Gujarati News

આઈસીસીએ ગઈકાલે ૨૦૧૮ થી ૨૦૨૩ સુધી પાંચ વર્ષ માટે પોતાના ફયુચર પ્રોગ્રામની ઘોષણા કરી હતી. જેમાં વર્લ્ડ ટેસ્ટ ચેમ્પિયનશીપ અને ૧૩ ટીમનો વન-ડે લીગનો પણ સમાવેશ થાય છે. ભારતીય ટીમ જુલાઈ ૨૦૧૯માં વેસ્ટ ઇન્ડિઝ સામે એના ઘરઆંગણેથી આઈસીસી વર્લ્ડ ટેસ્ટ ચેમ્પિયનશીપમાં ભાગ લેશે તો ૧૩ ટીમોની વન-ડે લીગમાં ભારતીય ટીમ જૂન ૨૦૨૦થી શ્રીલંકા સામે પોતાના અભિયાનની શરૂઆત કરશે. ટેસ્ટ ચેમ્પિયનશીપમાં ટેસ્ટ રમાનારી ટોચની નવ ટીમો ભાગ લેશે. ટોચના સ્થાન માટે અંદાજે બે વર્ષ દરમિયાન ઘરઆંગણે અને વિદેશમાં ત્રણ સીરીઝ રમશે. ટોચ પર રહેનારી બે ટીમો વચ્ચે ફાઈનલ રમાશે. આ ફાઈનલ મોટેભાગે જુલાઈ ૨૦૨૧માં લોડ્ર્સમાં રમાશે. ૧૩ ટીમોની વન-ડે લીગમાં વર્લ્ડ ક્રિકેટ લીગ ચેમ્પિયનશીપની વિજેતા નેધરલેન્ડ્સ ઉપરાંત ટેસ્ટ મેચ રમનારી તમામ ૧૨ ટીમો ભાગ લેશે.