Gujarati News

નવી દિલ્હી, તા. ૧૮ : દરેક ક્રિકેટરની લાંબી કારકિર્દી હોય છે. આ સમય દરમિયાન, તે ક્રિકેટરો કાં તો કોઈ મહાન કેપ્ટનની નીચે પોતાને સુધારે છે અથવા તો કેપ્ટન બની જાય છે. જ્યારે કેટલાક એવા પણ છે જે ઘણા બધા કેપ્ટન હેઠળ રમીને પોતાની કારકિર્દી સમાપ્ત કરે છે. અહીં, અમે કેટલાક એવા ખેલાડીઓ પર ધ્યાન આપીશું કે જેમની પાસે મોટાપ્રમાણમાં કેપ્ટન હેઠળ રમવાનો રેકોર્ડ છે.

માર્લોન સેમ્યુએલ્સઃ  માર્લોન સેમ્યુએલ્સનો આંતરરાષ્ટ્રીય ક્રિકેટમાં સૌથી વધુ કેપ્ટન હેઠળ રમવાનો રેકોર્ડ છે. સેમ્યુએલે કુલ ૧૭ કેપ્ટનોના હાથ હેઠળ રમ્યો હતો. સેમ્યુએલ્સ ૩૬૪ આંતરરાષ્ટ્રીય મેચ રમ્યો. તેણે ૨૦૧૫ માં શ્રીલંકા પ્રવાસ પરની વનડે મેચ દરમિયાન તેના દેશની કેપ્ટનશીપ કરી હતી. સેમ્યુએલ્સે ડેરન સેમીની કેપ્ટનશીપ હેઠળ ૯૮ મેચ રમી હતી, જે કોઈપણ કેપ્ટનની અંતર્ગત રમાયેલી સૌથી વધુ આંતરરાષ્ટ્રીય મેચ છે. છેલ્લા દાયકામાં, મોટાભાગના સ્ટાર ખેલાડીઓએ વિશ્વભરમાં ટી ૨૦ લીગ માટે પોતાને ઉપલબ્ધ કરાવ્યા હતા. જોકે સેમ્યુએલ્સ કેરેબિયન ટીમને વફાદાર રહ્યો અને પોતાના નબળા ફોર્મ સુધી ત્રણેય ફોર્મેટમાં તેણે ટીમનું પ્રતિનિધિત્વ કર્યું. વર્ષોથી વેસ્ટ ઇન્ડીઝે  અનેક સુકાનીઓ બદલ્ય, ખાસ કરીને ટી -૨૦માં અને સેમ્યુએલ્સ તેમાંથી મોટા ભાગના સુકાનીના હાથ હેઠળ રમ્યો હતો.

ક્રિસ ગેલઃ અત્યાર સુધી, ક્રિસ ગેલ આંતરરાષ્ટ્રીય ક્રિકેટમાં  ૪૬૨ મેચમાં ભાગ લઈ ચૂક્યો છે, જેમાં તેણે કેપ્ટન તરીકે ૯૦ મેચ રમી છે - ૨૦ ટેસ્ટ, ૫૩ વનડે અને ૧૭ ટી -૨૦. બાકીની ૩૭૨ આંતરરાષ્ટ્રીય મેચોમાં તે ૧૬ જુદા જુદા કેપ્ટન હેઠળ રમ્યો છે. ૧૬ કેપ્ટનમાંથી, ગેલે ફક્ત બ્રાયન લારા (૧૧૩) ની કપ્તાની હેઠળ ૧૦૦ થી વધુ આંતરરાષ્ટ્રીય મેચ રમી હતી. રસપ્રદ વાત એ છે કે ક્રિસ ગેલના ૧૬ કેપ્ટનમાંથી બે કેરેબિયન આઇલેન્ડના નથી. તેણે ૨૦૦૫માં રિકી પોન્ટિંગની કપ્તાની હેઠળ એશિયા ઇલેવન સામે આઇસીસી વર્લ્ડ ઇલેવનની સુનામી રિલિફ ફંડ માટે  મેચ રમી હતી. તે જ વર્ષે ગેલ સુપર સિરીઝમાં ઓસ્ટ્રેલિયા સામેની બે મેચમાં આઈસીસી વર્લ્ડ ઇલેવનનો ભાગ બન્યો હતો. શોન પોલોક તે બે વનડે મેચોમાં વર્લ્ડ ઇલેવનનો કેપ્ટન હતો.

