Gujarati News

નવી દિલ્હીઃ ત્રણ વખતના વર્લ્ડ કપ વિજેતાને હોસ્પિટલમાં દાખલ કરવામાં આવ્યો હતો.  હોસ્પિટલે તેના મેડિકલ બુલેટિનમાં જણાવ્યું હતું કે ૮૧ વર્ષીય પેલેની સ્થિતિ સ્થિર છે અને આગામી થોડા દિવસોમાં તેમને રજા આપવામાં આવશે.

બે કે ત્રણ દિવસમાં તે ક્રિસમસની ઉજવણી કરવા ઘરે પાછા આવશે, એમ તેની પુત્રી નાસિમેન્ટોએ ઇન્સ્ટાગ્રામ પર પોસ્ટ કર્યું. સપ્ટેમ્બરની શરૂઆતમાં, પેલેએ રોગને દૂર કરવા માટે સર્જરી કરાવી હતી, તે સમયે હોસ્પિટલે કહ્યું હતું કે તેમને કીમોથેરાપીની પણ જરૂર પડશે.

પેલેને તાજેતરના વર્ષોમાં અનેક સ્વાસ્થ્ય સમસ્યાઓનો સામનો કરવો પડ્યો છે.  છ મહિનામાં બીજી વખત હોસ્પિટલમાં દાખલ થયા બાદ ૨૦૧૫માં તેની સર્જરી થઈ હતી અને ૨૦૧૯માં તેને ફરીથી દાખલ કરવામાં આવ્યો હતો.

બ્રાઝિલ માટે, પેલેએ ૯૨ મેચોમાં ૭૭ ગોલ કર્યા છે અને તે ચાર વર્લ્ડ કપમાં સૌથી વધુ ગોલ કરનારમાંનો એક છે. બ્રાઝિલના મહાન ફૂટબોલર પેલે બીમારીની સારવાર માટે હોસ્પિટલમાં દાખલ છે.  પરંતુ તેની પુત્રી કેલી નાસિમેન્ટોએ કહ્યું કે તે તેના પરિવાર સાથે નાતાલની ઉજવણી કરવા સમયસર ઘરે આવશે.