્ય  આપ્યું હતું. આ ફિલ્મ ભારતીય સુપરહીરોની કરણે બનાવવા ધારેલી ટ્રિલોજીની પહેલી કડી છે જેમાં મેગાસ્ટાર અમિતાભ બચ્ચન, રણબીર કપૂર અને આલિયા ભટ્ટ ચમકી રહ્યાં છે. હાલ મુંબઇમાં એનું બીજું શિડયુલ ચાલી રહ્યું છે. પહેલું શિડયુલ બલ્ગેરિયામાં હતું. અયાન મુખર્જી આ ફિલ્મના ડાયરેક્ટર છે. યોગાનુયોગે હાલ રણબીરની બહેન રિદ્ધિમા મુંબઇમાં પોતાનાં માતાપિતાને મળવા આવી છે. એની સાથે એની પુત્રી સામરાએ એવો આગ્રહ સેવ્યો હતેા કે મારે મામાના બ્રહ્માસ્ત્રના શૂટિંગમાં જવું છે. એ ખરેખર સેટ પર રણબીરને મળવા પહોંચી ગઇ હતી અને સૌના આકર્ષણનું કેન્દ્ર બની રહી હતી. એણે કેમેરામેનને કહીને કેમેરાની આંખે પણ મામાનએ એમની હીરોઇન સાથે જોયાં હતાં અને ખુશ થઇ ગઇ હતી. બોલિવૂડના સૌથી સિનિયર કપૂર પરિવારની આ પાંચમી પેઢી છે. સામરાનું કુતૂહલ પણ સૌના આકર્ષણનું કેન્દ્ર બની રહ્યું હતું.