શોએબ મલિકઃ શોએબ મલિક એ પાંચ ખેલાડીઓમાંથી એક છે જેમણે આંતરરાષ્ટ્રીય ક્રિકેટમાં ૧૫ કે તેથી વધુ સુકાનીઓના હાથ નીચે રમ્યો છે. મલિકને કારકિર્દીના ૨૧ વર્ષમાં વિવિધ લાઇન-અપ્સ અને જુદા જુદા કેપ્ટન હેઠળ રમવાની તક મળી. હવે બાંગ્લાદેશ સામેની તાજેતરની સ્થાનિક ટી -૨૦ શ્રેણીમાં બાબર આઝમ શોએબ મલિકનો ૧૫ મો કેપ્ટન બન્યો છે. આ ઓલરાઉન્ડર પોતે ૨૦૦૦ના દાયકાના મધ્ય ભાગમાં પાકિસ્તાન ટીમનો કેપ્ટન હતો, જ્યાં તેણે ત્રણ ટેસ્ટ, ૪૧ વનડે અને ૨૦ ટી -૨૦ મેચોમાં પોતાના દેશનું નેતૃત્વ કર્યું હતું.

અબ્દુલ રઝાકઃ અબ્દુલ રઝાક આંતરરાષ્ટ્રીય કારકિર્દીમાં ૧૮ વર્ષોમાં ૩૪૩ મેચ રમ્યો હતો. તેની કારકિર્દી દરમિયાન, રઝાકને આંતરરાષ્ટ્રીય ક્રિકેટમાં ૧૫ કેપ્ટન  સાથે રમવાની તક મળી. રઝાક તેની કારકીર્દિનો મોટાભાગનો ભાગ ઈન્ઝમામ-ઉલ-હકની કપ્તાની હેઠળ રમ્યો હતો, જેમાં ૧૦૫ આંતરરાષ્ટ્રીય મેચ - ૧૯ ટેસ્ટ, ૮૫ વનડે અને ૧ ટી ૨૦ નો સમાવેશ થાય છે. રઝાકે ૧૯૯૬ માં વસિમ અકરમ સાથે આંતરરાષ્ટ્રીય ક્રિકેટમાં પ્રવેશ કર્યો હતો અને મોહમ્મદ હાફીઝ કેપ્ટન હતો ત્યારે આ સ્તરે છેલ્લે ૨૦૧૩ માં રમ્યો હતો. એમસીજીમાં વર્લ્ડ ઇલેવન સામે એશિયા ઇલેવનનું પ્રતિનિધિત્વ કરનારા રઝાકના ૧૫ આંતરરાષ્ટ્રીય કેપ્ટનમાં સૌરવ ગાંગુલી પણ હતો.

શાહિદ આફ્રિદીઃ આંતરરાષ્ટ્રીય ક્રિકેટમાં મોટાભાગના કેપ્ટન હેઠળ રમનારા ખેલાડીઓની યાદીમાં શાહિદ આફ્રિદી ત્રીજા ક્રમે છે. તે ૧૫ કેપ્ટનોના નેતૃત્વમાં રમ્યો હતો. આફ્રિદીએ આંતરરાષ્ટ્રીય ક્રિકેટમાં તેની કેપ્ટનશીપ હેઠળ ૮૩ મેચ રમી હતી - ૧ ટેસ્ટ, ૩૮ વનડે અને ૪૪ ટી -૨૦. તેણે મિસબાહ-ઉલ-હક હેઠળ કુલ ૭૬ આંતરરાષ્ટ્રીય મેચ રમ્યો, જેમાં ૭૦ માત્ર વનડે હતી, જ્યારે અન્ય છ મેચ ્૨૦ ફોર્મેટમાં હતી. આંતરરાષ્ટ્રીય સ્તરે પ્રથમ વખત ટીમનું નેતૃત્વ કરતા પહેલા કુલ ૧૪ કેપ્ટન હેઠળ તે રમ્યો. તેણે સઈદ અનવરના નેતૃત્વમાં પાકિસ્તાની ટીમમાં પ્રવેશ કર્યો હતો. આફ્રિદીના ૧૫ કેપ્ટનની યાદીમાં દક્ષિણ આફ્રિકાના એક ખેલાડી - શોન પોલોકનો સામેલ છે જે આઈસીસી વર્લ્ડ ઇલેવનનો કપ્તાન હતો.