Gujarati News

Gujarati News

News of Tuesday, 16th July 2019

સચિનની વર્લ્ડ ઇલેવનમાં એમએસ ધોનીનો સમાવેશ ન થયો

ભારતના પાંચ ખેલાડીઓનો સમાવેશ કરાયો : ઓપનિંગ તરીકે રોહિત શર્મા, બેરશોનો સમાવેશ કરાયો

નવી દિલ્હી, તા. ૧૬ : માસ્ટર બ્લાસ્ટર બેટ્સમેન તરીકેની છાપ ધરાવી ચુકેલા સચિન તેંડુલકરે આજે વર્લ્ડકપની હાલમાં જ પુરી થયેલી એડિશનમાં રમી ચુકેલા ક્રિકેટરો પૈકી ૧૧ ખેલાડીઓની તેની ટીમ પસંદ કરી હતી. સચિન તેંડુલકરે પણ આશ્ચર્યજનકરીતે પોતાની ટીમમાં એમએસ ધોનીનો સમાવેશ કર્યો નથી જેથી સચિન તેંડુલકરની પસંદગીને લઇને પણ પ્રશ્નો ઉઠ્યા છે. આ પહેલા આઈસીસી દ્વારા પણ વર્લ્ડકપ ૨૦૧૯ ઇલેવનની પસંદગી કરી હતી જેમાં ધોનીનો સમાવેશ કરવામાં આવ્યો ન હતો. આઈસીસીની ઇલેવનમાં રોહિત શર્મા અને બુમરાહનો સમાવેશ કરવામાં આવ્યો હતો. બીજી બાજુ હવે સચિન તેંડુલકરની ટીમમાં પણ ધોનીનો સમાવેશ કરવામાં આવ્યો નથી. કેન વિલિયમસનના નેતૃત્વમાં સચિન તેંડુલકરની ઇલેવનમાં પાંચ ભારતીયો રોહિત શર્મા, વિરાટ કોહલી, હાર્દિક પંડ્યા, રવિન્દ્ર જાડેજા અને જસપ્રિત બુમરાહનો સમાવેશ કરવામાં આવ્યો છે. જો કે, ઇલેવનમાં એમએસ ધોનીનો સમાવેશ કરવામાં આવ્યો નથી. ટીમમાં રોહિત શર્મા અને જોની બેરશોની ઓપનિંગ બેટ્સમેન તરીકે પસંદગી કરવામાં આવી છે જ્યારે વિલિયમસન ત્રણ નંબર ઉપર પસંદ કરવામાં આવ્યો છે. કોહલી ચાર નંબર ઉપર ત્યારબાદ ઓલરાઉન્ડર શાકીબ અલ હસન, બેન સ્ટોક, હાર્દિક પંડ્યા અને જાડેજાનો સમાવેશ કરાયો છે. તેંડુલકરની વર્લ્ડકપ ઇલેવનમાં ત્રણ સ્પેશિયાલિસ્ટ ઝડપી બોલરોનો સમાવેશ કરાયો છે જેમાં સ્ટાર્ક, આર્ચર અને બુમરાહનો સમાવેશ થાય છે. સચિનની ટીમ નીચે મુજબ છે. ટીમ નીચે મુજબ છે.

(7:53 pm IST)
  • જાહેર ક્ષેત્રની 56 કંપનીઓ દેવાળું ફૂંકવાના કગાર પર : એર ઈન્ડિયા સૌથી ટોચે:દેશમાં દેવાળું ફૂંકનારી સરકારી કંપનીઓની સંખ્યામાં છેલ્લા ત્રણ વર્ષથી વધારો : 2015-16માં આવી કંપનીઓની સંખ્યા 48 હતી, જે 2017-18માં વધીને 56 થઈ ગઈ: આ તમામ કંપનીઓમાં એર ઈન્ડિયા ટોચ પર છે. access_time 1:04 am IST

  • માનહાની કેસ : સીએમ કેજરીવાલ અને મનિષ સીસોદીયાને જામીન મળ્યા : દિલ્હીના મુખ્યમંત્રી અરવિંદ કેજરીવાલ અને ડે. મુખ્યમંત્રી મનીષ સીસોદીયાને માનહાનીના બે કેસમાં જામીન મળી ગયા છે : ઉલ્લેખનીય છે કે કેજરીવાલ અને સીસોદીયા પર બીજેપી નેતા વિજેન્દ્ર ગુપ્તા અને રાજીવ બબ્બરે માનહાનીનો કેસ દાખલ કર્યો હતો : આ બંને કેસની સુનાવણી માટે કેજરીવાલ અને સીસોદીયા આજે રાઉજ એવન્યુ કોર્ટમાં રજૂ થયા : કોર્ટે બંનેને જામીન આપ્યા access_time 1:23 pm IST

  • ૮ લાખ કરોડના દાવાઓ ફેંસલ કરવા મોદી સરકાર લાવી રહી છે 'વન-ટાઈમ આવકવેરા યોજના' : મોદી સરકાર આવકવેરાના લાખો કેસોનો નિકાલ કરવા ટૂંક સમયમાં વન-ટાઈમ માફી યોજના લાવી રહ્યાનું ન્યુઝ ફર્સ્ટ જણાવે છે : સપ્ટેમ્બર - ઓકટોબર મહિનામાં જાહેરાત થવાની પૂરી સંભાવના છે : સરકાર આ પગલા દ્વારા ૮ લાખ કરોડના આવકવેરાના વિવાદીત કેસોનો ફેંસલો લાવવા માગે છે : જો કે આ સ્કીમની વધુ વિગતો જાણવા મળતી નથી access_time 1:22 pm IST