Gujarati News

Gujarati News

News of Friday, 22nd June 2018

ભારતીય ક્રિકેટ ટીમ પાંચ વર્ષમાં પ૧ ટેસ્ટ, ૮૩ વન-ડે, ૬૯ ટી-૨૦ આંતરરાષ્‍ટ્રીય મેચ રમશે

નવી દિલ્‍હીઃ ભારતીય ક્રિકેટ ટીમ આગામી પાંચ વર્ષ દરમિયાન ટેસ્ટ, વન-ડે અને ટી-૨૦ જેવી ૨૦૩ મેચ રમશે. આ પાંચ વર્ષમાં ભારતીય ટીમ 51 ટેસ્ટ મેચ, 83 વનડે મેચ અને 69 ટી-20 આંતરાષ્ટ્રીય મેચ રમશે તેવી સંભવાના છે.

ભારતની મેચોની સંખ્યા બાબતે બીજા સ્થાને વેસ્ટઈન્ડીઝ (186 મેચ) અને ત્રીજા સ્થાને ઈંગ્લેન્ડ (175 મેચ) રમશે. ટેસ્ટમેચ રમવામાં ભારતીય ટીમ બીજા સ્થાને છે, જ્યારે ઈંગ્લેન્ડ 59 ટેસ્ટ સાથે પહેલા નંબરે છે અને ઓસ્ટ્રેલિયા 47 ટેસ્ટ મેચ સાથે ત્રીજા સ્થાન પર છે. વનડે મેચ અને ટી-20 મામલે ભારત વેસ્ટઈન્ડીઝથી આગળ છે.

બીસીસીઆઈના એક વરિષ્ઠ અધિકારીએ જણાવ્યું કે એક એફટીવી દ્રિપક્ષીય સમજૂતીની જેમ છે, પરંતુ કેલેન્ડર નિર્માણમાં આઈસીસી પોતાના અભિપ્રાય આપશે. જે લોકો વિચારે છે કે બીસીસીઆઈ ટેસ્ટ મેચને નજરઅંદાજ કરી રહ્યું છે, તેમના માટે વળતો જવાબ છે કેમ કે ભારત પાંચ વર્ષમાં 50થી વધુ ટેસ્ટ મેચ રમશે.

(5:32 pm IST)
  • ગીરગઢડા તાલુકાના ધોકડવા ગામે ભેદી ધડાકો: લોકો ધરની બહાર દોડી ગયા : ધોકડવાના આસપાસના ગામો સહીત ગીર જંગલમા ભેદી ધડાકાનો અવાજ સંભળાયો: લોકોના જણાવ્યા પ્રમાણે આકાશથી પસાર થઈ રહેલ વિમાન નિકળી રહ્યુ હતુ ત્યાંરે થયો ભેદીધડાકો: ધોકડવાના અબાની ધાર વિસ્તારમા લોકોના મકાનનો સેલ્બ તેમજ નળીયા વાળા મકાનના નળીયા પણ હલબલી ગયા access_time 6:57 pm IST

  • અમદાવાદનાં પૂર્વ વિસ્તારોમાં ભારે પવન સાથે ઝાપટા : અમદાવાદના પૂર્વ વિસ્તારોમાં આજે સાંજે વરસાદનુ આગમન થતા વાતાવરણમા ઠંડક પ્રસરી ગઇ હતી. : નરોડા,નારોલ,વસ્ત્રાલ સહિતના વિસ્તારોમાં ભારે પવન ફુંકાયો હતો અને વરસાદી ઝાપટા વરસ્યા હતા.વરસાદ પડતા બફારામાંથી લોકોને રાહત મળી હતી. access_time 7:30 pm IST

  • ભાજપ દ્વારા લોકસભા ચૂંટણી અને દિલ્હીની રાજકીય સ્થિતિ પર મંથન :સોશ્યલ મીડિયાનો ભરપૂર ઉપયોગ અને દલિત સમુદાયને પાર્ટી સાથે જોડવા દલિત સંપર્કઃ અભિયાન ચલાવો :ભાજપના અધ્યક્ષ અમિતભાઇએ આપ્યો નેતાઓને નિર્દેશ:મોદી સરકારની ઉપ્લબ્ધીઓની જાણકારી લોકો સુધી પહોંચાડવામાં સોશ્યલ મીડિયાનો બખૂબી ઉપયોગ સમજાવ્યો access_time 12:52 am IST