Gujarati News

નવી દિલ્હી: આ વર્ષના અંતમાં આયોજિત થનાર એએફસી અંડર-16 ક્વાલિફાયરની તૈયારી માટે ભારતીય પુરુષ અંડર-16 ટીમ ઇટલી પ્રવાસ માટે ર્નવાના થઇ ગઈ છે. ઇટલી પ્રવાસ પર ભારતીય ટીમ એમયુ-15 ચેમ્પિયશીપમાં ભાગ લેશે. આ સ્પર્ધામાં ભારત સિવાય અમેરિકા, મેક્સિકો અને સ્લોવેનિયાની ટીમ પણ ભાગ લીધો છે. ટીમના કોચ બિબીઓ ફર્નાન્ડિઝે કહ્યું હતું કે અમેરિકા, મેક્સિકો અને સ્લોવેનિયા મોટી ટીમો છે અને છોકરાઓ માટે આવા ટીમો સાથે રમવું સારું રહેશે. અમે સમગ્ર દેશમાં પરીક્ષણો હાથ ધર્યા અને કોલ્હાપુર, ગોવા, કેરળ, મિઝોરમ, મણિપુર જેવા વિવિધ ભાગોના છોકરાઓ તૈયાર કર્યા અને તેમને ટીમમાં સમાવી લીધા.ભારત 28 મી એપ્રિલે એમયુ -15 ટુર્નામેન્ટમાં અમેરિકા સામેની તેમની પ્રથમ મેચ રમશે. આ પછી 29 એપ્રિલના રોજ બીજા દિવસે મેક્સિકોનો સામનો કરવો પડશે જ્યારે 30 એપ્રિલે સ્લોવેનિયાનો સામનો કરવો પડશે.