Gujarati News

Gujarati News

News of Tuesday, 9th March 2021

ગાવસ્કરને આપેલી કેપમાં તેમના ટેસ્ટ પદાર્પણની તારીખ લખેલી છે

(કેતન ખત્રી દ્વારા) અમદાવાદ : ભૂતપૂર્વ ભારતીય ક્રિકેટ કેપ્ટન સુનીલ ગાવસ્કરનું બીસીસીઆઇ દ્વારા તેમના ટેસ્ટ પદાર્પણની પ૦ મી જન્મ જયંતિએ સન્માન કરવામાં આવ્યું હતું. બોર્ડ પ્રમુખ સૌરવ ગાંગુલીએ જણાવ્યું હતું કે બેટિંગ લેજન્ડ અને તેમના સહયોગીઓએ ટીમને બનાવવામાં મહત્વની ભૂમિકા અદા કરી હતી. ૭૧ વર્ષના ગાવસ્કરનું બીસીસીઆઇના સેક્રેટરી જય શાહ દ્વારા સ્પેશીયલ કેપ આપી સન્માન કરવામાં આવ્યું હતું. આ કેપ પર ગાવસ્કરના ટેસ્ટ પદાર્પણની તારીખ ૬ માર્ચ ૧૯૭૧ લખેલી છે. ભારત અને ઇંગ્લેન્ડ વચ્ચેની અંતિમ ટેસ્ટના લંચ દરમિયાન ગાવસ્કરનું સન્માન કરવામાં આવ્યું હતું. ગાવસ્કરે પણ જણાવ્યું હતું કે મેં જે સ્ટેડીયમ પર દસ હજાર રન પુરા કર્યા હતા તેના પર જ મારા ટેસ્ટ પ્રવેશના પ૦ વર્ષની ઉજવણી થઇ તેનાથી મને ઘણો આનંદ થયો છે. તેની સાથે તેમણે મેદાનમાં ફરી પ્રેક્ષકોનું અભિવાદન ઝીલ્યું હતું.

(2:53 pm IST)
  • રાંચી : ઝારખંડ વિધાનસભામાં ભાગ લેવા અને પેટ્રોલ-ડિઝલના ભાવ વધારાના વિરોધમાં કોંગ્રેસના ધારાસભ્ય અંબા પ્રસાદ ઘોડે ચડીને ગૃહમાં પહોંચેલ. access_time 2:52 pm IST

  • મુંબઈ શહેરમાં આજે કોરોના ઇન્ફેક્શનના નવા 1,008 કેસ નોંધાયા છે, પરંતુ વાસ્તવિક ચિંતાના સમાચાર ધારાવી તરફથી આવી રહ્યા છે : આજે ધારાવી ઝૂંપડપટ્ટી વિસ્તારમાં 18 પોઝિટિવ કેસ નોંધાયા છે : છેલ્લે 23 ઓક્ટોબર, 2020 ના રોજ ચાર મહિના પહેલા આ વિસ્તારમાં 18 કેસ નોંધાયા હતા.(ન્યૂઝફર્સ્ટ) access_time 10:27 pm IST

  • સાંજે ૪:૩૦ વાગ્યે ઉત્તરાખંડના ભાજપના મુખ્યપ્રધાન ત્રિવેન્દ્રસિંહ રાવતે અંતે રાજીનામુ આપી દીધુ છે : તેમના સ્થાને મોટાભાગે અનિલ બલૂની મોખરે દોડે છે : વિકલ્પે ધનસિંહ રાવતનું નામ પણ ચર્ચામાં છે access_time 4:33 pm IST