Gujarati News

Gujarati News

News of Saturday, 7th July 2018

ઇન્સ્ટા પર 1.2 કરોડના ફોલોવર્સ થયા દિશા પટણીના

મુંબઈ: ટાઇગર શ્રોફની ગર્લફ્રેન્ડ અને સુપરહિટ ફિલ્મ બાગી ટુની હીરોઇન દિશા પટણીના ઇન્સ્ટાગ્રામ પરના ચાહકોની સંખ્યા વધીને એક કરોડ વીસ લાખ થઇ ગઇ હોવાની માહિતી મળી હતી. યંગ કલાકારોમાં દિશા પહેલી એવી અભિનેત્રી છે જેણે સોશ્યલ મિડિયા પર બહુ થોડા સમયમાં આટલા બધા ચાહકો મેળવી લીધા હતા. ટોચની ફેશન આઇકન હોવા ઉપરાંત ડાન્સર તરીકે પણ દિશા જાણીતી છે. એને પહેલી હિટ ફિલ્મ હતી એમ એસ ધોની- ધ અનટોલ્ડ સ્ટોરી. ત્યારબાદ એણે બાગી અને બાગી ટુ કરી હતી. હવે એ સલમાન ખાન અને પ્રિયંકા ચોપરા સાથે અલી અબ્બાસ ઝફરની ભારત ફિલ્મ કરી રહી છે. તાજેતરમાં એની એક વિડિયો ક્લીપ પણ સોશ્યલ મિડિયા પર ક્લીક થઇ હતી જેને જબ્બર પ્રતિભાવ મળ્યો તો. આ વિડિયો ક્લીપમાં એ છલાંગ લગાવતી નજરે પડી હતી. ઐાર એક વિડિયો ક્લીપમાં એ ખતરનાક સ્ટંટ કરતી નજરે પડી હતી. આ બંને ક્લીપને જોરદાર આવકાર સાંપડયો હતો. પોતાને મળેલી સફળતાથી એ ખુશ છે. એણે સોશ્યલ મિડિયા પર પોતાના ચાહકોનો આભાર માન્યો હતો.

(4:59 pm IST)
  • નવસારી અને ડાંગ જિલ્લામાં ભારે વરસાદ ના કારણે પૂર્ણાં અને અંબિકા નદીઓ માં ઘોડાપુર ની સ્થિતિ : નીચાણવાળા વિસ્તારોને અલર્ટ કરાયા. access_time 7:19 pm IST

  • વરસાદે સર્જી જાપાનમાં તારાજી : જાપાનના પશ્ચિમ વિસ્તારમાં જોરદાર પૂર તથા ભેખડો ધસી પડવાને કારણે આશરે ૫૦થી વધુ લોકોનાં મૃત્યુ થયાં છે અને સેકડો લોકો લાપતા થયા છે. મોટાભાગનાં મૃત્યુ હિરોશીમા પ્રદેશમાં થયાં છે. હિરોશીમા પ્રદેશમાં ગુરુવારથી મુશળધાર વરસાદ પડી રહ્યો છે અને હજ્જારો ઘરોને નુકસાન થયું છે. આશરે 15 લાખ લોકોને તેમના ઘર છોડીને સલામત સ્થળે જતા રહેવાનો આદેશ આપવામાં આવ્યો છે. હજ્જારો પોલીસ કર્મચારીઓ, ફાયર ફાઈટર્સ અને સૈનિકો શોધ તથા બચાવ કામગીરીમાં જોડાયા છે. આગામી કેટલાક દિવસોમાં વધુ વરસાદ પડવાની આગાહી પણ કરવામાં આવી છે. access_time 11:12 pm IST

  • સુરેન્દ્રનગરમાં એ ડિવિઝનમાં ફરજ બજાવતા એએસઆઇ અને એક કોન્સ્ટેબલ રૂપિયા 10 હજારની લાંચ લેતા ACBએ રંગે હાથ ઝડપી પાડ્યા:બંનેએ પ્રોહિબિશનનો ગુનો દાખલ નહીં કરવા માટે લાંચ માગી હતી.:એસીબીના છટકામાં આબાદ સપડાયા access_time 1:32 am IST