Gujarati News

નવી દિલ્હી: અંતિમ ઓવરમાં જમણા હાથના ફાસ્ટ બોલર લુંગી નાગિદિની આશ્ચર્યજનક બોલિંગને કારણે દક્ષિણ આફ્રિકાએ ત્રણ મેચની ટી -20 શ્રેણીની પહેલી મેચમાં ઇંગ્લેન્ડને એક રનથી હરાવીને શ્રેણીમાં 1-0ની લીડ મેળવી લીધી છે. ઇંગ્લેન્ડે બુધવારે ટોસ જીતીને દક્ષિણ આફ્રિકાને પ્રથમ બેટિંગ માટે આમંત્રણ આપ્યું હતું.સાઉથ આફ્રિકાએ આઠ વિકેટે 177 રન બનાવ્યા અને ત્યારબાદ ઇંગ્લેન્ડને 9 વિકેટે 176 પર રોકી દીધું. ટી -20 ક્રિકેટમાં ત્રીજી વખત દક્ષિણ આફ્રિકા એક રનથી જીત્યું છે જ્યારે ઇંગ્લેન્ડ પ્રથમ વખત એક રનથી હાર્યું છે. દક્ષિણ આફ્રિકા તરફથી 178 રનના લક્ષ્યાંકનો પીછો કરતાં ઇંગ્લેન્ડે મેચ જીતવા માટે અંતિમ સાત બોલમાં સાત રન બનાવ્યા હતા.પરંતુ અંતિમ ઓવર લાવનાર નાગિદીએ ઇંગ્લેન્ડને લક્ષ્ય સુધી પહોંચવા દીધું નહીં અને દક્ષિણ આફ્રિકાને એક રનની જીત અપાવી. ઇંગ્લેન્ડ તરફથી જેસન રોયે 70, કેપ્ટન ઇઓન મોર્ગને 52 અને જોની બેરસ્ટોએ 23 રનનું યોગદાન આપ્યું હતું.