Gujarati News

Gujarati News

News of Thursday, 13th September 2018

ઇંગ્લેન્ઠ સામેની મેચમાં આદિલ રાશિદે ફેંકેલા બોલની તુલના શેન વોર્ન દ્વારા ફેંકાયેલા બોલ ઓફ ધ સેન્ચુરી સાથે થવા લાગી

લંડન : ઈંગ્લેન્ડ અને ભારત વચ્ચે કેનિંગ્ટન ઑવલ ખાતે રમાયેલી 5મી અને છેલ્લી ટેસ્ટમાં છેલ્લો દિવસ ઈંગ્લેન્ડ માટે પડકારભર્યો રહ્યો હતો. મેચના પાંચમા દિવસે ભારત જીત માટે 464 રનના વિશાળ ટાર્ગેટનો પીછો કરી રહ્યું હતું. ઈંગ્લિશ ખેલાડીઓએ અજિંક્ય રહાણે અને હનુમા વિહારીને તો જલ્દી આઉટ કરી લીધા હતા પણ બાદમાં કે એલ રાહુલ અને ઋષભ પંતની જોડીએ જે રીતે બેટિંગ કરી તે જોઈને ઈંગ્લેન્ડને પરસેવો છૂટી ગયો. બંનેએ 45 ઓવર સુધી બેટિંગ કરી અને લાગ્યું કે, બંને મળીને મેચને ભારતના પક્ષમાં લઈ ગયા છે પણ આદિલ રાશિદના એક બોલે આખી મેચનો તખ્તો પલટી નાખ્યો.

રાશિદે 149 રન પર રમી રહેલા રાહુલને જે રીતે બોલ્ડ કર્યો તે કોઈ જાદુથી ઓછું નહોતું. ખુદ રાહુલ પણ આ બોલ જોઈને દંગ રહી ગયો. રાશિદનો આ બોલ એટલો જોરદાર હતો કે, તેની તુલના શેન વૉર્ન દ્વારા ફેંકાયેલા ‘બૉલ ઑફ ધ સેન્ચુરી’ સાથે થવા લાગી છે.

આ બોલની સોશિયલ મીડિયા પર ખૂબ ચર્ચા થઈ રહી છે. લોકો તેને ‘બોલ ઑફ ધ સેન્ચુરી’ કહીને ખૂબ લાઈક અને શેર કરી રહ્યાં છે. જોકે, ઘણા લોકો રાશિદની બોલિંગ સ્ટાઈલ પર સવાલ ઉઠાવી રહ્યાં છે. ઘણા લોકોનું કહેવું છે કે, રાશિદનો પગ બૉક્સની બહાર છે અને તેનો પાછલો પગ પણ રિટર્નિંગ ક્રિઝથી ઉપર છે. આ રીતે આ બોલ લીગલ ન કહી શકાય. લોકો તેને એમ્પાયરની ચૂક માની રહ્યાં છે.

જણાવી દઈએ કે, અગાઉ ઑસ્ટ્રેલિયાના મહાન સ્પિનર શેન વૉર્ને 1993ની એશિઝ સીરીઝમાં માઈક ગેટિંગને એક શાનદાર બોલ પર આઉટ કર્યો હતો. વોર્ને ફેંકેલો બોલ લેગ સ્ટમ્પની બહાર પિચ ખાઈને ઑફ સ્ટમ્પ પર લાગ્યો હતો. આ બોલને એક્સપર્ટ્સ અને ક્રિકેટ ફેન્સ આજે પણ બૉલ ઑફ ધ સેન્ચુરી તરીકે યાદ કરે છે.

(4:57 pm IST)
  • સુરત :મિઝલ્સ-રુબેલા રસીકરણ કેમ્પેઇન:10 લાખ 82 હજાર 878 બાળકોને રસીકરણ કરાયું: રાજ્યમાં સૌથી વધુ બાળકોનું રસીકરણ સુરતમાં થયું :16 જુલાઈથી શરૂ થયું હતું કેમ્પેઇન: 9 માસથી 15 વર્ષના બાળકોનું રસીકરણ કરાયું access_time 11:02 pm IST

  • રાહુલે ૫ હજાર કરોડનું કર્યુ કૌભાંડ : બીજેપીના કોંગ્રેસ અધ્યક્ષ પર આકરા પ્રહારો : રાહુલ ગાંધી ગમે ત્યારે ટ્વીટ કરે છે, તેણે કાળા નાણાનો ઉપયોગ કર્યો છે : ૫ હજાર કરોડનું કૌભાંડ પણ તેણે કર્યુ છે : શેલ કંપની પાસેથી રાહુલે લીધી છે લોન : માલ્યાની મદદ ગાંધી પરિવારે કરી છે : રાહુલનું હવાલાથી કનેકશન છે : બીજેપીના જબરા પ્રહારો access_time 4:05 pm IST

  • નવી એપલ વોચ-4 લોન્ચ:ઇસીજી ,ઇલેક્ટ્રો કાર્ડિયોગ્રામ જેવા અદભૂત નવા ફીચર્સ:૬૪ બીટ ડ્યુઅલ કોર પ્રોસેસર:એક્સીલેરોમીટર,જાયરોસ્કોપ જેવા નવા ફીચર્સ લોન્ચિંગ ઇવેન્ટ ટ્વિટર ઉપર લાઈવ access_time 12:04 am IST