News of Saturday, 9th June 2018

રોમાંચના સૌદાગર ડિયેગો મારડોનાના દેખાવની યાદ

૧૯૮૬માં એકલા હાથ મારડોનાએ ટ્રોફી જીતાડી : ઝોપપટ્ટીથી નિકળેલા મારડોનાની અભૂતપૂર્વ લોકપ્રિયતા

મોસ્કો,તા.૯ : ફીફા વર્લ્ડ કપની શરૂઆત થવા આડે ગણતરીના દિવસો રહ્યા છે ત્યારે ફુટબોલ  વર્લ્ડ કપ ૧૯૮૬ની વાત કરવામાં આવે તો આ વર્લ્ડ કપમાં રોમાંચના સૌદાગર ડિયેગો મારડોનાએ તમામને રોમાંચિત કર્યા હતા. ફુટબોલના બેતાજ બાદશાહ પેલે બાદ વ્યક્તિગત કુશળતા અને પગના જાદુથી કોઇ ખેલાડી જો છવાયો છે તો તે ડિયેગો મારડોના છે. પેલેની જેમ જ દસ નંરની જર્સી પહેરીને મેદાનમાં ઉતરનાર મારડોનાએ વર્ષ ૧૯૮૬માં પોતાની ટીમ આર્જેન્ટિનાને વર્લ્ડ કપ અપાવવામાં નિર્ણાયક ભૂમિકા અદા કરી હતી. આર્જેન્ટિનાના પાટનગર બ્યુનોસ એરના ઝોપડપટ્ટીમાંથી નિકળેલા મારડોનાએ ફુટબોલ જગતમાં અભૂતપૂર્વ લોકપ્રિયતા હાંસલ કરી હતી. તે ફુટબોલ દુનિયામાં શહેનશાહ બની ગયો હતો. વર્ષ ૧૯૯૪ના વર્લ્ડ કપમાં તેને નશીલી ચીજવસ્તુઓના ઉપયોગ કરવાને મામલે ટીમમાંથી બહાર કરી દેવામાં આવ્યો હતો. ઓછી ઉંચાઇ હોવા છતા તે વિપક્ષી ટીમ પર હુમલા કરવામાં ખુબ નિષ્ણાંત હતો. મારડોનાના કેટલાક નકારાત્મક પાસા પણ રહ્યા હતા. જેના કારણે તેની લોકપ્રિયતા અને રમત પર અસર થઇ હતી. તે નશીલી દવાના ઉપયોગ, પોતાની ક્લબના અધિકારીઓ સાથે ખરાબ વર્તન, પત્રકારો સાથે ખરાબ વર્તન જેવી ટેવના કારણે બદનામ થયો હતો. તેને પોતાના વર્તનના કારણે જેલની હવા પણ ખાવી પડી હતી. ત્યારબાદ આર્જન્ટિનાના કોચ બનીને ફરી લોકપ્રિય થયો હતો. જાણકાર ફુટબોલ દિગ્ગજ માને છે કે તે મહાન ખેલાડી તરીકે રહ્યો છે. મારડોનાની રમત પર પોતાના સમયમાં ફુટબોલ પ્રેમી ફિદા હતા. તેની રમતને જોવા માટે  ચાહકો ઉમટી પડતા હતા. કેટલીક ટેવ સારી રહી હોત તો તે વધારે લોકપ્રિય થયો હોત.

(12:54 pm IST)
  • આજે ફરી તટીય મહારાષ્ટ્ર, ગોવામાં અતિ ભારે વરસાદની સંભાવના : ગઈકાલે મહારાષ્ટ્રમાં ચોમાસાનો પ્રારંભ થયા બાદ આજે રાજ્યના તટીય ભાગો, મુંબઈ અને ગોવામાં અતિ ભારે વરસાદ થવાની સંભાવના છે. તટીય કર્ણાટક, ગોવા અને દક્ષિણ મહારાષ્ટ્રમાં પહેલેથી જ વરસાદની સ્થિતિ સર્જાઈ છે. મુંબઈ અને આસપાસના વિસ્તારોમાં પ્રશાસન કોઈ પણ ઈમરજન્સીની પરિસ્થિતિને પહોંચી વળવા માટે એલર્ટ પર છે. BMC કર્માચારીઓની વીકેન્ડની રજાઓ પણ રદ કરી દેવામાં આવી છે. access_time 11:16 am IST

  • વડાપ્રધાન નરેન્દ્ર મોદીએ શનિવારે ચીનના કિંગદાઓ શહેરમાં રાષ્ટ્રપતિ શી જિનપિંગ સાથે મુલાકાત કરી. બંન્ને નેતાઓએ દ્વિપક્ષીય સહયોગના તમામ મુદ્દાઓ પર ચર્ચા કરી. મીટિંગથી પહેલા બંન્ને નેતાઓ ગર્મજોશીથી મળ્યા. પોતાના સંબોધનમાં પીએમ મોદીએ કહ્યું કે, ભારત અને ચીન વચ્ચે મજબૂત અને સ્થિર સંબંધથી વિશ્વને સ્થિરતા અને શાંતિની પ્રેરણા મળી શકે છે. તેમણે વુહાનમાં શીની સાથેની અનૌપચારિક મુલાકાતને પણ યાદ કરી હતી. શી જિનપિંગ સાથેની મુલાકાત બાદ વડાપ્રધાન નરેન્દ્ર મોદીએ ટ્વીટ કરીને ચીનના રાષ્ટ્રપતિ સાથેની તસ્વીર પણ પોતાના ટ્વીટર પર શેર કરી હતી. access_time 7:17 pm IST

  • ચીનની વુહાન સમિટની જેમ જ આવતા વર્ષે ચીનનાં રાષ્ટ્રપતિ શી ચિનફિંગ અનૌપચારિક શિખર સમ્મેલન માટે ભારત આવશે. ચીનનાં રાષ્ટ્રપતિએ આ બાબતે વડાપ્રધાન મોદીનાં આમંત્રણનો સ્વિકાર કરી લીધો હતો. વિદેશ સચિવ વિજય ગોખલેએ શનિવારે એક પત્રકાર પરિષદ દરમિયાન આ માહિતી આપી. access_time 2:38 am IST